{ FORUM - LOVE }
Search
Title / Tags Author

查看: 18501|回覆: 24

男友多次欠卡數,點好

[複製鏈接]

註冊日期: 2018-11-7

發表於 2018-11-7 13:40 | 顯示全部樓層 |閱讀模式
本帖最後由 hei15hei 於 2018-11-7 13:44 編輯

話說,我同我男朋友一齊左4年就黎5年.我地兩個都25歲啦!佢屋企環境唔好父母冇積蓄,家姐之前幫男友出去借財仔,我男朋友幫佢還緊。男朋友搵萬8-2萬左右,有次OT多同分獎金多就多D。但出多D個個月都係月亮族
我地都係同屋企人住,但佢屋企開支差唔多都係佢俾,老豆中意賭,有時會問男朋友借錢

之前第一次借錢俾佢係借俾佢家姐還債,借左1萬5,其實個時對我黎講唔算細,因為個時岩岩第一份正職辭左職打緊PART TIME,個萬5蚊係我一半積蓄。個時見佢咁慘自己又有少少錢,佢又應承佢家姐會還先借,點知到最彼佢家姐賴皮唔還錢。E筆都算,因為我男友佢自己係出面銀行借左12萬幫佢家姐還,宜家仰分期還緊。自此次後我地都唔多洗唔夕咁多,好多時AA,有時我俾埋佢個份。

第二次借錢俾佢,今年2月個時,有次無意知道佢欠10萬幾卡數,我就叫佢去結餘整合借筆錢清左佢唔好左欠卡數,但因為佢TU唔好,所以剩係借得7萬蚊,當時自己都有一筆錢,咁之前我地去兩次旅行,出去洗費又係佢俾多,見我都有責任,咁剩底個3萬幾我借左俾佢還左個月卡數先.佢都好口響咁話之後個個月都會還得到哂D分期。同埋我同佢講還哂信用卡D分期先連埋佢家姐個筆還俾我。


岩岩尋晚記起佢最後個筆分期下個月12月就還哂,我就多口問佢,先知佢又拖左萬5蚊卡數,佢話因為轉左份新工人工冇咁多所以唔夠錢還(新工都係萬7-萬8,新工包食但車費7百幾左右,舊工唔包食,但唔洗車錢有時我煮埋俾佢)我聽到我真係好唔開心。我地平時出街食好慳,過6百兩個人都唔會食,宜家又少見洗費冇以前咁多。但佢最近同新同事熟左之後成日一齊去食宵夜,一個月一兩次冇咩問題,但以我所知一個星期兩三次。佢話自己係2 3 個月內搞得掂,但我知一定冇可能。
之前覺得問題係係佢屋企到,但宜家覺得係係佢自己到。我唔知今次幫唔幫佢好,定係離場算‧
我有諗過幫埋佢E次,之後同佢取消左張信用卡,但又驚我幫埋佢E次又有下次我一邊為將來打算,儲錢投資,但佢話到自己有哂計劃,但我唔見佢有實際行動
今晚諗住同佢傾
各位 SIS 會點做?

回覆
+ Favorite

舉報

註冊日期: 2016-7-12

發表於 2018-11-7 13:59 | 顯示全部樓層
你講得好啱,唔止佢屋企人有問題,你男朋友本身都有問題。
你唔好再借錢畀佢了,做女朋友同佢一齊慳,減少洗費已經仁至義盡了。
至於繼唔繼續同呢個男人拍拖,就關乎佢對你的態度同相處,你冇多提,我就不便評論了,你自己衡量下呢個人是否值得啦。

註冊日期: 2017-10-10

發表於 2018-11-7 14:07 | 顯示全部樓層
睇左一半⋯
全家又賭錢,個大女唔理咩原因又係欠人錢,講真十萬8 萬唔係多呀,而且佢地每次借你幾萬,你都仲覺得幫到就幫⋯但你知唔知咩叫長窮難顧?
全家人品性都唔好,有咩家長就教出咩子女,你可能覺得你男友唔差啦⋯但作為旁觀者,佢成日陰d 陰d 咁呢度借一萬果度借幾萬⋯佢仲唔係同佢屋企人一擔擔?
25 歲仔好細呀? 成年有餘好耐啦⋯

你計一計你借左幾多錢比呢家人先啦⋯你未嫁都已經咁樣,嫁左咪一蚊都要比佢地陰乾?

我慢慢同你講個問題,首先,呢刻你都大大話話借左幾萬以上比佢地,我問你,如touchwood 你家人呢刻有咩事要入院,又要立即要筆錢去私家做手術,但就係欠$3-4 萬就做到,你本身都拿得出來,但因為佢地一早借走左,又唔還錢,攪到你家人冇得做手術,要去政府排期⋯有d 病係愈早做手術愈好,咁你對唔對得住你家人?
所以話,你都仲未嫁,已經比佢地攪到一鑊泡⋯

好,到你幾年後真係嫁比呢個人,佢地全家跟本長期冇一日係唔欠人錢⋯你一早打算唔生仔還好,你想生仔,或者意外有左,你比屎你個仔食呀? 唔好忘記,你因為一直借錢比佢全家,你都係仙都唔仙下⋯

註冊日期: 2017-10-10

發表於 2018-11-7 14:17 | 顯示全部樓層
Ok, 可能你會覺得我誇張,呢一刻你家中老人或父母都好健康,係完全唔會有大病的,再加上你係打算唔生仔,或者生仔都打算天生天養⋯你未識諗到咁長遠都好⋯
你自己唔會病(touchwood)?你唔會想有個錢旁身?
廿幾歲,就算唔中意讀書進修,你後生女冇物質想要? 聖誕d 朋友打扮靚靚,你唔想?
你就覺得愛條仔就同條仔捱⋯但我聽落好心酸lo⋯唔係話港女格,人地冇錢就要飛人,講緊條仔同佢全家都陰乾緊你⋯你同人捱,人地當你水魚⋯

你都係人地個女來ga 阿妹⋯如果我個妹咁後生就要咁樣捱,我唔會比佢嫁果家人ga...唉⋯

有借有還上等人,佢地宜家唔還不特止,仲不停陰不停陰⋯當你提款機⋯

你聽唔聽都好⋯你咪幫你條仔借財仔呀!你阿媽阿爸會好傷心ga!

註冊日期: 2011-12-14

發表於 2018-11-7 15:15 | 顯示全部樓層
最緊要唔好幫佢係銀行 / 財仔 / 做擔保

離唔離場就睇佢改唔改到啦

之前 我都欠銀行錢
(卡數 只還min pay 滾下滾下成1x萬)

2016年3月的起心肝解決問題 .
唔想個個月都驚銀行打黎 驚唔夠錢還 等等
黎緊2019年3月就還清晒

所以要改一定改到
係在乎佢想唔想改

註冊日期: 2018-11-7

 樓主| 發表於 2018-11-7 16:56 | 顯示全部樓層
sinney 發表於 2018-11-7 03:15
Ok, 可能你會覺得我誇張,呢一刻你家中老人或父母都好健康,係完全唔會有大病的,再加上你係打算唔生仔,或者生仔都打算天生天養⋯你未識諗到咁長遠都好⋯
你自己唔會病(touchwood)?你唔會想有個錢旁身?
廿幾歲,就算唔中意讀書進修,你後生女冇物質想要? 聖誕d 朋友打扮靚靚,你唔想?
你就覺得愛條仔就同條仔捱⋯但我聽落好心酸lo⋯唔係話港女格,人地冇錢就要飛人,講緊條仔同佢全家都陰乾緊你⋯你同人捱,人地當你水魚⋯

你都係人地個女來ga 阿妹⋯如果我個妹咁後生就要咁樣捱,我唔會比佢嫁果家人ga...唉⋯

有借有還上等人,佢地宜家唔還不特止,仲不停陰不停陰⋯當你提款機⋯

你聽唔聽都好⋯你咪幫你條仔借財仔呀!你阿媽阿爸會好傷心ga!

岩岩提議佢去睇下做唔做到結餘轉戶 希望佢唔會俾咁多息銀利快d搞掂卡數。但佢同我講唔想好似之前咁分期還錢 我為佢好,但好似我要害佢咁。我唔覺暫時佢有心改

註冊日期: 2018-11-7

 樓主| 發表於 2018-11-7 17:05 | 顯示全部樓層
milktea913 發表於 2018-11-7 02:06
睇左一半⋯
全家又賭錢,個大女唔理咩原因又係欠人錢,講真十萬8 萬唔係多呀,而且佢地每次借你幾萬,你都仲覺得幫到就幫⋯但你知唔知咩叫長窮難顧?
全家人品性都唔好,有咩家長就教出咩子女,你可能覺得你男友唔差啦⋯但作為旁觀者,佢成日陰d 陰d 咁呢度借一萬果度借幾萬⋯佢仲唔係同佢屋企人一擔擔?
25 歲仔好細呀? 成年有餘好耐啦⋯

你計一計你借左幾多錢比呢家人先啦⋯你未嫁都已經咁樣,嫁左咪一蚊都要比佢地陰乾?

我慢慢同你講個問題,首先,呢刻你都大大話話借左幾萬以上比佢地,我問你,如touchwood 你家人呢刻有咩事要入院,又要立即要筆錢去私家做手術,但就係欠$3-4 萬就做到,你本身都拿得出來,但因為佢地一早借走左,又唔還錢,攪到你家人冇得做手術,要去政府排期⋯有d 病係愈早做手術愈好,咁你對唔對得住你家人?
所以話,你都仲未嫁,已經比佢地攪到一鑊泡⋯

好,到你幾年後真係嫁比呢個人,佢地全家跟本長期冇一日係唔欠人錢⋯你一早打算唔生仔還好,你想生仔,或者意外有左,你比屎你個仔食呀? 唔好忘記,你因為一直借錢比佢全家,你都係仙都唔仙下⋯

Sis 其實我覺得你好岩 我當初借俾佢係相信佢好快可以還到俾我。但好似一路以黎付出仲多過佢。我處處為佢諗,但我唔覺佢有為過我諗。我唔係要男朋友好有錢,但最基本起碼可以有經濟能力照顧到自己。點知一齊左先知d野

註冊日期: 2011-12-14

發表於 2018-11-7 17:12 | 顯示全部樓層
hei15hei 發表於 2018-11-7 04:55
最緊要唔好幫佢係銀行 / 財仔 / 做擔保

離唔離場就睇佢改唔改到啦

之前 我都欠銀行錢
(卡數 只還min pay 滾下滾下成1x萬)

2016年3月的起心肝解決問題 .
唔想個個月都驚銀行打黎 驚唔夠錢還 等等
黎緊2019年3月就還清晒

所以要改一定改到
係在乎佢想唔想改

即係佢想你一筆過幫佢還

你問佢
唔想分期還咁當初點解又要借錢

註冊日期: 2017-10-10

發表於 2018-11-7 17:15 | 顯示全部樓層
冇問題ga, 所有情侶都係一齊左後,至知對方d 野,包括優缺點,同埋一齊一段時間至會知大家性格適唔適合⋯
你又唔係揀佢家庭背景,你冇嫌棄佢,自已冇咩錢都借晒比佢⋯
你提到佢性格就係將d 野收埋,要問佢/紙包唔住火時,佢至坦白同你講再欠錢⋯呢點都已經好差啦,唔計佢借你錢未還,佢呢個做人態度,點樣令你安心大家有將來呀?

註冊日期: 2017-10-10

發表於 2018-11-7 17:31 | 顯示全部樓層
你都頂左佢4 年,老實講⋯快d 止蝕⋯

佢話下年還得晒d 錢,我睇落似係呃你lo, 佢果d 將來計劃都係空口說白話⋯佢d 錢還得晒的話,就唔會你問完佢,佢又話拖左萬幾未還,因為乜乜乜⋯太多藉口⋯太多野隱瞞你⋯

就算佢下年真係如佢口中所講,會還得晒d 錢,你難保佢家姐,佢老豆,佢阿媽,又再欠多筆⋯筆筆唔多丫,5-6 萬咁樣⋯但無限loop wo...都唔得佢死⋯

人地就兩個人努力儲錢,儲到咁上下就結婚⋯
你就一路儲錢,佢就一路話幫屋企人還錢,自己又間中欠下卡數,唔夠時又問你借d, 咁你係儲緊錢,還是幫佢全家還緊錢? 幾時至捱完?

註冊日期: 2017-3-20

發表於 2018-11-7 21:11 | 顯示全部樓層
為愛付出不是問題,重點是對方值不值?

你當初借俾他家姐,已經算叫做搭上搭,對方竟然可以不要臉到不打算還,如果她是問財仔借,她敢不敢不還?這已擺明是恰你。有了這第一次,你還借第二次給他們,其實你自己也需要檢討下,你把自己推進了一個什麼處境?從你原文裡看,你男友跟家人關係密切,就算有一日你同他結婚,當他家人無啦啦又走條債出來,他一樣會去冉手借錢幫手還,咁你點?叫他斷六親嗎,定你下半世都幫他們家還錢?做人要有底線,不是以愛之名就什麼都可以做,什麼都可以要求人地做。

一句話,無底深潭,早走早著

不想哪天在報紙上寫著做雞幫男友還債被逼拍裸照尋死之類的頭條見到你

註冊日期: 2016-10-5

發表於 2018-11-8 10:04 | 顯示全部樓層
你同人捱人地當你水魚

註冊日期: 2014-10-22

發表於 2018-11-8 11:57 來自手機 | 顯示全部樓層
冇用無底深潭。
除非你要一世幫佢還錢。
仲有,你唔好諗住你自己好偉大,你一還開,呢個就係你責任,你唔還係你嘅錯。
為呢啲人浪費咁多年青春?
真係嘥氣。

註冊日期: 2017-10-10

發表於 2018-11-8 13:54 | 顯示全部樓層
Kit C 好似成個星期冇見你!有d 掛住你d 留言hahaha!

註冊日期: 2017-10-10

發表於 2018-11-8 14:01 | 顯示全部樓層
又咁講,我朋友的故事我都講過好多次,佢當年年少無知,都係幫男友還債,仲係借財仔幫佢還,佢自已硬食左一筆錢⋯
但當時點勸佢,佢咪又係去借⋯所以有時女人有起所謂義氣上來,所有人都按佢唔住⋯
佢到最後都唔係因為無底深潭而分手,係因為發現自已一直係第三者,人地有個正印⋯佢至清醒分手⋯但幫佢硬食果筆錢呢⋯就拿唔返ga 啦⋯條仔唔纏佢,佢當執返身彩⋯

所以樓主分唔分手都好,千祈咪幫佢從任何渠道借錢⋯連問自己家人借都唔好⋯

註冊日期: 2018-7-17

發表於 2018-11-8 18:54 | 顯示全部樓層
hei15hei 發表於 2018-11-7 01:39
本帖最後由 hei15hei 於 2018-11-7 13:44 編輯

話說,我同我男朋友一齊左4年就黎5年.我地兩個都25歲啦!佢屋企環境唔好父母冇積蓄,家姐之前幫男友出去借財仔,我男朋友幫佢還緊。男朋友搵萬8-2萬左右,有次OT多同分獎金多就多D。但出多D個個月都係月亮族
我地都係同屋企人住,但佢屋企開支差唔多都係佢俾,老豆中意賭,有時會問男朋友借錢

之前第一次借錢俾佢係借俾佢家姐還債,借左1萬5,其實個時對我黎講唔算細,因為個時岩岩第一份正職辭左職打緊PART TIME,個萬5蚊係我一半積蓄。個時見佢咁慘自己又有少少錢,佢又應承佢家姐會還先借,點知到最彼佢家姐賴皮唔還錢。E筆都算,因為我男友佢自己係出面銀行借左12萬幫佢家姐還,宜家仰分期還緊。自此次後我地都唔多洗唔夕咁多,好多時AA,有時我俾埋佢個份。

第二次借錢俾佢,今年2月個時,有次無意知道佢欠10萬幾卡數,我就叫佢去結餘整合借筆錢清左佢唔好左欠卡數,但因為佢TU唔好,所以剩係借得7萬蚊,當時自己都有一筆錢,咁之前我地去兩次旅行,出去洗費又係佢俾多,見我都有責任,咁剩底個3萬幾我借左俾佢還左個月卡數先.佢都好口響咁話之後個個月都會還得到哂D分期。同埋我同佢講還哂信用卡D分期先連埋佢家姐個筆還俾我。


岩岩尋晚記起佢最後個筆分期下個月12月就還哂,我就多口問佢,先知佢又拖左萬5蚊卡數,佢話因為轉左份新工人工冇咁多所以唔夠錢還(新工都係萬7-萬8,新工包食但車費7百幾左右,舊工唔包食,但唔洗車錢有時我煮埋俾佢)我聽到我真係好唔開心。我地平時出街食好慳,過6百兩個人都唔會食,宜家又少見洗費冇以前咁多。但佢最近同新同事熟左之後成日一齊去食宵夜,一個月一兩次冇咩問題,但以我所知一個星期兩三次。佢話自己係2 3 個月內搞得掂,但我知一定冇可能。
之前覺得問題係係佢屋企到,但宜家覺得係係佢自己到。我唔知今次幫唔幫佢好,定係離場算‧
我有諗過幫埋佢E次,之後同佢取消左張信用卡,但又驚我幫埋佢E次又有下次我一邊為將來打算,儲錢投資,但佢話到自己有哂計劃,但我唔見佢有實際行動
今晚諗住同佢傾
各位 SIS 會點做?

其實可能唔係佢屋企人借,而係佢自己爭人錢,跟住扮晒幫屋企人!

註冊日期: 2014-10-22

發表於 2018-11-8 19:14 來自手機 | 顯示全部樓層
milktea913 發表於 2018-11-8 13:54
Kit C 好似成個星期冇見你!有d 掛住你d 留言hahaha!

係呀,咁都畀你發現,去咗旅行呀! *\(^o^)/*

註冊日期: 2010-1-18

發表於 2018-11-12 09:45 來自手機 | 顯示全部樓層
襯未俾人搞大個肚,快快脆分手啦!

註冊日期: 2017-6-28

發表於 2018-11-12 13:16 來自手機 | 顯示全部樓層
其實我想知到底係屋企人爭錢啦定係佢爭人哋錢呢?我覺得佢之前唔係幫佢家姐還囉係佢自己要還囉⋯

其實借錢唔緊要咁問題係你次次都係之後發現佢隱瞞你爭卡數,你都識講你地平都好慳,唔會食貴野,多數會aa甚至乎你俾埋,好明顯呢個男人冇錢又要扮風光又要去申請信用卡這借錢去同佢d同事食霄夜,充大頭鬼。

Anyway 你中愛佢既咪睇下佢2、3月搞唔搞得掂,你中愛佢所以先信佢會還錢俾你借俾佢。

如果唔係呢你就寫定借據然之後呢就分手走人啦~

註冊日期: 2017-12-23

發表於 2018-11-12 14:03 | 顯示全部樓層
冇錢都唔係問題,欠人錢先係問題⋯⋯(供樓除外)
您需要登錄後才可以回帖 登錄 | 註冊

News
Feature
Blog
Load more
 
NOTIFICATION