{ FORUM - LOVE }
Search
Title / Tags Author

查看: 4823|回覆: 55

No fb 同男友將來

[複製鏈接]

註冊日期: 2018-12-1

發表於 2018-12-1 12:18 | 顯示全部樓層 |閱讀模式
男友今年廿中多d 搵緊兩萬五
我細他兩年 搵兩萬 大家拍左三年多拖
男友唔係咩大富大貴 公屋出身 有一細佬
平時對我都okay 番工好忙但都會抽時間陪我 食飯從來堅持佢比(不是我要求)工作努力 遲下會轉工應該會再搵多d

我自己屋企係有小小錢 住私樓
當初一齊的時候還是學生 當然不會考慮太多將來既野 好記得當時我男友同我講過話佢唔想買樓 因為佢唔想做樓奴 話叫我第時住佢個到 當時我根本無諗咁多 只係哦完就算

及後我都出黎做野1,2年,漫漫我開始問佢對將來有咩計劃,對於結婚佢覺得係延之尚早 (但我係想早結既)我就問佢有無草錢個d 而佢都老實答我佢出黎做野頭兩年佢草得不多錢 因為我地成日出去食好野 又去旅行個d(旅行是aa) 而言談之間佢提及將來會想我住佢到 是同佢爸爸談論過

佢屋企人會係我地結婚後搬回以前已買斷左既公屋(現在暫時得佢爸一個親戚住緊)重新裝修 但我當時心裡想法已係唔想住佢個到 一來環境雖然不算差 但其實真係好難同我依家住緊既環境比較到 二來我父母一定會有微言

點解我咁講 係因為我記得初初出來工作時 佢叫我跟佢一齊抽居屋 話如果抽到 那佢現時住緊個到就比佢細佬 咁結果係抽唔到
但房屋署封信會寄來我屋企 我家人問我點解要抽 話我無需要⋯而佢地而表明依幾年就打算幫我置業 出首期 落我名 然後叫我供 叫我不要擔心

但佢地不知道我男友既想法----
我同左男友講我父母諗住幫我/我地置業 佢反應是覺得咁樣不太好 講白一點就是佢應該唔會接受靠外家/第時搬去我到住
跟住我就同佢表明其實我第時無可能住佢個到 我父母都唔喜歡 因為其實點都無可能向下流 佢聽完後好沉重 但之後讓步說可以一起努力買樓 只要可以一起

現在佢係有供緊一份儲蓄保險 平時都會再額外草錢 但其實我仲係好擔心我將來 我自己都有努力草 但佢好明顯係想大部分洗費佢出(平時食飯堅持要請 咁我都揀食平點 想佢草多d) 佢唔想靠我同我屋企人 就算有借有還佢都覺得是欠左我家 總之就大男人 但靠佢我唔知要等幾耐?!有時什至好灰心 我自己草多過佢有咩用 所以成日都好緊張佢洗幾多 現在出街我們花費都少左好多

父母方面係無睇佢唔起 但佢地係想我地將來生活質素好點 而我唔想因爲依d背景分歧既問題而分開  請問我可以點做
回覆
+ Favorite

舉報

註冊日期: 2016-10-29

發表於 2018-12-1 12:46 | 顯示全部樓層
我自己覺得你父母買樓俾你,落你名,你供,同你男朋友係無關係,完全係當你個人資產only,有衝突咩?唔鐘意住呢間屋,咪放租出去租第度,反正以你咁講,佢出晒平日生浩開支水電煤等等,層樓供完又係你自己既,都好fair。
反而你字眼間,我覺得你係有d睇唔起佢,你講個句嫁左俾佢就向下流,代表同佢一齊生活質素會下降,就咁睇佢又唔係話唔努力既人,佢聽完都可能有d hurt。
你地兩個加埋都差唔多5萬(如果轉埋工),又兩邊都可有屋提供做二人世界,已經好過好多人,對個d要租樓、同奶奶住等等已可羨慕。
如果真係愛對方,我根本覺得你地個情況係無煩惱可言,進可攻退可守,你究竟唔滿足d乜?

註冊日期: 2016-10-29

發表於 2018-12-1 12:49 | 顯示全部樓層
仲有,佢父母會搬返去舊公屋,即係宜家住私樓啦,(唔通有2間公屋?)佢父母都俾間私樓你地住二人世界,係你唔鍾意呢間私樓啫。
我只係睇到,你地要煩惱住佢間私樓定你間私樓咋。

註冊日期: 2018-12-1

 樓主| 發表於 2018-12-1 13:01 | 顯示全部樓層
nanafiona 發表於 2018-12-1 12:50
仲有,佢父母會搬返去舊公屋,即係宜家住私樓啦,(唔通有2間公屋?)佢父母都俾間私樓你地住二人世界,係你唔鍾意呢間私樓啫。
我只係睇到,你地要煩惱住佢間私樓定你間私樓咋。

係2間公屋

註冊日期: 2018-12-1

 樓主| 發表於 2018-12-1 13:04 | 顯示全部樓層
我係覺得 有好d既唔住 要搬去佢個到唔make sense

註冊日期: 2016-10-29

發表於 2018-12-1 13:11 | 顯示全部樓層
我又真係無研究/唔明/唔識玩公屋制度呢家野,買斷左間公屋可以再申請公屋....

註冊日期: 2018-12-1

 樓主| 發表於 2018-12-1 13:16 | 顯示全部樓層
我係介意如跟佢意願 我要由私樓環境搬去公屋環境
但我唔係介意佢公屋出身 我都想佢同我一齊供樓⋯ 但佢聽到我爸媽比首期佢就覺得唔好

註冊日期: 2017-10-10

發表於 2018-12-1 14:31 | 顯示全部樓層
買斷左的公屋係屬於自己樓,但樓主重點係,就算買斷左,依然是公屋環境及鄰居⋯
明白樓主諗咩,自己父母比得起首期,樓主又供得起,有得揀就更係揀個好環境啦,樓主又唔係睇唔起男友ge, 如真係睇唔起就一早搵過個啦⋯佢又冇⋯

其實冇ga wo, 第時傾結婚野,只要你父母出面堅持,同埋請佢地講解比你男友知點解想幫手比首期,你男友都冇得拒絕,宜家係外父外母唔介意出錢幫個女住好d , 幫第時個孫住好d, 佢仲有咩好講?
同埋重點係,冇人話唔洗你地還,你地咪每個月還d 還d 咁lo⋯

註冊日期: 2016-10-29

發表於 2018-12-1 14:59 | 顯示全部樓層
當你同佢傾好晒:結婚介子影相擺酒禮金度蜜月既預算之後,我諗佢都無得唔向現實低頭,最緊要係你父母無真心睇唔起佢,唔係將來突然講起話佢無用靠你娘家個下就會變成佢死穴,有時口快快講左出口就弊。

註冊日期: 2015-11-8

發表於 2018-12-1 16:58 | 顯示全部樓層
唔好介意我太直接

如果你地之間一日仲有分歧
你男友又點會同你早結呢

註冊日期: 2018-11-11

發表於 2018-12-1 21:12 來自手機 | 顯示全部樓層
有人覺得樓主睇唔起佢男友,有人說不是。我覺得樓主是有點睇唔起佢男友。
有時好多事不只是看不起一個人,可能環境都會。上等人不等於品格上等,亦不等於人就成熟些。
第一,你父母會年紀老賣(打不到個mai字,很抱歉...)/_\"
你唔應該仲覺得理所當然要父母俾首期,既然你說你儲錢比男友多,你就用儲多既錢錢,自己上心去供樓。
第二,其實買唔買樓唔重要,重要係入面住既人。樓主你要住得好,每人有佢價值觀,但你既價值觀和伴侶是否一致都好重要。有時好既環境不如要溫暖既家庭。當然的,好環境下亦非錯,但兩者間始終 人 最重要。
記住,你期望上流生活,但不要比較男友買唔起或住係邊,或儲錢俾你少等等心態,佢為你,佢愛你為你付出而儲唔到咁多,你何不都錫返佢,體貼體諒下佢。其實你都係父母幫你,你家庭有錢,是你父母辛苦來,是他們的錢,而非你的錢。多為佢地著想,自己拼博。

註冊日期: 2016-7-12

發表於 2018-12-1 21:38 | 顯示全部樓層
我支持樓主堅持己見,明明有能力,梗係住好啲環境,男朋友應要明白,如果女家做到咁佢都唔肯讓步,就太固執了。

註冊日期: 2015-4-9

發表於 2018-12-1 21:41 | 顯示全部樓層
男事主要面,但佢既能力好似......
通常能力越平庸的人係越要面來維持自信

都係等睇分手好過~~

註冊日期: 2018-11-11

發表於 2018-12-1 21:58 來自手機 | 顯示全部樓層
唔想住佢個度,好難同你住緊既環境比較,你父母有微言。
呢幾句真係好睇到你父母既心態同你所成長既環境,灌輸既觀念,加上你又認同既心態令你變到咁。父母想你好我明,但如果係個好女婿,我會選擇人而非樓。
你男友心態好,
佢覺得唔應該依靠你父母幫你地。你個句無可能向下流,令到你男友讓步。佢為左最後個句,可以一起。你為左你,你睇下你
你難道覺得你自己心態沒有問題?
樓主,希望你會明

註冊日期: 2018-11-11

發表於 2018-12-1 22:17 來自手機 | 顯示全部樓層
yu. 諗深入少少,樓主靠父蔭,佢男友儲錢比佢少。住好d都無問題既,好有好住,平實有平實既幸福。我主要講既是人。

同埋好多野要雙方去溝通,為對方著想,如果大家真係有心既,努力儲錢買樓,而非因一人既固執 而令另一個讓步。你心痛對方你捨得逼對方嗎?
其實,車車,你好多時既評論..
都真係... = =
佢2萬5仲低? 車車你幾多?
佢男友係愛佢既表現,有幾多人好似你咁講,但你做唔做到佢男友咁?
用多點欣賞既角度去睇

註冊日期: 2018-12-1

 樓主| 發表於 2018-12-2 00:00 | 顯示全部樓層
usernamee 發表於 2018-12-1 10:17
唔想住佢個度,好難同你住緊既環境比較,你父母有微言。
呢幾句真係好睇到你父母既心態同你所成長既環境,灌輸既觀念,加上你又認同既心態令你變到咁。父母想你好我明,但如果係個好女婿,我會選擇人而非樓。
你男友心態好,
佢覺得唔應該依靠你父母幫你地。你個句無可能向下流,令到你男友讓步。佢為左最後個句,可以一起。你為左你,你睇下你
你難道覺得你自己心態沒有問題?
樓主,希望你會明

我想知道 如你住開的唔係一般既私樓 那你會願意嫁去住公屋嗎?難道你就唔會有小小心理不平衡⋯情況就好似很多人唔願意同奶奶住 但唔代表佢唔愛佢老公一樣 因為有機會衰過自己做女個陣

註冊日期: 2018-12-1

 樓主| 發表於 2018-12-2 00:13 | 顯示全部樓層
usernamee 發表於 2018-12-1 09:11
唔好介意我太直接

如果你地之間一日仲有分歧
你男友又點會同你早結呢

我家人會同樣出首期比我哥
我只係概嘆 點解男方有樓 女方一齊供就無問題
女方有樓叫男方一起供就不行
我承認家人出首期是走捷徑 但我係本住有借有還心態 家人主動話送比我 我都同佢地講要有借有還 既然是這樣 都不算是靠外家 而且我心態是沒分你我 希望一齊供 如掉番轉係佢屋企人掉舊錢出來 我也會好願意同佢分擔一起供呀 難道問屋企人借衰過問銀行借??
我都明白你話 是我家人有錢 不是我有錢
我曾經諗過如我是出身普通公屋女 那至少我無家人方面既壓力 這樣煩少好多野 就咁搬去佢個到就得

註冊日期: 2018-12-1

 樓主| 發表於 2018-12-2 00:17 | 顯示全部樓層
仲有一樣野係 即使我們將來一起生活 係咪我賺到錢 都唔能夠拿個舊錢來改善生活 因為唔係靠佢⋯

註冊日期: 2018-11-11

發表於 2018-12-2 00:28 來自手機 | 顯示全部樓層
一個人既成熟,係睇你愛一個人定愛層樓。
我Ok ar. 住邊都無所謂。
我睇你是多多心理不平衡,
可能你覺得屈就左自己,而逼佢咁。兩個一齊向上努力是美好的,但你既固執令佢讓步,佢心其實會樂意咁嗎?
佢樂意,我祝福你地,但如果因你既固執而令佢讓步,其實你會唔會覺得任性左d. 俾d時間佢儲錢. 佢用哂係你度呀大姐! 你話儲得比佢多呢句,真係唔覺得你威得去邊. 你又唔好靠父蔭,你既然2萬儲得多,就靠自己。如果你覺得咁心理不平衡,發揮你固執性格,叫男友供哂或者一次過買斷佢。咁你滿意未? 向上或者過好生活我立場無問題,問題是否你地兩個都無問題。
你諗到都係壞既方面,唔同奶奶住唔代表唔愛你老公,但亦唔代表衰過自己做女既時候。
婆媳關係有好既例子亦都有唔好。
有人同老爺奶奶分開住,有人一齊住,都係個句,大家溝通好,開心見誠達成共識,未來計劃大家先唔會有心病

註冊日期: 2018-12-1

 樓主| 發表於 2018-12-2 00:31 | 顯示全部樓層
我知佢錫我 在佢能力範圍內能夠比我既都會努力去比我
但我既睇法係 將來真係一起生活 我係希望大家連成一體 邊個有能力d就貢獻多d出黎去改善大家既生活 但我既concern既係 佢始乎係同我係財富方面劃清界線咁樣 一定要係佢出大部分個個⋯
您需要登錄後才可以回帖 登錄 | 註冊

News
Feature
Blog
Load more
 
NOTIFICATION