{ FORUM - LOVE }
Search
Title / Tags Author

查看: 26159|回覆: 34

原來自己一直做左第三者....

[複製鏈接]

註冊日期: 2018-7-12

發表於 2019-1-17 17:30 | 顯示全部樓層 |閱讀模式
同個男人本身係同公司工作,一開始大家對對方都有好感,當時我問佢有無拍拖,佢迴避左一陣先話我知有拍緊散拖,同時間同兩個女仔拍緊,佢話散拖係得閒會約出來去下街食下飯咁,唔係要認真發展長遠關係,大家亦好清楚唔會去過問對方既野,假如有一日講得唔適合的話,都唔需要好正式地分手,只要唔搵對方就已經明白,佢話自己都係想拍長拖只係一直未遇到合適,搵到合適的話會放棄所有散拖。當初既我覺得佢好坦白,所以好相信佢講既野。慢慢我地發展落去,佢話對我係認真,係想同我拍長拖,我亦都信佢對我係真心,但就要求佢要斷曬兩個散拖先,佢當時好快就斷左一個,但另一個佢話要多少少時間去處理,因為同佢既關係維持左年幾,想處理得好少少....

但當時拖住處理左都成兩個月,我果刻覺得自己好cheap好似第三者,唔想再糾纏落去,覺得佢咁樣拖得其實都根本唔愛我,根本所謂散拖都唔係佢當初口中影容得咁灑脫!但個男人不斷地向我表示我唔會係第三者,我同佢地完全唔同,係想同我結婚生仔想我做佢太太,更話可以第二日即刻同我去註冊俾commitment 我,我選擇相信佢,佢最後都同我講結束埋左兩個散拖,對我全心全意。

如是者我同男朋友一齊左年幾,年幾以黎我地有一齊去過旅行,我地以老公老婆互相稱呼,佢話好愛我,為我改變左好多,因為我比較難相信人,由其是因為佢既過去一直話都係拍散拖,令我其實對佢好多時候好無安全感,但佢話已經為我改變左好多,好多野以前都唔會做,例如報到行蹤...中間雖然一直好多次有嘈交離離合合,但每次最終都俾佢氹返一齊返。
每次嘈交原因都係因為大家性格問題,容易有摩擦同嘈,好多次都係佢一嘈交就輕易地提出分手,幾次我都覺得好累好想放棄,但每次佢都會不斷地黎搵返我,講話嗌交其實唔緊要,因為就算兩公婆結左婚都唔擔保唔嘈交,最重要係點樣去處理,每個人總有好同唔好既地方,咁咪諗多d對方好既野去包容大家,最重要係愛我所以佢願意去厚住面皮搵返我。佢話每次既分開都令大家更了解對方,一齊返就要永遠一齊唔分開。令我都好相信大家係好愛對方,所以就算中間曾經發生過幾多唔開心既事,我都依然忍唔住同返佢一齊。
但可惜原來一切都係假,直至聖誕前夕我地一齊食飯途中,我send左d相俾佢,我攞佢部電話黎睇返d相,比我無意中睇到佢既電話最latest既相入面有同女人單獨合照....我果刻手都震埋....然後走左去,個男人追上黎問咩事,我話我睇到d相啦,佢都不斷地扮傻...
最後佢同我解釋相入面既女仔係一個識左幾個月既女仔,係我地分開既時候識,只係出過一次街,都唔會再同佢聯絡,話只愛我一個,話再一齊返既話只會向住我一個....
但我覺得無可能咁巧合,出得一次街會咁親密合照,佢話係個女人主動約佢食飯,無做其他野,佢無攬住個女人影相,係個女人撓住佢...
見佢將所有野淡化得咁徹底,我一方面好唔相信,但另一方面又都仲有一絲希望佢係講真,我好想信佢....
最後終於俾我親眼見到佢同個女人食飯,我果刻好崩潰,因為佢果日話我知係同班朋友飲茶....我嬲到去當面同佢對質,叫佢解釋,但佢唔肯,佢話已經無野好講....
個女人當知道我地一齊左年幾後,佢話佢地耐過我好多,但佢唔肯講幾耐....
個女人話一直從來唔知我存在,原來每次同去旅行佢都話同班frd去,而佢地兩個去既時候,男人都係同我講同一大班frd去...回想返難怪當初佢要send假既酒店相俾我,難怪佢生日會係同班frd去旅行而又無合照....
當初個個都話我個情況似係做緊第三者,但我始終相信佢,覺得佢係真係愛我...真係又蠢又傻!
直至最後到呢一刻,個男人依然無同我坦誠地解釋返呢過去年半既事....依然一個大話襟一個大話...話所有野已經俾我搞到咁爛,無任何野好再值得傾,總之大家就完結左,以後唔好再聯絡.....公司大家做個陌路人。

回想返過去既年幾,原來一切都係大話...

最近聽同事講返,原來做得耐既一d同事知佢有個拍左成10年既女朋友...原來一直只係我傻仔信佢講既所有野,呃得好徹底....好難接受


回覆
+ Favorite

舉報

註冊日期: 2017-3-20

發表於 2019-1-17 18:12 | 顯示全部樓層
好多野不是你sense唔到有問題,只是你身在局中選擇不想去諗同相信罷了。

不過題外話,就算他真的無女朋友都好,以後有人同你講自己有同幾個人拍散拖之後會認真你都唔好信啦,呢類人寧濫莫缺,不甘寂寞最容易出軌

註冊日期: 2014-10-17

發表於 2019-1-17 18:32 來自手機 | 顯示全部樓層
除咗話你死蠢都諗唔到其他野形容你,明知有問題仲中個頭埋去。

註冊日期: 2018-1-27

發表於 2019-1-18 00:01 | 顯示全部樓層
同意靈靈講,只係你唔想相信姐,明知佢有野

註冊日期: 2017-10-10

發表於 2019-1-18 01:50 | 顯示全部樓層
即係半年前,佢send 假酒店相比你,真係比大家講中晒,係同女人去⋯
其實當你打件事出來,好多sis第一句都話有古怪,一定有第二個女人⋯只係你當時當局者迷⋯

註冊日期: 2017-3-20

發表於 2019-1-18 02:30 | 顯示全部樓層
milktea913 發表於 2019-1-18 01:50
即係半年前,佢send 假酒店相比你,真係比大家講中晒,係同女人去⋯
其實當你打件事出來,好多sis第一句都 ...

你唔講我都諗唔起原來係她...
去睇番上一篇d留言, 好多sis直頭係神算www

註冊日期: 2016-11-21

發表於 2019-1-18 08:10 來自手機 | 顯示全部樓層
我只係想講,你話一d做得耐嘅同事知佢有個拍咗成10年嘅女友都唔話你知,咁佢地都幾xx!(自己諗,我唔想講粗口)

註冊日期: 2018-11-11

發表於 2019-1-18 09:58 來自手機 | 顯示全部樓層
呢種人,由第一下佢話佢有女朋友,仲散拖2個,仲聽落去?即時block佢都嫌遲了
你自己都要用腦去分析,有女伴仲唔止一個話分,呢個時候你踩隻腳落去,你就係第三者,你都有責任,唔怪得佢。

只是掉返轉呢舖你轉做正又有第三者,但點知原來你先係終極第三者,人地原來耐過你
唔係靜係信錯佢問題,
係佢咁既行為模式一早都知有問題,
而你係短拖其間佢未斷淨,
既然佢可以一拖2+你,唔爭在再拖多幾個

做人嚴謹d

註冊日期: 2015-4-9

發表於 2019-1-18 15:58 來自手機 | 顯示全部樓層
食家又贏純用家一仗
到底你地要到幾時先贏得到食家一次咁多?XDDDD

註冊日期: 2016-11-28

發表於 2019-1-18 18:53 | 顯示全部樓層
唉... 啲男人講兩句甜言蜜語,啲女人就失去左理智。永遠唔好聽個男人講啲咩,係要睇佢做啲咩!講既個個都識講,講到天花龍鳳都得!啲男人永遠都係得果幾個藉口出去偷食架啦!一係就好似樓主條仔咁,一係就話同女朋友感情唔好架啦!有時你都明知自己係人地第三者架,只係你自己唔願意去接受啫,咪打住一個「個男人都唔愛佢地淨係愛我」既名銜,自我感覺良好地覺得自己唔係第三者囉。最後件事穿左,又怪得邊個?唔好淨係怪人地呃你,你都識講啦,send d假既酒店相俾你,同理fd去無合照,係你自己唔想清醒啫!

註冊日期: 2018-11-2

發表於 2019-1-18 20:03 | 顯示全部樓層
個男人一年去咁多次旅行都幾忙wor...

註冊日期: 2018-11-2

發表於 2019-1-18 20:03 | 顯示全部樓層
個男人一年去咁多次旅行都幾忙wor...

註冊日期: 2018-1-21

發表於 2019-1-18 22:06 | 顯示全部樓層
好明顯熟手player,同你講”以前一直未遇到啱”,”我覺得你同其他女仔吾同,其他女仔比吾到呢種感覺我”,”我真係好愛你,我對你係認真既”,”我以後只同你一齊”,”你係我結婚對象,好想同你建立家庭”,”我想快D對你有commitment,組織家庭”,講呢D都係女人死穴,仲要同frd 夾好哂口工,你只是其中一個獵物,player 一天同條條女都甘講,其實一講以上對白就要即end story 架啦,正常男人不會講呢D

註冊日期: 2018-1-21

發表於 2019-1-18 22:07 | 顯示全部樓層
好明顯熟手player,同你講”以前一直未遇到啱”,”我覺得你同其他女仔吾同,其他女仔比吾到呢種感覺我”,”我真係好愛你,我對你係認真既”,”我以後只同你一齊”,”你係我結婚對象,好想同你建立家庭”,”我想快D對你有commitment,組織家庭”,講呢D都係女人死穴,仲要同frd 夾好哂口工,你只是其中一個獵物,player 一天同條條女都甘講,其實一講以上對白就要即end story 架啦,正常男人不會講呢D

註冊日期: 2019-1-5

發表於 2019-1-19 13:15 | 顯示全部樓層
樓主, Facebook有個人想問你個男人係咪姓黃?

註冊日期: 2017-7-5

發表於 2019-1-19 13:37 來自手機 | 顯示全部樓層
Who are we 發表於 2019-1-19 13:15
樓主, Facebook有個人想問你個男人係咪姓黃?

我都想問樓主個男人個姓,佢所講既賤男行為同我認識既一個人係接近一樣,而半年前旅行既時間都吻合,不過樓主應該唔係我當日見到個位以為自己係正印但其實係小三既女人

註冊日期: 2018-12-4

發表於 2019-1-19 14:22 來自手機 | 顯示全部樓層
靈靈@hk 發表於 2019-1-17 18:12
好多野不是你sense唔到有問題,只是你身在局中選擇不想去諗同相信罷了。

不過題外話,就算他真的無女朋友 ...

真心一問,可唔可以開返個靈靈信箱,每次講野都咁到point!!!

註冊日期: 2018-12-4

發表於 2019-1-19 14:24 來自手機 | 顯示全部樓層
milktea913 發表於 2019-1-18 01:50
即係半年前,佢send 假酒店相比你,真係比大家講中晒,係同女人去⋯
其實當你打件事出來,好多sis第一句都 ...

應該唔係催眠左自己

註冊日期: 2018-12-4

發表於 2019-1-19 14:25 來自手機 | 顯示全部樓層
milktea913 發表於 2019-1-18 01:50
即係半年前,佢send 假酒店相比你,真係比大家講中晒,係同女人去⋯
其實當你打件事出來,好多sis第一句都 ...

應該係催眠左自己

註冊日期: 2018-7-12

 樓主| 發表於 2019-1-19 15:25 | 顯示全部樓層
Who are we 發表於 2019-1-19 01:15
好明顯熟手player,同你講”以前一直未遇到啱”,”我覺得你同其他女仔吾同,其他女仔比吾到呢種感覺我”,”我真係好愛你,我對你係認真既”,”我以後只同你一齊”,”你係我結婚對象,好想同你建立家庭”,”我想快D對你有commitment,組織家庭”,講呢D都係女人死穴,仲要同frd 夾好哂口工,你只是其中一個獵物,player 一天同條條女都甘講,其實一講以上對白就要即end story 架啦,正常男人不會講呢D

No...不是姓黃
您需要登錄後才可以回帖 登錄 | 註冊

News
Feature
Blog
Load more
 
NOTIFICATION