{ FORUM - LOVE }
Search
Title / Tags Author

查看: 3499|回覆: 16

我同佢只係我單方面經營嘅關係

[複製鏈接]

註冊日期: 2015-8-2

發表於 2019-1-22 17:13 | 顯示全部樓層 |閱讀模式
我同男朋友差七年,佢早幾個月入左學堂,正正係我地岩岩開始冇幾耐,我知道入面會攰會辛苦,我完全吾會chur佢,每個星期六,佢放假出黎,我亦吾會主動要求佢去見我,陪我,其實根本一開始同佢拍拖,我地幾乎吾傾電話,都係用wts打下字,錄下音,因為一開始我都係好似普通女仔一樣想男朋友陪下自己,咁都傾過下電話FaceTime 嘅 但係之後佢原來覺得我吾俾佢訓,所以吾再同我講電話同FaceTime ..但大家知道始終wts 好死,就算錄音都吾會夠電話好,而且我地一開始就住得遠,我又要翻工翻學,得星期六日,是但一日見下面,我吾介意見得少,因為我知拍拖係要相信大家,我都了解佢吾係出去玩嘅人

咁拍拖都係互相遷就啫,所以佢入堂後,我真係好乖,佢話訓,我吾會阻佢,要見個時就見啦,我都會買定野俾佢帶入去用,仲知平日佢都係會揾我嘅,佢放假要翻屋企,我係明白嘅,就係咁見得愈黎愈少,我以為佢會一個星期翻去,下個星期揾我,點知竟然仲要有日同我講佢下星期放假,要翻屋企,我吾明點解都過成大半個月冇見,佢都可以完全忽略我,仲要話我吾明白佢, 點解我完全冇chur佢,佢放假翻屋企又吾見一個星期,佢個日放假可以吾打電話俾我,就連wts都覆得勁慢,係一兩個鐘 ,仲要係勁hea, 佢係勁重視屋企人嘅人,而我係連排隊都未排到個個,講到尾係做佢朋友好過做佢女朋友,就算我自己嬲完再諗翻通,我會計較自己要求太多,但係拍拖係兩個人嘅事,我真係重質吾重量,吾需要見得多,我淨係想佢出到黎可以珍惜下啲時間,但出到黎都係睇佢班群個group嘅人吹水。

我吾係捱吾到,只要佢肯花啲心機,我都吾會對佢完全失望,就算我嬲,佢從來吾氹我,我都會好快冇事

之前佢地冇得出黎放假,可以放食飯,我去睇佢,雖然個日佢真係冇得放食飯,因為俾人罰,但我個下問佢 我等你今晚一齊食飯啦,佢竟然可以話完吾出得,之後加多句就算有得出我都打算吾出架啦,要做project呀  我真係嬲嬲地,雖然話真係吾出得,但我山長水遠黎到,點解你仲要加埋後面個句?

我從來冇問過佢情史,但我一開始就覺佢係零,但完全吾關A幾嘅問題,而係往往每次每需要佢,佢都吾係到,依家我真係吾再需要佢

直至早兩日,由細陪我十幾年嘅狗仔老死左,我睇住佢最後嘅抽搐,送埋佢去寵物善終,我相信大家養過寵物都知寵物等於親人一樣,佢地走左會好傷心,所以我個日睇住我隻狗仔死,真係跌到落谷底,而咁岩,我男朋友就係放飯嘅時間,佢知道我寵物死左,知我嘅傷心,所有人都有安慰,問候。而佢就係講我知佢撘車出去食飯。 仲要係佢project都未做完仲出去
咁我問佢 又話要做project吾出去?
佢話 俾人拉出去 。
好啦,出去食飯,理所當然地用電話,我吾奢望你打一個電話黎,只希望你wts下我,點解可以連一句安慰都冇?
我問點解 仲要同我講 知你傷心米吾講
姐係我問佢出去,即刻落曬閘吾出去
人地拉就可以,我根本係個連朋友都不如嘅存在。  
  依家我冇講任何分開嘅說話,係因為我連覆佢嘅想法都冇,完完全全嘅失望,呢段關係由始至終都係我在意,佢好似只係我逼佢一樣,口上講嘅中意我,連噓寒問暖都冇,我係心知肚明我對佢嘅價值。
回覆
+ Favorite

舉報

註冊日期: 2017-10-10

發表於 2019-1-22 17:39 | 顯示全部樓層
佢唔經營,你都冇佢符,唔關你對佢好唔好事,唔關你幾體諒佢事⋯
佢心目中你都可有可無,剛拍拖就一定會想見,佢都冇呢個正常想見的舉動,咁你咪算lo...又拍得唔耐,半年都冇下麻?
呢個故事教訓你,唔好一開始就咁上心,唔好耳聽愛情,一個人係真心,就會用行動證明,唔係得把口講。

註冊日期: 2017-10-10

發表於 2019-1-22 17:43 | 顯示全部樓層
同埋你呢d 千字文,就算比佢睇⋯佢都too long didn’t read...
對住呢d 軟皮蛇,比我就咩都唔講,當分左手算,到佢奇怪點解你失蹤左,再搵返你,就咪比佢搵到,掉底一句分手就算⋯等佢感受下另一種被遺下的感覺。

註冊日期: 2016-5-9

發表於 2019-1-22 17:53 | 顯示全部樓層
milktea913 發表於 2019-1-22 17:43
同埋你呢d 千字文,就算比佢睇⋯佢都too long didn’t read...
對住呢d 軟皮蛇,比我就咩都唔講,當分左手 ...

好認同, 俾著我, 我都唔會再理佢再搵佢, 等佢唔好以為自己地位好高, 而家無咗佢仲開心

註冊日期: 2017-3-20

發表於 2019-1-22 19:29 | 顯示全部樓層
有身邊的人或寵物離開,你應該更加明白人的時間是幾咁珍貴吧?熱戀期無激情都係其次,重點是他對你連基本同理心都無,直接d講係你死你事,呢種拖拍完短幾年命。盡過人事就算啦,別再耗在不值得的人身上了

註冊日期: 2017-4-22

發表於 2019-1-22 20:31 | 顯示全部樓層
樓主放過人,放過自己啦。It is not because he is busy, it is all about priorities. Obviously you are not on his list. 狗狗過咗身,普通朋友都會問候,佢連呢啲基本關心都唔做,呢種一方嘅關係再頂落去都唔會頂得耐。

註冊日期: 2015-8-22

發表於 2019-1-22 21:46 | 顯示全部樓層
佢嘅schedule根本沒有你,放手

註冊日期: 2016-7-12

發表於 2019-1-23 04:06 | 顯示全部樓層
你自動消失就可以了,分手都唔駛講。

註冊日期: 2018-11-11

發表於 2019-1-23 09:34 來自手機 | 顯示全部樓層
咩關係陪伴都好重要
明顯你愛得比他多
一個人真係愛你,
唔會唔俾時間你
他的不上心,不經營,輕重之分,大安指意,
好多情侶就係咁,引致情緒起伏,繼而哎交。而問題另一方,繼續大無思恙。歸根究底,
你需要在這次關係學識
下次要了解清楚點,相處多點。
我是你,我會分手
因為呢段曰子,直到現在
你們是錯的時間遇著錯的人
分手是因為佢仍然站在原地,
段關係不進反退..你傷心的曰子仍會繼續。分手後佢搵返你,
你要衡量佢目前狀態咁,你會唔會一樣同處境,傷心因心軟而累事,做決定前諗清楚

其實很多事都很簡單,而你要的也很簡單,唯獨人錯了,事就不簡單。溝通不了,改變不了,
離開也是一種解脫

註冊日期: 2018-11-11

發表於 2019-1-23 09:52 來自手機 | 顯示全部樓層
The greatest gift u can give someone is your
time
because when u give your time, you are giving a portion of your life that you will never  get back

註冊日期: 2015-3-16

發表於 2019-1-24 22:30 來自手機 | 顯示全部樓層
衰d講句佢可能入學堂前求其搵個女仔玩下,之後好明顯冇心繼續,係等緊你講分手咋,比返自尊自己,唔駛再理佢,要活得比佢好

註冊日期: 2015-6-8

發表於 2019-1-25 10:01 | 顯示全部樓層
分手都唔洗講~ 直接BLOCK左佢一了百了

註冊日期: 2019-1-15

發表於 2019-1-25 11:02 | 顯示全部樓層
放過自己當發咗場夢,根本唔值得咁上心!

註冊日期: 2019-1-27

發表於 2019-2-2 09:51 | 顯示全部樓層
好多時候 女仔都係投入多啲 我好明白你嘅心情 感同身受

註冊日期: 2018-12-4

發表於 2019-2-2 16:47 來自手機 | 顯示全部樓層
佢唔鍾意你,完。

註冊日期: 2016-3-17

發表於 2019-2-2 19:18 | 顯示全部樓層
一個結論,分手啦!攪到自己咁辛苦做咩!佢係絕世好男人咩!我完全睇唔出囉

註冊日期: 2019-2-3

發表於 2019-2-3 13:57 | 顯示全部樓層
佢真係唔愛你喎
就算入班幾攰 都一定會抽時間拍下拖5-10分鐘都好(如果佢愛你 佢會視為拍拖係放鬆)
我男朋友都入過班 我都好痛苦架 但佢真係幾攰 都會bit少少時間去同我相處

好多人會係班入面有第二個 即使大家出面都有伴侶都好
自己準備好就離開啦
您需要登錄後才可以回帖 登錄 | 註冊

News
Feature
Blog
Load more
 
NOTIFICATION