{ FORUM - LOVE }
Search
Title / Tags Author

查看: 3626|回覆: 26

應唔應該分手(no fb)

[複製鏈接]

註冊日期: 2014-10-19

發表於 2019-1-24 19:10 來自手機 | 顯示全部樓層 |閱讀模式
男朋友所有嘢都好好,對我好好,屋企正常,但係我頂唔順佢個人好懦弱好冇主見。
同佢出街如果同人有衝突,佢永遠都會忍氣吞聲,搞到我都要比人洽埋一份。但係我本身個人係唔會怕同人嘈,所以有時變咗我要保護埋佢。
同佢講完一樣嘢,應承咗一齊去邊度,過幾日就話佢老豆講嗰度好危險點點點(其實只係返大陸)(離出發只有五日),所以佢而家唔想去。我話「吓,咁你之前又咁期待咁想去嘅樣」,佢話「我本身唔想,比你講到想,之後阿爸又影響到我唔想,所以我都係唔去啦」最難頂係佢個樣理直氣壯,仲要話返我轉頭,講到好似我逼佢陪我⋯⋯而且佢阿爸都好神奇,覺得危險,竟然只係叫佢唔好去,話我可以搵其他朋友陪。

呢啲只係例子,但係佢一直比我好幼稚嘅感覺。本來我覺得冇乜問題,始終我地都細,大學未畢業(就黎),但係佢成日當自己細路咁樣,我真係忍唔到。同佢講過呢個問題,佢話會改,但係呢個係佢嘅性格,根本改唔倒,而我都唔想逼佢,自己都好唔開心⋯⋯我有啲擔心嘅係,佢聽晒佢老豆話,都幾「褲」腳。呢樣嘢我更加冇可能要佢改。

佢比唔到安全感我,我覺得同佢一齊,淨係可以依靠自己。我唔知自己諗清楚未,成日都想分手。但係,我又真係唔捨得佢,佢對我真係好好。
回覆
+ Favorite

舉報

註冊日期: 2017-3-20

發表於 2019-1-24 20:43 | 顯示全部樓層
要一個人成熟,不是他可以點改,而是時間問題,可以是出社會工作之後,可以是十年,亦可以是永遠。老老實實,呢種人要忍一世你一定忍不到,所以你該問的是你覺得仲可以忍到幾耐、呢個人其他部分有無好到你值得花時間等他長大?

註冊日期: 2017-6-28

發表於 2019-1-24 20:50 | 顯示全部樓層
你等唔到佢「長大」咪分手lo~你覺得值得等既咪等lo~不過唔知佢到時仲唔會不會想同你一齊,你都識講係性格,唔會改到,day one 你就知佢弱雞,雞仔點都唔會變麻鷹,唔想浪費青春或者浪費人地的青春既搵下個吧!

註冊日期: 2015-4-9

發表於 2019-1-24 20:59 | 顯示全部樓層
男事主根本係垃圾
其實樓主都唔好得幾多
係因為你完全搞錯了安全感生產方法

安全感呢樣野,人地俾幾多你都係冇用,你只會需求越來越大,同有效時間會越來越短,倚賴性咁撚高,唔係垃圾仲會係乜??
如有任何人覺得女人天生就需求安全感,男人就一定要給予,咁同樓主都係差不多程度的垃圾~~

註冊日期: 2016-7-12

發表於 2019-1-24 23:40 | 顯示全部樓層
樓主已經有離心,分手只係時間問題。

註冊日期: 2017-10-10

發表於 2019-1-24 23:49 | 顯示全部樓層
你第時出去做野,自然會知咩叫男人,你宜家條仔跟本係乸型⋯佢父母教到個仔女人型咁⋯應該第時都係會幫個仔相睇,娶個大陸婆返來⋯你呢d 正常女仔唔多襯得起佢地個仔,你都係快快甩左個死乸型,搵個正常男人啦!

註冊日期: 2009之前

發表於 2019-1-25 00:30 | 顯示全部樓層
分唔分手你自己最清楚啦,你有離心嘅,佢幾好都無用,你愛佢嘅,就唔會諗分手哩個問題

註冊日期: 2018-1-27

發表於 2019-1-25 01:17 | 顯示全部樓層
其實我老公都係啲成日乜都會擔心既人黎,不過如果我堅持的話就算佢唔想都會陪我去,因為驚我有危險,所以好睇得出你男友心裡覺得自己比你更重要

註冊日期: 2018-1-27

發表於 2019-1-25 01:18 | 顯示全部樓層
其實我老公都係啲成日乜都會擔心既人黎,不過如果我堅持的話就算佢唔想都會陪我去,因為驚我有危險,所以好睇得出你男友心裡覺得自己比你更重要

註冊日期: 2018-3-12

發表於 2019-1-25 07:04 | 顯示全部樓層
簡單一句 只係性格不合 無咩話邊個有問題 分手遲早既事 吾想分住就吾好分住

註冊日期: 2015-6-8

發表於 2019-1-25 08:38 | 顯示全部樓層
你年紀仲細, 而家唔分, 將來出黎做野遇到個有主見, 感覺到被保護既你自自然然就會走, 你地大家都係大家既成長過客姐~

註冊日期: 2018-11-11

發表於 2019-1-25 09:00 來自手機 | 顯示全部樓層
每一個人都唔同,兩個人在一起有好多野要衡量,有一種人性格可能好懦弱無主見,聽家人話,但呢類人有時係兩人相處上某d位會好細心(不是指反口唔去大陸玩件事),care你內心情緒上感受,呢方面既人同你一齊會令你安全感大。若然你選擇分手,換左第個男人有主見,保護到你,你有咩事幫你出頭,呢類人亦有好有壞。
我以前似你男友咁,
人大了,現在一半一半,
始終社會上咩人都有,
正如我見很多社會上的人,你想唔想你男友變到處事圓滑,表面好但內在仍有很多不成熟需改進,但收埋,曰子耐發現或隱藏式暪騙先後悔? 人既初衷,自然就變得唔簡單。
而我覺得兩樣性格需要并存(第一段),這才叫成長,不要變到另一性格。因為每個性格有每個性格好。
每個人都係獨立,而你最主要選擇的是自己保護自己,無人係有必要保護你,最可以保護你自己的人是你自己。
始終你是女仔,我都明你都想有人錫,我猜你不是要佢保護你,你是想知道他態度,立場,行為上有幾緊張你,
你有多重要到他能站出來像個男人般處事
另一個性格需要的勇氣,和處事若目前他沒有
就讓他跟住個社會成長,
人經歷得多,見到社會上百態的人更多時,做人處事都會不同了。
你看的是,你會否陪伴彼此一起成長,而你亦需改變自己。
你男友太聽家人話,無主見,反口呢樣野確實唔好。下次佢約你,你都反一次口,俾佢感受下.
慢慢來吧,能相愛而又覺得對方好,在一起不容易
且行且珍惜:)

註冊日期: 2014-10-19

 樓主| 發表於 2019-1-25 14:11 來自手機 | 顯示全部樓層
usernamee 發表於 2019-1-25 09:00
每一個人都唔同,兩個人在一起有好多野要衡量,有一種人性格可能好懦弱無主見,聽家人話,但呢類人有時係兩 ...

多謝你!你講得好啱,我會好好思考。

註冊日期: 2014-10-19

 樓主| 發表於 2019-1-25 14:12 來自手機 | 顯示全部樓層
Cokob 發表於 2019-1-25 08:38
你年紀仲細, 而家唔分, 將來出黎做野遇到個有主見, 感覺到被保護既你自自然然就會走, 你地大家都係大家既成 ...

都係順其自然⋯⋯

註冊日期: 2014-10-19

 樓主| 發表於 2019-1-25 14:13 來自手機 | 顯示全部樓層
靈靈@hk 發表於 2019-1-24 20:43
要一個人成熟,不是他可以點改,而是時間問題,可以是出社會工作之後,可以是十年,亦可以是永遠。老老實實 ...

我都唔知,我同佢一齊已經一年⋯⋯

註冊日期: 2014-10-19

 樓主| 發表於 2019-1-25 14:14 來自手機 | 顯示全部樓層
非法改裝嬰兒車 發表於 2019-1-24 20:59
男事主根本係垃圾
其實樓主都唔好得幾多
係因為你完全搞錯了安全感生產方法

閣下講嘢好似有啲偏激,但係我都覺得自己唔係好明點樣先可以有安全感⋯⋯可唔可以講吓

註冊日期: 2014-10-19

 樓主| 發表於 2019-1-25 14:15 來自手機 | 顯示全部樓層
IAMBIGGIRL 發表於 2019-1-24 20:50
你等唔到佢「長大」咪分手lo~你覺得值得等既咪等lo~不過唔知佢到時仲唔會不會想同你一齊,你都識講係性格, ...

冇咁有勇氣

註冊日期: 2014-10-19

 樓主| 發表於 2019-1-25 14:15 來自手機 | 顯示全部樓層
IAMBIGGIRL 發表於 2019-1-24 20:50
你等唔到佢「長大」咪分手lo~你覺得值得等既咪等lo~不過唔知佢到時仲唔會不會想同你一齊,你都識講係性格, ...

冇咁有勇氣

註冊日期: 2014-10-19

 樓主| 發表於 2019-1-25 14:17 來自手機 | 顯示全部樓層
Tammy123456 發表於 2019-1-25 07:04
簡單一句 只係性格不合 無咩話邊個有問題 分手遲早既事 吾想分住就吾好分住 ...

嗯 多謝

註冊日期: 2017-3-20

發表於 2019-1-25 15:58 | 顯示全部樓層
女人係要幫下女人 發表於 2019-1-25 14:13
我都唔知,我同佢一齊已經一年⋯⋯

哦...一年貨仔o者,你係拍得開心既不捨得咪繼續拍下睇下點,但個人覺得如果你愈看愈唔對路還是早走早著,拍得愈耐你自己都習慣左入曬comfort zone個人要走只會更難
您需要登錄後才可以回帖 登錄 | 註冊

News
Feature
Blog
Load more
 
NOTIFICATION