{ FORUM - LOVE }
Search
Title / Tags Author

查看: 1737|回覆: 24

Bf媽咪叫我接受未婚生子,生仔先唔結婚住究竟係咩意思?

[複製鏈接]

註冊日期: 2019-2-10

發表於 2019-2-10 20:58 來自手機 | 顯示全部樓層 |閱讀模式
我同男朋友都一齊左幾年,
示對方為結婚對象嘅本來,
點知男朋友身體有疾病,
所以成件事就拖遲咗,
佢阿媽就成日都叫我生仔,
可以沖喜,
我話未結婚喎,
結果佢就答我依家香港好多女仔都未婚生子,
佢個仔病緊冇心情結婚,
叫我唔好介意咁多生咗仔先啦。
問題係佢個仔又病,
如果呢一刻我真係大肚,
我要照顧佢個仔咁邊個照顧我呀?
聽完有啲嬲嬲地覺得好自私
雖然我知道所有長輩都好鍾意抱孫,
但其實佢已經有孫,
何況佢個仔有病生出來都有機會遺傳,
我完全幻想唔到如果真係同呢個男仔結婚,
我未來奶奶會點樣
回覆
+ Favorite

舉報

註冊日期: 2014-10-22

發表於 2019-2-10 21:20 來自手機 | 顯示全部樓層
沖喜,沖佢老母呀。你叫佢老母結多次婚,咪沖喜囉。
生仔?大佬咁嘅家庭狀況下,仲生呀? 生咗出去真係累咗下一代呀。
呢個女人心地好差,佢完全係自私自利嘅出發點。如果可以,你仲年輕嘅話,就疏遠啦分手。 就算佢有機會做你奶奶,你日子都唔慌好受。
全程你男朋友冇出過聲呢?佢係媽寶定係豬隊友呀?佢老母講嘢咁不知所謂,都唔出聲制止?有冇正常嘅是非觀念?
大佬,人哋約女家養到個女咁大,畀佢攞嚟做未婚媽媽,食屎架。

註冊日期: 2019-2-10

 樓主| 發表於 2019-2-10 21:35 來自手機 | 顯示全部樓層
kit C 發表於 2019-2-10 21:20
沖喜,沖佢老母呀。你叫佢老母結多次婚,咪沖喜囉。
生仔?大佬咁嘅家庭狀況下,仲生呀? 生咗出去真係累咗 ...

啱啱拍拖我見佢媽咪好好笑容以為好好人,
點知佢個仔一病咗佢講嘅嘢就好似越嚟越離譜,
我都好直接同佢講,我自己媽咪唔會接受我呢個情況生仔囉,同埋我本身屋企條件係好過佢哋嘅,佢呢啲要求完全好唔尊重我哋。
我男朋友都唔係好知道佢阿媽講過啲咩㗎,因為佢又病緊我有費時佢勞氣

註冊日期: 2014-10-22

發表於 2019-2-10 21:40 來自手機 | 顯示全部樓層
我只能夠講佢心地真係唔好。
我結婚嘅時候,原本冇諗過要擺酒,只係想好低調咁註冊,我老公都冇所謂。
但我老爺奶奶就話點都要擺酒,做足過正常過大禮所有習俗,我老公話驚麻煩。我奶奶好有威嚴咁講~~人哋養到個女咁大,唔係咁求其就嫁畀我哋,正常習俗我哋要做足,係畀女家一個尊重, 如果你哋係驚麻煩唔緊要,我哋搵wedding planner去搞,你哋淨係個人出現就可以 。
到而家結咗婚已經好多年 ,諗番當日嘅情景,我都好感激我奶奶 。
如果冇佢當初嘅一份堅持同埋尊重,我諗我人生會覺得欠缺咗一啲步驟。

註冊日期: 2019-2-10

 樓主| 發表於 2019-2-10 21:45 來自手機 | 顯示全部樓層
kit C 發表於 2019-2-10 21:40
我只能夠講佢心地真係唔好。
我結婚嘅時候,原本冇諗過要擺酒,只係想好低調咁註冊,我老公都冇所謂。
但我 ...

因為大家都係女人,佢唔想你覺得咁委屈。
所以你奶奶咪識得尊重人囉。
相反我男朋友媽咪成日開口埋口叫我生仔沖喜,我心諗當我豬咩。
成日都問我係咪個醫生唔夠好所以佢個仔好唔番,
講真我廿幾歲人,中西醫都盡咗力去搵,我當然係想我男朋友身體好,咁我先會有機會得到幸福。
佢哋成家就話自己文化低乜都唔識,有時候都覺得我男朋友好慘,如果連我都走咗佢都唔知點算

註冊日期: 2017-10-10

發表於 2019-2-10 21:50 | 顯示全部樓層
叫佢老母自己生返個,咪幫到自己個仔沖喜lo,如果佢擔心自己老公老到同佢生唔到,佢可以返頭嫁再生丫,沖兩次喜Tim!

自己個仔就係寶,人地個女就係草⋯佢都係外嫁女⋯呢d 老女人正仆乖⋯

註冊日期: 2019-2-10

 樓主| 發表於 2019-2-10 21:58 來自手機 | 顯示全部樓層
milktea913 發表於 2019-2-10 21:50
叫佢老母自己生返個,咪幫到自己個仔沖喜lo,如果佢擔心自己老公老到同佢生唔到,佢可以返頭嫁再生丫,沖兩 ...

上網就睇得多呢啲...估唔到會發生係自己身上...
我都冇諗過佢阿媽平時笑笑口可以講得出咁唔尊重人嘅說話

註冊日期: 2018-5-16

發表於 2019-2-10 22:00 | 顯示全部樓層
嘥氣,早d斬纜好過啦!Kit C講得岩架!人生唔好有任何婚姻遺憾,否則會一直為件事而嘈⋯⋯要沖喜就叫佢比錢搵代母啦!無心情搞結婚但有心情搞野⋯⋯白痴!

註冊日期: 2017-10-10

發表於 2019-2-10 22:21 | 顯示全部樓層
答你標題先⋯打算用完即棄的意思!

註冊日期: 2017-10-10

發表於 2019-2-10 22:22 | 顯示全部樓層
答你標題先⋯打算用完即棄的意思!

註冊日期: 2019-2-10

 樓主| 發表於 2019-2-10 22:23 來自手機 | 顯示全部樓層
泡沫 發表於 2019-2-10 22:00
嘥氣,早d斬纜好過啦!Kit C講得岩架!人生唔好有任何婚姻遺憾,否則會一直為件事而嘈⋯⋯要沖喜就叫佢比錢 ...

我男朋友都唔贊成而家生仔㗎,但佢媽咪會私底下成日wechat 我,問佢個仔呢排身體點啊嗰啲,睇緊咩醫生...
我簡直覺得自己好似看護

註冊日期: 2019-2-10

 樓主| 發表於 2019-2-10 22:24 來自手機 | 顯示全部樓層
milktea913 發表於 2019-2-10 22:22
答你標題先⋯打算用完即棄的意思!

即刻唔想同呢個人結婚,原來長輩真係會影響一段關係

註冊日期: 2014-10-22

發表於 2019-2-10 22:25 來自手機 | 顯示全部樓層
Be1987 發表於 2019-2-10 21:45
因為大家都係女人,佢唔想你覺得咁委屈。
所以你奶奶咪識得尊重人囉。
相反我男朋友媽咪成日開口埋口叫我 ...

佢成日話自己文化低,乜都唔識?
下次你咪應佢囉~唔知道係咪醫生唔好呀,不過肯定男朋友個基因唔好囉。
你睇下佢識唔識黑面?
呢個世界好多人扮豬食老虎㗎。

註冊日期: 2014-10-22

發表於 2019-2-10 22:28 來自手機 | 顯示全部樓層
如果你真係唔捨得個男朋友,亦都覺得佢可以付託終生,你而家唔應該呻,你應該諗日後為咗將來,有咩應對方法?有咩方法令自己嘅處境唔好咁惡劣。
如果你覺得呢個男人都係危危乎,甚至乎靠唔住,你更加唔需要呻,索性搵個下一個啦。
唔係話叫你自私,但係女人,你要識得愛自己。

註冊日期: 2014-10-22

發表於 2019-2-10 22:31 來自手機 | 顯示全部樓層
本帖最後由 kit C 於 2019-2-10 22:33 編輯

但有一樣嘢,希望你明白~嗰個老女人係永遠唔會變,甚至乎佢個仔出聲,佢都唔會變,你亦都唔好妄想你嘅男朋友或者未來嘅老公,能夠控製到佢老母嘅行為~冇可能。
唔好以為搬走咗就冇事 ,佢日日wechat ,369軍炸你, 你以為唔回應就冇事,佢喊苦喊忽,一哭二鬧三上吊 ,你都麻煩 。
只能夠你自己進行改變。如果你諗住繼續,你就要有心理準備。

註冊日期: 2019-2-10

 樓主| 發表於 2019-2-10 22:34 來自手機 | 顯示全部樓層
kit C 發表於 2019-2-10 22:25
佢成日話自己文化低,乜都唔識?
下次你咪應佢囉~唔知道係咪醫生唔好呀,不過肯定男朋友個基因唔好囉。
...

佢阿媽係嗰啲連上網都唔識嘅人,好傳統好迷信。
就奇在佢咁傳統竟然接受未婚生子囉!
一開始拍拖梗係鍾意㗎啦,我都有諗過佢以後未必照顧到我,分分鐘要獨立靠自己,
唉,所以呢個世界真係有好多好突然嘅野發生

註冊日期: 2019-2-10

 樓主| 發表於 2019-2-10 22:37 來自手機 | 顯示全部樓層
kit C 發表於 2019-2-10 22:31
但有一樣嘢,希望你明白~嗰個老女人係永遠唔會變,甚至乎佢個仔出聲,佢都唔會變,你亦都唔好妄想你嘅男朋 ...

我黎緊真係準備搬呀...
搬返近我自己屋企,起碼留條路俾自己。
我真係覺得我男朋友都好慘,
有一個乜都唔識淨係識得把口話擔心嘅屋企...
我自己覺得幾擔心都冇用,行動最實際,
如果我真係分手男朋友都要靠自己。

註冊日期: 2014-10-22

發表於 2019-2-10 22:51 來自手機 | 顯示全部樓層
Be1987 發表於 2019-2-10 22:37
我黎緊真係準備搬呀...
搬返近我自己屋企,起碼留條路俾自己。
我真係覺得我男朋友都好慘,

你唔好諗到自己咁偉大。
其實你男朋友唔係石頭爆出嚟,佢唔係一生已經咁大舊㗎,佢都係經歷成長 ,仲成長咗好多年平安無事,出現喺你面前。
你以為佢冇咗你就唔得,就係因為佢畀咗你呢個咁嘅觀念,你咪要做奴隸囉 。
佢淨係做接收嘅一個,你就做付出嘅一位,因為你覺得佢係弱者,好可憐呀嘛 。
如果佢真係咁淒慘,點解生存到今日呀? 淨係睇你個觀念,已經知你落咗搭。 諗方法應酬你嘅未來長老啦。

註冊日期: 2019-2-10

 樓主| 發表於 2019-2-10 22:57 來自手機 | 顯示全部樓層
kit C 發表於 2019-2-10 22:51
你唔好諗到自己咁偉大。
其實你男朋友唔係石頭爆出嚟,佢唔係一生已經咁大舊㗎,佢都係經歷成長 ,仲成長 ...

我真係好容易心軟,
可能本來一心係諗住嫁俾佢,結果突然發生咁多事,同我原本所幻想嘅將來唔一樣。

註冊日期: 2017-3-20

發表於 2019-2-11 01:58 | 顯示全部樓層
呢段戀情仲忍到幾耐你自己心知~只有一句~企硬 唔生仔,現在這個情況你生,成世就係咁先
您需要登錄後才可以回帖 登錄 | 註冊

News
Feature
Blog
Load more
 
NOTIFICATION