{ FORUM - LOVE }
Search
Title / Tags Author

查看: 51013|回覆: 59

情人節從來無要求過咩,反而受到傷害

[複製鏈接]

註冊日期: 2019-2-16

發表於 2019-2-16 14:02 | 顯示全部樓層 |閱讀模式
可能就係因為無要求先會咁,同男朋友一起3年幾,佢從來無同我慶祝過生日,節日更加不用說,原因係因為起佢話唔鍾意做呢啲,而我都無強求佢做呢啲,因為覺得佢陪住我開心就可以了。佢但知道我係鍾意一啲儀式感嘅人,所以我會幫佢慶祝生日,請生日旅行,送生日禮物,送節日禮物驚喜。。。
今年情人節前幾日佢突然問我之前間花店叫咩名由於我地公司逢有人升職就需要訂花比升職嘅同事,所以知道呢間花店一向實惠經濟,有次我有朋友畢業,我訂左一扎花,佢陪我一齊來花店的,後來有次佢幫朋友訂花比老婆都係呢到訂,仲要我地放假嘅時候一齊來花店幫佢個朋友來攞花送到樓下比佢個朋友,因為佢地周年紀念)所以佢問起呢間花店,原來又係幫之前上面提到果個朋友訂花比老婆,今次我真係覺得好難受,我二十老幾的人從來無收過花,同佢一齊都未試過有,因為佢話唔鍾意做呢啲,我都從來無講過怨言,但今次佢一啲我嘅感受都無顧及過,係情人節前問一個從來無收過花嘅人花店資訊,仲要幫朋友訂花付款,佢話自己唔鍾意做呢啲,但就幫人地做,我真係覺得好好笑,情人節唔送花比自己女朋友都算,仲要問女朋友花店資訊幫朋友訂花,自己女人唔訂花比佢,反而訂花比其他女人!我唔係在意一扎花嘅問題,呢幾年我都無在意過,我係覺得佢完全無當我係女朋友,完全無為我諗過,完全唔在意我嘅感受。。。今日係網上睇到一個post,我分享比佢睇,我講起呢件事,我想佢多為我諗一諗,但佢話我想要花就搵過第二個,話自己唔鍾意做呢啲,佢話我難唔難受在乎我自己點諗,話覺得自己咁做無問題,我同佢講只係想佢諗一諗我嘅感受,佢話咁不如算啦,咁辛苦做咩?


我到底應該點樣。。。
回覆
+ Favorite

舉報

註冊日期: 2017-9-10

發表於 2019-2-16 14:11 來自手機 | 顯示全部樓層
佢已經講你想要花就搵第二個 ,你叫佢叫諗你感受,佢就話不如算啦! 以上呢兩件事我相信你都覺得好難受卦? 咁辛苦你仲有咩好諗? 與其想盡辦法去改變一個人 ,不如放低佢搵個另外一個吧!

註冊日期: 2018-12-4

發表於 2019-2-16 14:19 來自手機 | 顯示全部樓層
其實佢都唔鍾意你,點解唔搵一個大家都鍾意大家既呢

註冊日期: 2019-2-16

 樓主| 發表於 2019-2-16 14:26 | 顯示全部樓層
ii1314 發表於 2019-2-16 14:11
佢已經講你想要花就搵第二個 ,你叫佢叫諗你感受,佢就話不如算啦! 以上呢兩件事我相信你都覺得好難受卦?  ...

我的確好難受,但自己又放唔低,唔捨得呢段感情,覺得自己好無用,唔可以堅強啲

註冊日期: 2019-2-16

 樓主| 發表於 2019-2-16 14:30 | 顯示全部樓層
M416 發表於 2019-2-16 14:19
其實佢都唔鍾意你,點解唔搵一個大家都鍾意大家既呢

之前有次嘈交嘅時候我問佢我都無做啲咩你點解要咁嘅態度對我,佢話唔鍾意做咩都討厭架啦,之後好翻佢話係嬲先咁講,我唔知到底邊句真邊句假,有時覺得自己好似自己係到呃自己咁

註冊日期: 2018-6-8

發表於 2019-2-16 14:40 | 顯示全部樓層
我老公都好強調係唔會送花,因為佢認為不符合經濟原則,加上放幾日就凋謝,所以佢會情願將啲錢食咗佢好過,但佢就破天荒在我們註冊那天送了一紥我喜愛的白玫瑰給我,而平時都好錫我,好愛護我,對我好好,難道我就因為佢唔送花就否定佢一直以來的付出?
每人的睇法都不同,有人真係對日子呢家嘢無乜特別感覺,但並不代表佢就不愛你,除了佢不送花不慶祝,你自問佢平時對你如何?佢幫人訂花係純粹出於幫忙,就好似同事托你食完 lunch 幫佢買個飯盒俾返去一樣,何必將呢件事化到咁大?
至於佢叫你搵過第二個,係因為你俾嗰個 post 佢睇,雖然我唔知個 post 講乜,我估都係什麼不重視節日不送花代表對你無心咁上下,其實男人好直接,有說話就不如直接講,你俾 post 佢睇,佢會覺得有點單單打打,反而會覺得好小家,所以佢才發晦氣叫你搵第二個

註冊日期: 2019-2-16

 樓主| 發表於 2019-2-16 15:09 | 顯示全部樓層
本帖最後由 sass.sssad 於 2019-2-16 15:14 編輯
藍血人 發表於 2019-2-16 14:40
我老公都好強調係唔會送花,因為佢認為不符合經濟原則,加上放幾日就凋謝,所以佢會情願將啲錢食咗佢好過, ...

佢都有對我好嘅時候,但好少,佢經常都係發脾氣多,一發脾氣就好大聲鬧我,話要分手,要我走,唔聽電話,封鎖所有聯絡方式,好多次係街大聲鬧我,指住我個頭,大力篤我個頭,一路鬧一路篤,有試過推我落地下,我同佢講咁對我,我好難過,佢話係我自己攞來,我心入邊覺得好心酸就喊,佢話見到我喊嘅樣好煩好嬲,用粗口鬧我,趕我走。我只係想佢對我好啲,多啲為我諗,唔好成日咁對我。我好多時已經直接表達我自己嘅感受比佢知,但每一次我只要表達我內心感受出來,佢就覺得我煩,佢就會嬲,發我脾氣,所以我已經變到唔敢咁直接同佢講,就會分享呢啲post,由其他途徑表達。而且我一表達佢咁樣做會傷害到我,我會難受,佢就叫我搵第二個,唔好再煩佢。我試過因為自己嘅事情唔開心,偷偷係到喊,佢發現左之後,突然發脾氣,話見到我咁樣好討厭,話一係佢走,一係我走。好似只允許佢自己有情緒,唔準人地有情緒。

註冊日期: 2018-9-6

發表於 2019-2-16 15:23 | 顯示全部樓層
本帖最後由 豬橫脷 於 2019-2-16 15:28 編輯

樓主⋯⋯我好難想像一個男人咁樣對你,你依然放唔低會唔捨得呢段感情,仲怪自己無用不夠堅強,你到底唔捨得啲乜?佢好靚仔?還是好有錢?感情係要雙向的,如果佢一直對你好好,只係鬧交時講衝動說話我都還可以理解,但照你所形容,我完全唔覺得佢有視過你為女朋友,你因為唔捨得而繼續忍受佢呢啲行為,除非佢係鬼上身你搵人幫佢驅魔,否則我唔見得佢將來會改變,愛情係無對錯,你選擇繼續留低無人會話你錯,只不過我唔認為你會得到女人最起碼的幸福

註冊日期: 2019-2-16

 樓主| 發表於 2019-2-16 15:47 | 顯示全部樓層
本帖最後由 sass.sssad 於 2019-2-16 15:49 編輯
豬橫脷 發表於 2019-2-16 15:23
樓主⋯⋯我好難想像一個男人咁樣對你,你依然放唔低會唔捨得呢段感情,仲怪自己無用不夠堅強,你到底唔捨得 ...

佢唔靚仔,都唔係有錢,所以佢唔送禮物、唔送花我可以理解,所以呢3年幾我都無講過咩,但今次我覺得佢真係無重視我,我先攞呢件事來同佢講。我當時鍾意佢係因為佢對我好,會陪伴我,所以無衡量過任何外在的條件,可能當時唔夠成熟,所以覺得鍾意就係不顧一切,無諗太多其他野。佢都有講過好多野係雙向,話我對佢幾好都無用,因為佢唔需要,我都唔可以要求佢對我好。我朋友都知道,大家都勸過我唔好繼續咁樣落去,只會令自己一直痛苦。我只拍過2次拖,今次係第3次,今次係長嘅時間,當中我都付出過好多,我唔想輕易放棄一段感情,所以我一直好珍惜,但佢就越來越過分,我覺得好心痛,但又唔捨得放下。。。。。

註冊日期: 2017-8-23

發表於 2019-2-16 16:21 | 顯示全部樓層
你男朋友鬧交時就叫分手,要你走。佢都講到出口,不如你就成全佢?
佢都唔珍惜你,如你所講,係論你做幾多,忍讓幾多,佢都當你係草

註冊日期: 2015-8-22

發表於 2019-2-16 16:39 | 顯示全部樓層
人地叫你走你仲賴死!其實係你自招傷害,佢一直都無重視你。

註冊日期: 2017-12-8

發表於 2019-2-16 16:51 | 顯示全部樓層
自己要愛自己
點解要咁樣辛苦自己
及早離場 仲可以留有自尊
以後回頭 就會奇怪點解為一個唔疼愛自己既人為委屈

註冊日期: 2014-10-22

發表於 2019-2-16 17:44 來自手機 | 顯示全部樓層
唔鍾意唔係藉口 。
如果一個男人對你係上心,用心,哪怕你叫佢去長洲買一件芒果糯米糍,佢都會即刻搭船過去,更何況只係一束花?
佢問得你花舖嘅名,證明佢要去嗰地方。幫朋友比錢?不要太天真了吧,送給別人才是真的 。
如果佢已經去到花舖,真係咁搞笑要幫朋友畀錢,咁嘅情況下,都唔買一紮花畀你,你同佢嗰一千日你真係枉過 。
好多女人以為自己冇要求,千依百順,就令男人舒服,得到男人歡心。其實咁已經大錯特錯,當一個女人完全冇要求嘅時候,你已經將自己嘅地位,喺呢段感情入面降到最低下,你只係卑微。

唔鍾意慶祝,唔鍾意搞活動,唔鍾意見親朋戚友,唔鍾意出去朋友聚會social.........以上通通都係一個男人~ 唔想陪另一半嘅大部分藉口。
但講得出呢啲說話嘅,亦都證明個女人對佢嚟講~可有可無~佢完全唔會配合。
試下想像,如果同呢啲男人就算有將來,以後未來嘅生活無論生日,結婚紀念日,情人節,聖誕節,過年,甚至乎仔女嘅出生,佢都一句~我唔慶祝~打發你,諗下自己記可悲。
你唔好再浪費自己有限嘅青春啦,下一個吧。

註冊日期: 2014-10-22

發表於 2019-2-16 17:46 來自手機 | 顯示全部樓層
sass.sssad 發表於 2019-2-16 14:30
之前有次嘈交嘅時候我問佢我都無做啲咩你點解要咁嘅態度對我,佢話唔鍾意做咩都討厭架啦,之後好翻佢話係 ...

個男人開聲叫你走,已經討厭你,你仲唔要面???你真係自己攞嚟賤。

註冊日期: 2018-12-4

發表於 2019-2-16 18:06 來自手機 | 顯示全部樓層
sass.sssad 發表於 2019-2-16 14:30
之前有次嘈交嘅時候我問佢我都無做啲咩你點解要咁嘅態度對我,佢話唔鍾意做咩都討厭架啦,之後好翻佢話係 ...

好明顯係自欺欺人啦,真係鍾意既話唔會捨得講嗰句說話囉,型d得唔得呀你,放到自己咁低係唔會得到專重架

註冊日期: 2018-12-4

發表於 2019-2-16 18:09 來自手機 | 顯示全部樓層
藍血人 發表於 2019-2-16 14:40
我老公都好強調係唔會送花,因為佢認為不符合經濟原則,加上放幾日就凋謝,所以佢會情願將啲錢食咗佢好過, ...

錯晒,唔好再迷惑樓主,如果愛樓主係會適當地調節自己去配合,令樓主開心,而唔會係呢d回應,嗰d事情亦不見得佢冇能力做,佢只係不為罷了

註冊日期: 2019-2-16

 樓主| 發表於 2019-2-16 18:10 | 顯示全部樓層
kit C 發表於 2019-2-16 17:44
唔鍾意唔係藉口 。
如果一個男人對你係上心,用心,哪怕你叫佢去長洲買一件芒果糯米糍,佢都會即刻搭船過去 ...

我就係覺得佢可以為人做嘅野點解唔可以為我做

註冊日期: 2019-2-16

 樓主| 發表於 2019-2-16 18:12 | 顯示全部樓層
M416 發表於 2019-2-16 18:06
好明顯係自欺欺人啦,真係鍾意既話唔會捨得講嗰句說話囉,型d得唔得呀你,放到自己咁低係唔會得到專重架 ...

我都有同佢講過,如果係鍾意點會咁狠心講呢啲傷害我嘅說話,佢話佢嬲嘅時候咩都可以講,咩都可以唔要

註冊日期: 2017-10-10

發表於 2019-2-16 18:48 | 顯示全部樓層
咁佢的確有問題wo, 宜家係為唔做而唔做⋯懶有性格⋯雖然我都唔主張情人節一定要送花/收花(主要價錢問題)⋯
你男友聲稱自已「唔會做呢d 野」,我諗可以理解成佢唔會做節日奴隸,所以情人節唔會送花,但佢又做佢朋友的送花奴隸?咁得意ge個思想?
樓主講得冇錯,佢的確完全唔理你感受,你生日同節日佢冇表示都不特止,仲在情人節要你比花店名佢,等佢幫人送花? 佢係咪gay ga? 佢愛自已個fd 多過你wo 樓主⋯幫人買花,幫人冧老婆⋯
佢唔係做得咁過份下麻? 其實佢一定要扮好人,幫朋友買花,都可以當日同時買埋比你啫⋯連順手都唔做⋯你的地位⋯丫唔係,樓主應該在佢心目中完全冇地位⋯
仲要話你如果要扭節日禮物同送花,就叫你分手⋯
咁我建議你真係分手啦⋯佢真係當你草當你泥咁wo...

節日的確唔一定要消費,但唔消費都氹到女友啫!? 我相信3年來,你都冇介意物質,佢畫張卡比你,你都會開心啦⋯
呢種人信唔過wo, 太自我中心,想你配合佢,但兩人相處唔係只有其中一方配合同遷就,佢都要理下你感受ga ma...
宜家拍拖都大爺咁⋯第時結婚你咪做工人咁做?

註冊日期: 2015-5-28

發表於 2019-2-16 18:50 | 顯示全部樓層
自己想要點解唔講?我就講到明唔要,又可以慳錢又唔浪費
您需要登錄後才可以回帖 登錄 | 註冊

News
Feature
Blog
Load more
 
NOTIFICATION