{ FORUM - LOVE }
Search
Title / Tags Author

查看: 67784|回覆: 43

係咪我太過執著?

[複製鏈接]

註冊日期: 2013-11-8

發表於 2019-2-20 00:45 來自手機 | 顯示全部樓層 |閱讀模式
我同ex分開咗年半,之後我就去咗日本工作,由分開果日開始佢每日都有WhatsApp 我,因為我已讀不回,之後佢變成好似寫日記咁,寫低每日做過咩,我睇佢嘅whatsapp不知不覺都變成我嘅習慣

大約半年前佢話黎日本探我,我無覆佢,因為佢無地址最後無黎到,再下個月又話黎搵我(我已讀不回),第2日佢媽咪係家庭group同我講買咗湯包同日用品比佢帶過黎,問我仲有咩想要幫我買,長輩問我唔好意思唔覆,最後都比咗地址佢,由果次開始佢每個月都會飛過黎

之後佢知我新年有2個星期假,佢想我返香港過年,就買機票比我返黎,我係孤兒仔一名香港無人無物,本來打算住酒店,最後佢媽咪留我係佢屋企住

係佢屋企住先感受到咩叫家,新年好熱鬧好有氣氛,不過真係覺得好尷尬見哂佢所有親戚。其實我知佢好錫我,為我做咗好多野,知我鍾意乾花,係我返黎前整咗10幾扎係我房,有咩事都會係我前面幫我擋,我自言自語嘅說話佢都會上心,但我仲未放得低,呢刻依然覺得好痛,段片係腦內不停重播,對我係一種精神折磨,唔知要點先可以接受返佢

**解釋一下家庭group,分開前搞緊婚禮,所以加我入group,分開後我無自動退出,佢又無踢我出group,就留到依家
回覆
+ Favorite

舉報

註冊日期: 2018-1-27

發表於 2019-2-20 01:17 | 顯示全部樓層
咩原因分開?

註冊日期: 2015-11-17

發表於 2019-2-20 03:08 | 顯示全部樓層
你ex係呢年半都依然堅持whatsapp你又定時去搵你,比著我都會比佢誠意感動,佢之前雖然係有做錯,但都有一半係算比人害嘅,我諗佢都好內疚架啦,件事已經過左去,佢亦處理得好好,無謂因為個女人嘅圈套就誤左你地嘅好姻緣啊

註冊日期: 2017-9-19

發表於 2019-2-20 05:00 | 顯示全部樓層
睇落你前男朋友都好愛你,究竟為乜分開

註冊日期: 2018-9-6

發表於 2019-2-20 07:55 | 顯示全部樓層
樓主你容許我鬧醒你嗎?我睇過原因你哋為咩事分開,罪魁禍首係那件自以爲係女神的臭西,我明你心中有條刺正常,但成件事你男友係被動的,毫不知情的,你試下掉轉諗,得罪講,如果你不幸地被人姦咗,我相信你男友都會對你不離不棄,其實而家你男友好明顯係俾條臭西強咗,但佢仲幼稚地以為自己係贏家
睇過你段 post ,真心覺得你哋走埋一齊好難得,你而家正正中咗臭西圈套,你男友根本自己都係受害者,你哋根本就大家都放唔低對方
你而家最好做法就係同你男友復合然後結婚,咁樣做可以打擊條臭西,而你哋成班亦可以將個臭西踢出 group ,我相信成班好姊妹會支持你,我都會支持你,如你想找人傾你亦可 inbox 我

註冊日期: 2018-9-6

發表於 2019-2-20 09:10 | 顯示全部樓層
有啲說話不方便呢度講,已經 inbox 咗你

註冊日期: 2016-7-12

發表於 2019-2-20 09:38 | 顯示全部樓層
條仔咁有錢又咁錫你,你仲想點?
唔好等到人哋氹完又氹,氹到無癮唔再氹,你先唻喊,得些好意須回手呀。

註冊日期: 2019-2-19

發表於 2019-2-20 10:21 | 顯示全部樓層
加油啊

註冊日期: 2017-6-26

發表於 2019-2-20 10:26 | 顯示全部樓層
人誰無錯,最重要對方知錯及補救,給他一次機會,也是給你自己機會吧。因為如果太執著之前的事情,而不懂得珍惜目前的幸福,那麼錯過咗就是錯過咗了,機會和幸福是要懂得珍惜和把握的。加油!

註冊日期: 2013-11-8

 樓主| 發表於 2019-2-20 19:31 來自手機 | 顯示全部樓層

事情有啲複習,可以睇返個舊post比啲意見我,不過係超長文,可以淨睇後半段

註冊日期: 2014-10-22

發表於 2019-2-20 19:39 來自手機 | 顯示全部樓層
嗡嗡 發表於 2019-2-20 19:31
事情有啲複習,可以睇返個舊post比啲意見我,不過係超長文,可以淨睇後半段 ...

倒不如你直接喺度寫咩原因啦,唔使叫你作文。
偷食?出軌?同人上床? 同佢屋企人唔夾............ 你連好簡單幾隻字都唔肯寫呀?

註冊日期: 2017-10-10

發表於 2019-2-20 19:43 | 顯示全部樓層
擺明你條仔比人強姦左wo⋯即係佢係男人就唔會比人迷姦? 男人比人迷姦唔係蝕,係益左個男人?
你條仔都幾慘,女友咁都要分手⋯掉轉你比個男人迷姦⋯你條仔即刻飛左你⋯你又會覺得佢係賤人⋯比個女人迷姦,佢又係賤人⋯
真心睇唔透你想點玩佢⋯

註冊日期: 2017-10-10

發表於 2019-2-20 19:47 | 顯示全部樓層
你估佢比個公廁攪完,佢唔驚ga? 我估佢應該有第一時間去驗身⋯其實比人咁玩佢好慘⋯

註冊日期: 2013-11-8

 樓主| 發表於 2019-2-20 19:52 來自手機 | 顯示全部樓層
chowwwww 發表於 2019-2-20 03:08
你ex係呢年半都依然堅持whatsapp你又定時去搵你,比著我都會比佢誠意感動,佢之前雖然係有做錯,但都有一半 ...

其實佢做咗咁多野我都有感動,依家努力嘗試接受返佢,返到日本都開始有覆佢WhatsApp,算是重新開始吧

註冊日期: 2013-11-8

 樓主| 發表於 2019-2-20 19:59 來自手機 | 顯示全部樓層
YYYYU 發表於 2019-2-20 09:38
條仔咁有錢又咁錫你,你仲想點?
唔好等到人哋氹完又氹,氹到無癮唔再氹,你先唻喊,得些好意須回手呀。 ...

明白,我啲fd都鬧我,話我消費緊佢嘅能耐,下次見會好好同佢傾下

註冊日期: 2013-11-8

 樓主| 發表於 2019-2-20 20:11 來自手機 | 顯示全部樓層
YYYYU 發表於 2019-2-20 09:38
條仔咁有錢又咁錫你,你仲想點?
唔好等到人哋氹完又氹,氹到無癮唔再氹,你先唻喊,得些好意須回手呀。 ...

明白,我啲fd都鬧我,話我消費緊佢嘅能耐,下次見會好好同佢傾下

註冊日期: 2013-11-8

 樓主| 發表於 2019-2-20 20:17 來自手機 | 顯示全部樓層
kit C 發表於 2019-2-20 19:39
倒不如你直接喺度寫咩原因啦,唔使叫你作文。
偷食?出軌?同人上床? 同佢屋企人唔夾............ 你連 ...

同人上床,但識佢嘅人都話唔算佢錯

註冊日期: 2013-11-8

 樓主| 發表於 2019-2-20 20:30 來自手機 | 顯示全部樓層
milktea913 發表於 2019-2-20 19:43
擺明你條仔比人強姦左wo⋯即係佢係男人就唔會比人迷姦? 男人比人迷姦唔係蝕,係益左個男人?
你條仔都幾 ...

我冇玩佢,正常女仔知道都會傷心,我仲要收到有聲有畫嘅片,真係好難忘記到

註冊日期: 2014-10-22

發表於 2019-2-20 20:57 來自手機 | 顯示全部樓層
嗡嗡 發表於 2019-2-20 20:17
同人上床,但識佢嘅人都話唔算佢錯

咁既然係咁,你仲糾結啲咩呢?
如果真係意外,我反而覺得你男朋友更加之慘囉。

註冊日期: 2015-3-16

發表於 2019-2-20 21:54 來自手機 | 顯示全部樓層
年半了……呢年半你感受唔到佢真心定假意?能夠遇到一個真心彼此相愛既人係好難得,唔好為一時之意就放棄,佢有心想同你到老,所以先唔放棄求你原諒,點解你又拒人於外呢?俾佢亦俾自己一個機會,唔好令自己後悔。
您需要登錄後才可以回帖 登錄 | 註冊

News
Feature
Blog
Load more
 
NOTIFICATION