{ FORUM - LOVE }
Search
Title / Tags Author

查看: 10369|回覆: 71

mimi - 愛自己

[複製鏈接]

註冊日期: 2019-3-24

發表於 2019-3-24 03:45 來自手機 | 顯示全部樓層 |閱讀模式
人生如戲,戲如人生。每個當局者都會覺得自己嘅經歷係特別啲、唔同啲、例外啲,包括我在內。在別人眼中,呢個或者只係一個普通姣婆遇上脂粉客/狗男女/姦夫淫婦等形容詞嘅故事。我知道Be呢度有好多女仔睇,可能對故事會有好多睇法,我純粹想藉呢度作為渠道,好似寫日記咁,讓自己可以抒發情緒。

由細到大,我算係一個幾守規矩嘅人。讀書時唔敢遲到,做完功課先去玩,總之係一個好普通嘅乖學生。到大個出黎做野,我都係好聽話好少say no嗰類人。我想表達嘅係,由讀幼稚園開始,我地已經有一套正確嘅觀念灌輸左入腦,咩可以做咩唔可以做,我地都會知道。而我嘅世界就係咁樣,一直規規矩矩,簡簡單單,直到我重遇佢。
回覆
+ Favorite

舉報

註冊日期: 2019-3-24

 樓主| 發表於 2019-3-24 23:41 來自手機 | 顯示全部樓層
本帖最後由 小酒窩女孩 於 2019-3-25 01:02 編輯

佢叫呀安,讀書時我地一齊過兩次,但兩次都係因為佢鍾意左第二個女仔而分手。分手後我地既不是仇人,也不是朋友。不過,呀安間唔中都會搵下我,可能係一年幾次,又或是幾年一次,以前係SMS,後來係Whatsapp。至於佢點解搵我,我唔清楚,只知道每次見面,我地都唔會好似普通朋友咁食飯傾計,佢只會攬下我講兩句,亦唔會有再多嘅下文。直到呀安認識到而家嘅女朋友之後,我同佢呢種關係慢慢疏遠。

呀安同女朋友一齊超過十年,期間,呀安曾經因為唔想女朋友誤會而決定唔搵我。我無唔開心,從來都唔覺得呀安會為我做啲咩,我對佢黎講根本唔太重要,況且當時佢並唔係我生活重心,所以我嘅表現係:是但啦,無所謂。

其實喺我心裡面,一直都覺得呢個男仔對我唔好;覺得佢無真心愛過我;覺得佢搵我攝時間,但偏偏我好鍾意佢,佢有一種魅力吸引住我。

人地話人生中遇到的每一個人都是有理由,到底個天安排呀安喺我生命裡出現咁多次係想我學到咩?原來一個女仔懂得愛自己係好重要。當你以為一切到此為止時,上天會繼續安排你上課,你未學會嘅野,會讓你學會為止。

註冊日期: 2019-3-24

 樓主| 發表於 2019-3-26 01:04 來自手機 | 顯示全部樓層
某夜,突然收到呀安嘅msg話想見面,當時我拒絕左。直到幾個月後我同當時嘅男朋友分開左,於是諗起呀安,終於在七年後,我地再次見面。

相隔多年,呀安嘅外形變左啲,但性格依然係好好笑。撇開愛情,我同佢除左係中學同學之外,仲係讀同一間小學,大家都鍾意打機,又會講兒時玩意卡通片,甚至討論中西史等,好多不同嘅話題。至從那次見面後,我地慢慢多返聯絡,距離漸漸拉近。

有次傾計,我地講返以前細個拍拖時嘅野,佢問左好多個“記唔記得xxx”嘅問題。其實我記得,不過我刻意答:忘記了。面對住呢個男仔,我始終唔太可以自然地做自己,好多真心嘅想法唔想比佢知。其實我無忘記過當年為左佢流左幾多眼淚。

雖然同呀安多左接觸,但我無特別想多亦無刻意去避忌。喺佢身邊嘅,依然係嗰個女朋友,我相信呢個女仔係佢最後一個女人。加上,以往嘅經驗話我知呀安唔會鍾意我,而我從來都唔覺得佢會將我放上心。

呢份友誼相安無事地維持左大半年,而我慢慢開始習慣左生活裡有呀安嘅存在。

註冊日期: 2019-3-24

 樓主| 發表於 2019-3-27 00:24 來自手機 | 顯示全部樓層
仲未同呀安變成情侶(我唔知道應該用咩詞語去表達個關係,狗男女?姦夫淫婦?不知道。)之前,我都當我地每次嘅聯絡係最後一次。我無期望過,亦無預料過,一次又一次,慢慢會變成咁多次。我嘅心事秘密佢知得愈來愈多,佢嘅日常作息時間我愈來愈清楚。我地嘅感情無形地建立了起來,愈來愈深。

當事情未發展到最嚴重地步之前,人總會高估自己可以控制一切。真心講,我無想去破壞呀安同女朋友嘅感情,事實我亦無能力。當呢個男仔重新再走進我生命後,我只想我同佢嘅結局唔好咁爛。由頭到尾,我都知道佢係第二個女仔嘅男人,不屬於我。

我生日那天,呀安揸車帶我周圍去,我好鍾意望住佢專注揸車嗰個樣。當晚佢送我回家同我講,佢會當我女朋友一樣咁錫我,大前題係唔可以影響到佢女朋友,我沉默不語。佢架車上面有一個屬於佢同佢女朋友嘅標記,呢個標記喺好早前我已經見過,但當晚我轉身望住佢架車走遠時,我心覺得唔舒服。

我知道,我把口無回應,但我個心已經答應左佢。結果,我地開始左一段唔應該開始嘅關係。

註冊日期: 2019-3-24

 樓主| 發表於 2019-3-28 01:12 來自手機 | 顯示全部樓層
本帖最後由 小酒窩女孩 於 2019-3-28 13:08 編輯

愛情不是一場遊戲,在我同呀安之間卻有一條好清楚嘅遊戲規則 --- 無論如何不可以影響佢女朋友。到底我與呀安之間的算什麼?不是愛情嗎?但點解喺裡面好似搵到不少愛情嘅證據?

我地一齊左前後大約四年,對於我來說不是短時間。whatsapp list裡,呀安幾乎長期置頂;在手機裡的電話簿,呀安的名字顯示在常用聯絡人list裡;家中好多用呀安嘅暱稱來命名嘅毛公仔;放滿在公司枱面某位置的小禮物等。其實呢啲全部都不算什麼,record禁個制就可以delete,禮物掉左就唔會再擁有,唯獨回憶會跟足我一世,好壞亦然。

從此,我慢慢唔再隨便評論別人嘅經歷,唔止愛情,其他方面都係,當中可以係有好多天使與魔鬼嘅鬥爭,外人未必會明白。唔識講,我的確係咁諗。

註冊日期: 2019-3-24

 樓主| 發表於 2019-3-29 01:21 來自手機 | 顯示全部樓層
我一直有個concept -- 無女朋友唔會有我。同呀安一齊呢四年,我唔係諗想女朋友消失,我只係諗我地會點樣完結。其實我經常逗留喺同呀安讀書時嗰種感覺,覺得大家係同學,感情應該唔會有太多雜質。唔知點形容,類似最好朋友永遠是中學同學嗰種feel。我無改變過希望大家結尾唔好太爛嘅想法,一個多麼天真的想法。但我忘記左一個定律,你愈唔想咩?愈發生比你睇。

我地嘈過一億五千幾百萬次,“唔好再搵”是我地講得最多嘅侮氣說話。每次吵架,大家都在怨點解要為一段無結果嘅感情痛苦,但同時,我地亦為每晚那一句“我愛你,晚安“而心軟。其實呀安比我嘅野,已經遠超我預料。或者有好多其他因素令佢要做咁多野去安撫我,但係佢每次嘅真情流露話我知,佢唔想無左我。

雖然我地成日嘈,但感情反增無減,愈來愈了解對方。愛愈增加我愈迷失,多次忘記自己嘅角色,結果呀安兩次用離開嘅方式提醒我,女朋友永遠比我重要。

註冊日期: 2019-3-24

 樓主| 發表於 2019-3-31 01:23 來自手機 | 顯示全部樓層
成日聽人講,做女仔要懂得愛自己,我到好大個都摸唔清到底點先算係。直到有天,當你勇於為自己“說不”的時候,你就會明白何為愛自己,如何為自己尋找快樂。

呀安第一次離開我,提醒我要知道自己身份時,我正在學車預備考牌。學車師傅是呀安介紹比我,但學車期間,我覺得個師傅有好多唔應該有嘅身體接觸。其實我係好後知後覺,當時我好相信呀安介紹比我嘅人,又覺得可能真係自己學得好差,又擔心未學完點好?係咪要報警?講左出黎人地信唔信?等好多呢啲想法。直到有日真係覺得唔對路問下朋友,再喺網上一search,先知道原來個師傅係有前科,手法仲要一樣。“點解被人非禮當時唔出聲?”,好多未經歷過嘅人會問呢類問題質疑事主,“針唔吉到肉唔知痛”呢幾個字係最適合嘅回應。當時我連保護自己嘅能力都無,自己嘅感受都排喺咁多憂慮後面,愛自己?笑話!

我同呀安拖拉左三個月,慢慢又再走在一起。喺呀安面前,我好少提女朋友,唔係因為我無視佢,而係我無想過要去評論佢,亦無資格。呀安呢次嘅提醒,讓我知道遊戲規則依然存在,同時我疑惑到自己到底是什麼?我開始不停喺呀安身上搵自己嘅價值。

***

題外話,想知道有無人睇緊我寫嘅野,tks~

註冊日期: 2019-3-27

發表於 2019-3-31 01:45 | 顯示全部樓層

註冊日期: 2016-10-17

發表於 2019-3-31 12:00 | 顯示全部樓層

註冊日期: 2019-3-31

發表於 2019-3-31 20:54 | 顯示全部樓層
Yes

註冊日期: 2016-2-16

發表於 2019-4-1 00:51 | 顯示全部樓層
Yed

註冊日期: 2018-9-6

發表於 2019-4-1 07:56 | 顯示全部樓層

註冊日期: 2017-1-28

發表於 2019-4-1 09:26 | 顯示全部樓層
有呀⋯⋯請繼續

註冊日期: 2015-6-8

發表於 2019-4-1 10:48 | 顯示全部樓層
YEA~

註冊日期: 2019-3-24

 樓主| 發表於 2019-4-2 01:31 來自手機 | 顯示全部樓層
呀安試過抱住我同我講,叫我唔好發咁多脾氣,佢擔心自己突然有日會好憎我,我笑答: 你唔會捨得咁做。我哪來的自信?除左名份,呀安幾乎比曬佢可以比到嘅野我,佢無怠慢過對我嘅承諾,至少我係咁認為。

我地曾經有一段時間經常送禮物比對方,呀安話佢最鍾意見到我驚喜地笑嗰個樣。我是美少女戰士頭號粉絲,呀安是紅魔鬼忠實球迷,我地為對方的嗜好成為了產品的VIP。

每次約會,我地都有職責,呀安負責帶路去親親大自然,我負責上OpenRice搵好西食,開住google map聽住導航,一起搵路冒險是我地最快樂嘅回憶。

幸好呢個年代通話分鐘唔值錢,否則我地必定是電話公司的特選客戶。這四年裡,即使大家吵架致面紅耳熱、淚流滿面,我們每晚最佳的安眠藥依舊是“晚安”兩個字。

未重遇呀安之前,“無聊先搵下你,心情好咪錫下你”是我對呢種關係一向嘅看法。我唔知道呀安如何去秤一個人嘅價值,但如果你問我,會唔會同一個無份量嘅人維繫一段咁嘅關係,我會答:還要問嗎?

註冊日期: 2019-3-24

 樓主| 發表於 2019-4-3 01:36 來自手機 | 顯示全部樓層
呀安曾經做過一件事,令我錯覺在他心裡我並非一個閒人。吵架吵到通霄達旦,講數講到連覺都唔訓,到第二朝直接返工,呢種情況喺我地嘅關係裡,其實已經是平常事。呢次,我地因為一個矛盾而大吵一場,令我意外的是,呀安買左一隻鑽石戒指黎氹我,話比我知佢心裡面有我。我地嘅關係,其實係無必要發生咁多野,可以只係“無聊先搵下你,心情好咪錫下你”,然後唔再有感覺講句byebye就完左。呀安好自私,同時我都係,我仲好不負責任地將個波交曬比呀安,只要佢做到絕情唔要我,我就可以!

我放大曬呢啲可能喺旁人眼中只係好普通甚至唔應該發生嘅“好”事,但我從來無問過自己,你開心嗎?妒忌心其實一早就有,我無理之餘,仲要由佢蔓延。價值係自己建立的,呀安好似為我做多左好多野咁,但唔通佢一唔做我就係零?我唔止忽略左自己嘅內心感受,仲無為自己而活。


呢次吵架,我地都上左心,我記住左呀安用鑽石戒指留住我的畫面,不過呀安記住的,卻是我發脾氣亂講說話那一幕。其實喺唔知幾時開始,呀安已經將條底線降底左,我迷失有呀安提醒,咁呀安迷失呢?

註冊日期: 2019-3-24

 樓主| 發表於 2019-4-3 01:40 來自手機 | 顯示全部樓層
同時,我想多謝有睇嘅人,tks so much。

註冊日期: 2018-9-6

發表於 2019-4-3 07:19 | 顯示全部樓層
小女孩,好奇一個問題,已 inbox u

註冊日期: 2018-1-27

發表於 2019-4-3 12:23 | 顯示全部樓層
追post

註冊日期: 2019-4-1

發表於 2019-4-4 01:52 | 顯示全部樓層
佢女朋友唔知你存在?
您需要登錄後才可以回帖 登錄 | 註冊

News
Feature
Blog
Load more
 
NOTIFICATION