{ FORUM - WEDDING }
Search
Title / Tags Author

查看: 701|回覆: 4

奉勸各位不要幫襯wedding一條龍服務

[複製鏈接]

註冊日期: 2019-6-8

發表於 2019-6-8 02:02 | 顯示全部樓層 |閱讀模式
本帖最後由 lulamae 於 2019-6-8 15:48 編輯

今年結婚,上年年中同男友行左一次婚展,睇到一個好大好靚的booth,係一間幫人在香港影pre-wedding的舖頭,D相好有田園feel,係我地鍾意的style,就打算畀錢搵呢間影pre-wedding... sale屎打蛇隨棍上,話婚展限定優惠,如果我地join big day package(包男女禮服婚紗共4套,新娘化妝,影相拍片,油畫相簿),就可以送影pre-wedding。基於我地當時失去左理智,同埋唔鍾意煩同四圍揀的心態,覺得呢間嘢D style啱心水,不如就一條龍,唔洗再諗。

以往覺得身邊朋友結婚,都搞到好似世紀大婚禮咁,揀婚紗揀MUA都要試好多間,而當時我一嘢已經book晒所有嘢,仲以為自己好叻。點知,到近呢幾個月,開始上去揀衫/試妝時,先發覺自己拿晒嘢... 首先係選擇唔多,男禮佢攞晒出來得4套,咁點揀啫?真係唔洗揀個喎!冇一套係我男友鍾意... 到我揀婚紗,其實都係得十零廿套左右,而我因為太瘦冇身材carry唔到一字膊或低胸,一開始已經可以飛走左大半數,再者,其實D款真係變化唔大亦唔靚,有D裙甚至好似好殘,D邊黃黃地,我覺得D款已經好舊,畀人著到殘晒... 真係揀唔落手,但因為當日就要做決定,我惟有勉強揀左一條... 至於紅色敬酒裙,都係得4,5條畀你揀,仲要其中兩條要加幾千蚊要有得著,package唔包...

揀完之後幾日,我心情都好忐忑,錢又畀晒喇,但睇返試裙的相,越睇越覺得核突,心諗真係要著呢條婚紗結婚嗎?都幾唔開心,最後我決定自己另外畀錢訂造一條我一早睇中了的dream dress,咁又洗多一舊錢了。都算,更可怕的是MUA!上去試妝之前,我唔知究竟我個MUA是誰,冇reference冇盛,上到去就交塊面畀佢,我皮膚唔好,毛孔粗大,但自己平時用cushion印幾下都遮到,所以我有信心專業化妝師可以遮得更好,並將我化得比平時靚D。

點知,我話想要自然妝,但佢幫我搽了深啡色眼影,我諗在顏色同咩叫"自然"上,我同佢的定義好唔同,我有嘗試表達,但都溝通唔到,畀佢化完係醜樣過未化,D毛孔更加明顯,連eyelashes都痴到甩邊同見到膠水,set埋個頭後,塊面出左油,個妝容我只可以用災難級嚟形容。set頭都唔想再講了,畀埋相佢做reference,都可以set左個完全唔同的頭出來...

我化完一個妝,唔開心左幾日,對我的打擊好大,心諗是否要成個阿梅咁去結婚?然後我先明白,點解身邊D朋友結婚時,會話試晒成間甚至幾間舖頭D婚紗,搵MUA試妝都試好幾個,原來係真係唔可以懶,唔可以怕煩,真係要揀過度過... 我個MUA係package包左即係我係完全冇得揀,而我相信如果我要同呢間舖頭講轉另一個MUA再試,佢一定又話package唔包要另外收錢... 所以我最後都係還原基本步,上網睇文搵review搵人介紹其他MUA,當然我仲有唔夠半年就結婚,而家搵已經有好多MUA冇期了... 但總算搵左另外兩三個MUA,再去試妝... 又再畀過錢....

而家婚紗我唔著佢的,MUA我唔用佢的,總之成件事,洗左好多冤柱錢,好錯。各位姊妹,就算你平時份人係幾decisive,幾唔鍾意浪費時間去諗去揀,但big day嘅嘢,畀自己「屙個」一次,「奄尖聲悶」一次,唔好一嘢就拍板決定晒所有嘢,逐樣嘢揀,寧可分開幾廿間唔同舖頭,都唔好一條龍!
回覆
+ Favorite

舉報

註冊日期: 2009之前

發表於 2019-6-8 11:50 來自手機 | 顯示全部樓層
好慘呀,多謝提醒因為我都係個d好decisive 既人

註冊日期: 2016-3-11

發表於 2019-10-9 00:00 | 顯示全部樓層
可以pm我detail嗎?我都驚我中伏

註冊日期: 2011-10-5

發表於 2019-10-13 12:50 來自手機 | 顯示全部樓層
個package幾錢呀 同埋可唔可以pm我間野叫咩名

註冊日期: 2019-5-8

發表於 2019-11-10 17:42 | 顯示全部樓層
同意,我平時好懶,但都寧願分開bk,請問你間係邊間?我有朋友想一條龍,驚佢bk左你呢間
您需要登錄後才可以回帖 登錄 | 註冊

News
Feature
Blog
Load more
 
NOTIFICATION