{ FORUM - LOVE }
Search
Title / Tags Author

查看: 55714|回覆: 25

停一停…諗清楚

[複製鏈接]

註冊日期: 2019-7-7

發表於 2019-7-7 23:07 來自手機 | 顯示全部樓層 |閱讀模式
以下嘅內容全部都係我嘅親身經歷 , 呢幾年屈埋嘅嘢真係太多我諗呢度都講唔曬 , 所以辛苦大家畀啲時間去睇, 事緣係我一路都好想擁有一個童話式婚禮, 但係就遇著麻煩奶奶同 豬隊友 一家, 故事嘅開始係我年紀好細就結婚(我真心覺得自己當時發神經唔係做咩會嫁俾佢), 前夫喺拍拖嘅時候對我真係好好我亦都真心覺得 嫁畀佢會好有憧憬, 點不知就係呢一個決定令我走上了一個不歸路, 事源係當決定結婚擺酒嘅時候搵奶奶問清楚到底佢要幾多圍, 佢哋本身就話要12圍我女家只需要10圍, 點不知麻煩姑奶無啦啦話男家唔夠位坐然之後私下將當初決定嘅22圍加至30圍, 我諗住男家真係咁人面廣因為99係咁講, 點不知道當日仲要坐淨幾圍, 麻煩奶奶仲死撐話就算啲人唔到禮都會到齊, 因為奶奶不斷同我講話佢人面好廣 要請好多人叫我等住收金收到成身都係, 其實我真心唔係為咗啲金所以先至擺酒而係我覺得尊重我父母所以我先至要擺, 而當時決定擺酒奶奶已經決定男家所收嘅金器都會歸佢所有, 男家女家係aa制 大家有大家去畀番錢, 所以我父母亦都懶理佢哋到底收咗幾多, 呢個麻煩奶奶係擺酒之後居然不停係咁叫我問屋企人收咗幾多錢, 因為男家收返嚟嘅人情居然完全唔夠找數 但係麻煩奶奶為咗面子 居然叫麻煩姑奶找埋條尾數, 而點解佢一路都咁想知我女家收咗幾多錢, 原來係因為佢怕女家收嘅畀佢多比出面嘅人知道佢會好冇面, 到擺酒當日我相信好多人都會有好多突發嘅事發生我亦都唔例外, 不停俾男家捉住我周圍斟茶, 全因為奶奶嘅一句不停斟茶可以收利是收金器, 我當下真心諗你到底可以有幾賤, 你真心當我係一個搵錢工具, 搞到我當日連女家嘅長輩我都遞唔到茶, 然後我當然唔會同奶奶講女家收咗幾多錢我只不過話數目都ok, 然後例牌三朝回門要喺奶奶度瞓幾晚, 到第二晚嘅時候奶奶問我係唔係有一對金鈪 留咗喺我媽媽度, 我當下問佢點解咁講係咪因為某個親戚送所以認得唔見咗, 然後奶奶話唔係人哋送嘅係佢畀我嘅但係對鈪係假嘢只係拎出嚟充下場面, 費事畀啲親戚見到佢作為奶奶都冇嘢畀我, 我當下真係有啲嬲我真心嬲嘅唔係你畀真金定假金我而係你居然面子大過天, 然後居然對手鈪真係唔知點解去咗我媽媽手上, 我唯有將事實講出嚟, 我媽媽聽到當下都唔高興但係佢認為囡囡開心就可以, 佢怕如果佢嘈嘅話會令到我同前夫之間唔開心, 我好感恩我有個通情達理嘅媽媽, 到擺酒之後三朝回門 我好開心終於可以返返自己屋企, 跟住大半年都相安無事 只係某一日麻煩奶奶發神經同我同前夫講話我哋每一個月出糧都要每人畀5000蚊佢做家用, 然後我直接say no, 我同前夫講你要畀你阿媽五千蚊我唔會阻止你, 但係我始終唔係你阿媽養大所以憑咩佢要收我五千蚊仲要唔係同佢住, 前夫居然照辦煮碗同咗佢阿媽咁講, 然後佢阿媽不停喺出面同人哋講我係一個惡毒新抱, 呢件事之後我冇乜再見過我奶奶, 點不知大半年之後我有咗bb, 麻煩奶奶又開始嚟料, 又話我生完之後要幫我湊又呢樣又嗰樣,當然無俾佢湊啦, 然後麻煩奶奶居然喺我生完bb之後畀咗幾千蚊話獎勵我, 我當時居然真係夠膽死收咗, 收咗呢幾千蚊居然就係惡夢嘅開始, 首先坐月第一日係醫院食嘅第一餐居然係燒味飯, 我八卦問前夫點解會係食呢啲 居然佢阿媽同佢講話係因為開頭幾日只可以食呢啲冇乜嘢可以食, 同埋諗住係太趕煮唔切, 點不知第二日都仲係同一味餸, 講真真係第一胎唔識(因為嗰陣時99話冇咩嘢可以食得住只可以食呢啲) 估唔到到出院返返去99到仲係見到係燒味飯( 我從來冇諗過我會對住碟燒味飯喺度喊 ) 我同前夫講我好想返屋企, 但係佢話應承得佢阿媽就要做, 我都諗住應該係食過幾日忍埋佢, 點不知我真係食咗大半個月燒味飯, 99仲毒到同我阿媽講話我好鍾意食係我話要食, 但係講真我係我阿媽個肚度出嚟我鍾意食咩我阿媽冇理由唔知只不過佢唔出聲, 佢怕我難做, 佢唯有等我坐完一個月返番去佢度食番好啲補番數, 99不斷有好多理由藉口話我傷口太 大到好多嘢都唔食得, 所以基本坐月我冇咩食過啲咩好嘢只係食得最多薑醋同埋燒味飯仲有一碟擺兩三日先至倒嘅黃酒煮雞, 呢件事令我覺得好對我媽媽唔住因為我居然咁傻嫁咗個去受佢哋凌辱, 當時好深刻除咗食咩之外最深刻就係99 要求我手洗自己嘅衫因為佢話 坐月婆嘅衫要自己洗唔可以掉落洗衣機洗, 幸好其中一個姑奶好好人佢幫我開聲同奶奶講唔使自己洗(我順產傷口自然爆開所以縫咗好多針 , 仲要當時係冬天天寒地凍) 最慘係第一胎完全唔識湊奶奶更加唔使講得把聲, 個豬隊友幫咗半個月走咗去返工打後完全冇幫手, 我嗰一刻真心崩潰, 終於嗰一個月好唔容易過咗可以返阿媽度, 居然畀我聽到奶奶喺出面同啲三姑六婆講係我阿媽要求我立即返返去, 係咁喺出面同人哋講話我阿媽覺得佢 畀唔到啲咩好嘢我, 不停喺出面同人哋講話我嬌生慣養, 實情係一個正常人冇理由挨得住食咁耐燒味飯仲要我嗰陣時係坐緊月,佢居然仲好意思係出面話我哋, 我哋聽完之後真係好嬲我同豬隊友講你阿媽究竟咩事, 點不知個麻煩姑奶就 快我哋一步打電話畀豬隊友問佢究竟我阿媽喺出面同人哋講啲乜嘢搞到佢阿媽咁嬲, 我哋諗爆頭都諗唔到究竟發生咩事直接問麻煩姑奶咩事嘅時候佢話, 話麻煩奶奶喺出面聽到人哋話佢充大頭鬼搞到佢好冇面, 然後麻煩姑奶就叫我哋同奶奶道歉, 我一句得埋去你都發神經唔通我講事實都唔啱? 更何況我覺得冇可能係我阿媽講就算係咁又點唔通要我媽跪你點解你可以喺出面係咁講我阿媽但係你聽到一句就要打嚟要我哋同你道歉? 跟住豬隊友繼續發揮佢既大不理精神咩都唔理, 呢件事之後奶奶更加憎我, 跟住就不停喺出面同啲三姑六婆講我唔畀個孫佢見, 事實係我湊住bb攰到死, 仲要我日日帶上去雖然住得好近, 豬隊友居然附和奶奶同我講話應該要帶上去畀嫲嫲見, 我當時一句得埋去你要帶自己帶飽佢, 呢件事之後我同豬隊友越踩越深 開始越嚟越生疏, 一路豬隊友都係外人面前做到好錫我 但係返到屋企就闊佬懶理咩都唔做, 每個月只係畀八千蚊家用我要我包辦bb嘅生活同埋伙食仲有儲錢, 當然得八千蚊我一定做唔到 然後麻煩奶奶就唔知哪來嘅消息 喺出面同啲三姑六婆講話 豬隊友搵三四萬蚊一個月然後畀曬我阿媽, 今次我阿媽聽完之後真係把幾火, 我阿媽直接同豬隊友講, 一路以嚟我為咗個女個好多嘢都忍, 叫你阿媽收下把口如果唔係我可以趕你走, 跟住前夫怕怕叫佢阿媽收聲, 兩年嘅生活一直喺地獄好彩一路以嚟我都係住喺媽媽度, 如果冇媽媽喺度我諗我一早產後抑鬱自殺死咗, 到而家已經離婚兩年, 我好慶幸我自己做咗呢個決定, 因為我一直都係一個偽單親嘅環境之下湊住小朋友, 前夫只係一路喺人哋面前先至會 關心一下我同個女, 當我返到屋企就會第一時間瞓上張床然後玩電話打機再唔係就係約朋友飲酒, 呢兩年我真係由一個大小姐 訓練自己成為一個女超人, 孭住個女可以去買餸買一大袋完全唔使人幫手, 但不經不覺亦都令自己 越嚟越殘越嚟越變得冇自我, 但係為咗小朋友我認為係值得, 即使身邊爸爸唔理佢佢仲有媽媽, 所以我同小朋友嘅感情一路都好好, 直至到我鼓起勇氣去講離婚嘅時候, 前夫開頭力挽狂瀾諗住唔好離婚, 我初時又心軟認為佢真係真心愛我愛頭家, 點不知係因為原來離婚嘅話會畀佢阿媽睇死, 令到我更加決絕去離婚, 誰不知後來發生嘅事令到我好心寒, 居然前夫去搵我嘅朋友幫手, 我朋友後來嚟問我究竟發生咩事, 因為原來佢聽咗前夫嘅版本認為係我唔啱, 點不知聽返我嘅版本我朋友都話返去會叫佢走佢唔應該留喺我朋友度賴死, 作為一個爸爸, 唔好話應該返完工之後要幫手湊, 佢連最基本關心小朋友都冇, 佢居然同我朋友講佢好努力搵錢去為頭家, 然後不停同人哋講我係有咗第二個所以先離婚, 好彩我朋友同我識咗十幾年佢知我係一個咩人, 當佢聽完我嘅版本之後佢都話 如果聽曬前夫講嘅一定會覺得係我唔啱但係聽完我講之後就知道原來我一路係壓力中生活, 只怪我以前太心軟 係人前好配合前夫令到各人都覺得佢對我好好, 到嗰一刻好心寒原來每一刻前夫都係喺度做緊戲, 直至後來, 一路我身邊的確有一個男人對我好好, 但我同佢一路維持至係好朋友嘅關係可以叫閨蜜, 但就係因為前夫呢件事令到我呢個好閨蜜 硬食咗第三者呢個名, 到而家離婚兩年, 我的而且確同咗我呢個好閨蜜一齊 仲有咗bb準備結婚, 的而且確我同好閨蜜係喺我離婚之後先一齊, 但係居然估唔到前夫因為佢自己嘅面子不停係出面同外人講呢講路, 我呢個好閨蜜而家應該叫係我老公 無理會不特止, 仲同我講我人嘅說話唔重要有我喺度乜都無問題, 到嗰一刻我真心喺度諗究竟同前夫結婚過幾年我喺度做過啲乜嘢, 我為佢浪費幾年青春捱生捱死, 到頭來得到嘅只不過係佢喺外人面前怨我話我唔要個小朋友話我唔要頭家, 但係實質上小朋友一路都係我身邊, 不過當然外人唔知發生咩事以前夫一路做戲都做得咁好佢哋當然會覺得真心係我唔啱, 但係我都一於有你冇你始終我而家嘅生活比起以前真係好好多, 我以前畀人以為我三十幾歲, 到而家就算有咗第二胎啲人都會覺得我仲係二字頭, 同前夫一齊嘅日子壓力大到滿頭白髮, 到到同現任老公一齊嘅時候雖然都係要去做嘢都係辛苦但係起碼值得, 同現任老公一齊和媽媽好放心現任老公仲好快將我帶咗出嚟一齊住, 仲好錫小朋友當正親生一樣, 我而家有咗第二胎嘅時候 現任老公仲不停同小朋友講唔會因為小朋友 唔係親生就唔錫佢, 反而現任老公係會同我講而家肚入面嘅小朋友將來出到嚟唔可以蝦姐姐, 令到我覺得苦盡甘來嘅係 我呢幾年捱過嘅真係多得前夫同佢一家, 冇佢哋嘅壓力訓練 我諗我應該一早跳樓死咗, 亦都多得佢哋一家我可以睇清楚佢哋係咩人, 亦都多謝身邊嘅朋友真心相信我, 當初都有朋友認為我唔應該 選擇離婚會對小朋友唔好, 我亦都有好多猶豫但係到最後 我真心覺得我當初嘅決定係冇錯因為我亦都覺得我小朋友比起以前開心好多, 而家前夫雖然仲不停喺出面同人哋講我同而家老公嘅事, 但係我哋一於唔理我哋而家不論錢定物質 都係自己搵返泥,相反前夫愈來愈兜茂,我同現任老公冇求過任何人而前夫 就要靠一個大話冚一個大話去維繫佢呢班酒肉朋友, 我真心想睇佢條狐狸尾巴幾時露出嚟, 我亦都好慶幸我現任老爺奶奶好通情達理 佢哋好愛屋及烏好錫我個女, 現任老爺奶奶亦都好尊重我我媽媽亦都好鍾意我而家個老公, 我真心覺得而家先係幸福我唔會再理其他人講啲乜嘢。 多謝大家嘥咁多時間去睇我咁大篇嘢, 以上內容真心係我呢幾年發生嘅事, 希望大家嫁之前諗清楚, 重點係嫁嘅要係神隊友千祈唔好係豬隊友。
回覆
+ Favorite

舉報

註冊日期: 2016-7-12

發表於 2019-7-7 23:20 | 顯示全部樓層
太長又唔分段......

註冊日期: 2017-3-8

發表於 2019-7-7 23:26 | 顯示全部樓層
好勵志,祝樓主一直幸福

註冊日期: 2017-10-10

發表於 2019-7-8 03:06 | 顯示全部樓層
太長篇,睇到唔知有冇一半,但都想講恭喜你,你苦盡甘來,搵到個真男人為你遮風擋雨,希望以後你地一家風雨同路,愈行愈好。

註冊日期: 2018-9-25

發表於 2019-7-8 03:56 來自手機 | 顯示全部樓層
長唔係問題,係完全唔分行,唔隔行,睇得好辛苦,睇咗三分一已經放棄

寫野既人可吾可以諗下睇果個人嘅感受

註冊日期: 2015-4-9

發表於 2019-7-8 08:33 來自手機 | 顯示全部樓層
零分重作啦屌你老母!

註冊日期: 2019-7-7

 樓主| 發表於 2019-7-8 08:46 來自手機 | 顯示全部樓層
唔好意思,打既時候太激動完全無為意要分段,不過屌我老母個位,我明白真係睇得辛苦,不過唔洗屌既,將心比己我屌你老母你咩感受?共勉之!

註冊日期: 2015-4-9

發表於 2019-7-8 09:01 來自手機 | 顯示全部樓層
對只能說不能做的事,又會有咩感覺呢
你唔edit返,前面班sis應該唔會幫你
你一句激動就大撚晒,咁大家睇完都好激動呀,只差佢地斯文冇屌老母

你激動就得人激動就唔撚得,淨係呢下已經要屌多次

註冊日期: 2017-7-17

發表於 2019-7-8 09:24 | 顯示全部樓層
以前唔好的已經過去,現在見你有一段幸福的愛情,祝你們一直幸福美滿,加油

註冊日期: 2017-10-10

發表於 2019-7-8 10:43 | 顯示全部樓層
算啦,雖然真係難睇左d, 但樓主篇野係勵志的。

註冊日期: 2018-5-27

發表於 2019-7-8 16:44 來自手機 | 顯示全部樓層
睇到頭暈。Anyway 恭喜你
過去的由它吧。而家開心就好

註冊日期: 2019-5-5

發表於 2019-7-8 19:18 來自手機 | 顯示全部樓層
講真真係睇得好辛苦
d字又細粒,我有睇開書都無辦法睇曬

註冊日期: 2012-4-19

發表於 2019-7-9 09:24 | 顯示全部樓層
我睇唒,都幾清楚。真心為你開心,過去終於可以成為過去,苦盡甘來

註冊日期: 2012-4-19

發表於 2019-7-9 09:27 | 顯示全部樓層
祝福

註冊日期: 2019-5-24

發表於 2019-7-9 10:05 | 顯示全部樓層
睇完,謝謝分享,妳話嫁過去受凌辱,覺得對吾住媽媽,真係笑出來。不過都啱嘅,照顧到自己健康快樂,也能讓父母快樂的。
congratulations on your new wedding

註冊日期: 2019-7-3

發表於 2019-7-9 10:16 來自手機 | 顯示全部樓層
睇哂,好奇問一下,豬隊友個邊係未水上人或者圍村人?

註冊日期: 2016-12-9

發表於 2019-7-9 10:26 來自手機 | 顯示全部樓層
我睇哂????幸福就在前面,不要回望過去。樓主,加油喔!

註冊日期: 2010-12-25

發表於 2019-7-9 11:21 | 顯示全部樓層
睇到眼花……俾d標點符號得唔得~~
又唔分段~~
btw 豬隊友真係唔要得,好彩你都識盡快抽身,離婚唔係咩壞事,呢個年代,唔岩就分開,有咩所謂~
對一世架嘛,唔通好似以前咁,唔岩都對一世呀﹖

註冊日期: 2017-2-16

發表於 2019-7-9 11:46 | 顯示全部樓層
雖然真係睇到好辛苦! 但感覺尢如被點醒
您講得岩 "停一停, 諗一諗"

共勉之!

註冊日期: 2009之前

發表於 2019-7-9 15:08 | 顯示全部樓層
而家幸福就得拉,祝白頭到老
您需要登錄後才可以回帖 登錄 | 註冊

News
Feature
Blog
Load more
 
NOTIFICATION