{ FORUM - LOVE }
Search
Title / Tags Author

查看: 13223|回覆: 29

男友突然唔拖手

[複製鏈接]

註冊日期: 2019-2-12

發表於 2019-7-28 23:58 來自手機 | 顯示全部樓層 |閱讀模式
公司同事2月開始拍拖已經5個月了,頭3個月好sweet成日見出街都會拖下手攬下腰,但近呢2個月即6月開始佢變得好忙,我都知佢真係好忙,所以少左見面,但都會keep住一星期見至少一次,然後來到7月剩係出過街2,3次,都冇拖我手,甚至行係前面冇理我,但又會攬下腰之類的,但都冇kiss⋯

請問係有咩可能性呢?wtapp的確係少左hea左都唔再sweet⋯但今日見面傾計都仲ok開心⋯究竟佢點諗?
回覆
+ Favorite

舉報

註冊日期: 2017-8-23

發表於 2019-7-29 01:04 | 顯示全部樓層
你直接同佢反映啦 表示你想出街拖住手,你直接表達好過上網問
過咗三個月熱戀期,係會爭啲

註冊日期: 2018-6-10

發表於 2019-7-29 09:03 | 顯示全部樓層
二人相處最緊要溝通~唔好屈係心
直接同佢傾啦=)

註冊日期: 2019-2-12

 樓主| 發表於 2019-7-29 09:50 來自手機 | 顯示全部樓層
我都想問但好驚一開口就傾到分開⋯驚佢係想冷暴力處理等我頂唔順開口講
同埋最煩的是來緊有個旅行不過係成班義工咁出國,我同佢一齊去的⋯如果去之前鬧翻左⋯真係好怪⋯

註冊日期: 2009之前

發表於 2019-7-29 11:11 | 顯示全部樓層
我同你個CASE好似, 其實已經冇咁愛/ 唔愛了
最後我同佢都分開左...
而家睇返轉頭, 呢一切都是一個警號

註冊日期: 2019-2-12

 樓主| 發表於 2019-7-29 12:35 | 顯示全部樓層
lavenderbaby 發表於 2019-7-29 11:11
我同你個CASE好似, 其實已經冇咁愛/ 唔愛了
最後我同佢都分開左...
而家睇返轉頭, 呢一切都是一個警號 ...

唔好意思問到唔開心的野, 但我好想知當時你有冇問出聲?
係咪真係冇辦法變返以前咁? 或者冷淡期點先可以經過? T__T

註冊日期: 2017-10-10

發表於 2019-7-29 12:46 | 顯示全部樓層
拍左5 個月,呢兩個月就係冷淡期?
我成日覺得果d 咩熱戀期,咩期咩期⋯都係廢話⋯一個人係愛你,咩時期都唔會改變⋯
唔拖你咪即時問佢咩事唔拖lo, 又或者你自己拖佢lo....一定要佢主動拖你? 你得兩歲咩?

註冊日期: 2019-2-12

 樓主| 發表於 2019-7-29 13:29 來自手機 | 顯示全部樓層
milktea913 發表於 2019-7-29 12:46
拍左5 個月,呢兩個月就係冷淡期?
我成日覺得果d 咩熱戀期,咩期咩期⋯都係廢話⋯一個人係愛你,咩時期都 ...

咁佢宜家有咁的改變,即係唔中意我了⋯
問佢就係會向分手的走向,係我唔想接受啫係咪T_T
我仲好中意佢,唔想想像佢當我係陌生人咁⋯我地仲要係同事,仲本身定好晒下個月去旅行了⋯

註冊日期: 2017-10-10

發表於 2019-7-29 14:29 | 顯示全部樓層
你仲咩不停咁loop?
你想知點解佢咁冷淡,就當然問佢本人啦,答案可以係正/負⋯
如對方答你想分手,你控制到佢的離心咩? 咪分Lo, 你控制到人愛唔愛你ga 咩? 留個唔愛你的人有用咩? 你仲好中意又點呢? 對方係人唔係物件,唔係你唔想放棄就留到佢⋯

又或者佢唔係想分手,係比面色你睇,你可能事前講錯野/做錯野令佢不滿,佢就鬥氣突登唔拖呢!?

長痛不如短痛,去旅行算係咩呀? 好大件事咩? 到時真係分左手就唔去得? 如你好難受咪自已單方面唔去lo⋯

同埋呢⋯以我經驗,有d 男人係犯賤,你愈緊佢愈話佢知你唔可以冇左佢,佢個人就愈囂,愈多野睇你唔順眼,你愈唔緊佢愈大方咁問佢咩態度,惡過佢,佢或者唔敢咁囂⋯

註冊日期: 2017-10-10

發表於 2019-7-29 14:35 | 顯示全部樓層
睇樓主po頭同埋留言,都感受到樓主係逃避的性格,咩都收埋收埋唔出聲,怕自已講錯野人地就愈唔中意自已⋯簡單講性格懦弱⋯

其實男女之間,合則來不合則去,唔係你ge野強留都冇用,係你ge你趕都趕唔走啦⋯你咁怕攤開來講的話佢就即走,咁其實你拖到去旅行後,個結果會有分別咩?
我就最憎唔清唔楚的關係,一定忍唔住爆佢一鑊,或者問清楚佢咩態度,佢係有野不滿就出聲,男人老狗唔好學人擺姿勢扭扭捏捏,唔愛我就唔好浪費我時間,阿姐我冇咁多時間比佢玩感情⋯

註冊日期: 2017-10-10

發表於 2019-7-29 14:50 | 顯示全部樓層
講多句,你話同佢係同事,話你聽丫,如果佢真係有野嫌棄你要同你分手,你只要返工打扮好d 靚d, 同其他男同事開心講多兩句笑,就算佢分左手後,都一定會後悔想追返你⋯經驗之談,信不信尤你⋯

註冊日期: 2019-2-12

 樓主| 發表於 2019-7-29 15:08 來自手機 | 顯示全部樓層
milktea913 發表於 2019-7-29 14:50
講多句,你話同佢係同事,話你聽丫,如果佢真係有野嫌棄你要同你分手,你只要返工打扮好d 靚d, 同其他男同 ...

好多謝你講得直接明白,冇錯我個人就係怕事,呢個人係我第一個中意的人,所以做咩都會好猶豫⋯
明白了要勇敢面對要出聲搞清楚
Thanks so much!!!

註冊日期: 2017-10-10

發表於 2019-7-29 15:36 | 顯示全部樓層
其實你對其他野怕事係冇問題ga, 對人怕事唔出聲都冇問題,但如有野影響到你,又或者本質係兩個人的問題,你就唔可以怕事唔出聲,第時有人對你唔好,不合理地對你差,你都要出聲,你自己都唔反抗有咩人幫到你?
有d 人你愈遷就佢就愈得串進尺,唔係話事事要兇人,但起碼要比對方知自已唔係好洽,佢態度有問題你唔係盲ge,要佢交代清楚⋯
同埋個世界冇話冇左咩人唔得,你未拍拖前咪又好地地,一個男人唔係全世界,你有權揀個對你好的人。

註冊日期: 2019-2-12

 樓主| 發表於 2019-7-29 16:21 | 顯示全部樓層
milktea913 發表於 2019-7-29 15:36
其實你對其他野怕事係冇問題ga, 對人怕事唔出聲都冇問題,但如有野影響到你,又或者本質係兩個人的問題,你 ...

我知道明白人要堅強, 要出聲搞清楚
係我能力未夠怕受傷所以遲遲都唔行動唔問...
我會問清楚佢, 屈住係心度都唔好受...
多謝您俾真誠的意見出來, thanks!!!

註冊日期: 2017-10-10

發表於 2019-7-29 17:07 | 顯示全部樓層
其實呢⋯你的問題基本上唔係咁大,係你自己睇到好大啫⋯
兩人之間有問題就更係攤開出來講ga啦,咁少事都估估下,點樣行落去呢?

甚至如果呢位真係要分手,都真係好襯半年都未夠就分啦,拖落去係你蝕左自已d 時間,佢冇蝕ga wo...你咁多時間可以浪費在一個Mr Wrong 身上咩?

註冊日期: 2019-5-24

發表於 2019-7-29 20:51 | 顯示全部樓層
樓主,我反而覺得冇乜問題喎,其實男人在街攬攬錫錫,個人覺得冇乜男子氣概,甚至幾核突咁
本人當年幾個月就過左所謂的熱戀期,但覺得有種老夫老妻feel ~

註冊日期: 2017-6-24

發表於 2019-7-31 15:14 | 顯示全部樓層
會唔會天氣熱會出手汗所以唔拖

註冊日期: 2016-3-14

發表於 2019-7-31 17:11 | 顯示全部樓層
拍左幾個月就開始吾拖手又真係幾怪  其實我明你感受  最近呢排男朋友都愈黎愈少拖我同kiss我  我都有擔心過係咪真係佢對我淡左  不過吾同既係我同佢已經拍左幾年拖  所以淡左都好正常  不過你個case吾同  同埋你地一個月先見2 3次真係好少wo

註冊日期: 2019-2-12

 樓主| 發表於 2019-8-1 11:39 來自手機 | 顯示全部樓層
人人彈起 發表於 2019-7-31 15:14
會唔會天氣熱會出手汗所以唔拖

咁無理由入到商場行街有冷氣都出手汗架⋯

註冊日期: 2019-2-12

 樓主| 發表於 2019-8-1 11:41 來自手機 | 顯示全部樓層
smile_girl 發表於 2019-7-31 17:11
拍左幾個月就開始吾拖手又真係幾怪  其實我明你感受  最近呢排男朋友都愈黎愈少拖我同kiss我  我都有擔心過 ...

因為同一間公司所以我好肯定呢排佢工作壓力真係好大的⋯但有朋友都提到忙同攰唔係借口⋯
所以都係要開口問下至得
您需要登錄後才可以回帖 登錄 | 註冊

News
Feature
Blog
Load more
 
NOTIFICATION