{ FORUM - LOVE }
Search
Title / Tags Author

查看: 26809|回覆: 38

跟男友復合 但發現佢有鐘意的人

[複製鏈接]

註冊日期: 2019-8-2

發表於 2019-8-2 16:54 | 顯示全部樓層 |閱讀模式
同男朋友一齊左2年幾, 工作時認識的, 間中會上佢屋企瞓, 感情算穩定
一年前同佢鬧交, 因為我嬲佢我放假佢都唔陪我, 佢突然好決絕咁提分手, 就算我喊哂咁佢都堅持要分手
分手期間我都有約佢食飯, 幾個月打比佢一次update下近況
我真係好掛住佢, 期間都有message佢希望復合, 但佢都冇乜點理我
直至2-3個月前有晚我同朋友飲醉左, 打左幾次電話比佢, 最後佢出左黎接我
我話真係好想復合, 喊哂咁, 佢最後答應左復合

一齊番2個月, 我有時都會照上佢度瞓, 但感覺同以前唔同左
後尾我發現原來係我地分手期間, 佢鐘意左個女仔, 應該係好鐘意好鐘意佢
男友都追左佢一段時間, 但個女仔本身有男朋友, 無應承分手同佢一齊
但佢地有開始關係, 到依家都未斷
男友話對我唔係以前咁, 剩低責任, 但年紀都有番咁上下, 係時候諗結婚生仔
嗰個女仔又唔揀佢, 佢都要move on
佢對我都唔差

我應該點做好? 男友係咪真係好鐘意嗰個女仔? 佢心入面有冇我? 我地繼唔繼續行到落去?
回覆
+ Favorite

舉報

註冊日期: 2015-6-1

發表於 2019-8-2 17:16 來自手機 | 顯示全部樓層
你自己都講左出黎,對你係責任,你接唔接受到,佢同緊你一齊,但心裏面諗緊第2個?

註冊日期: 2019-8-2

發表於 2019-8-2 17:24 | 顯示全部樓層
責任問題通常都係男人啲藉口嚟 佢都講到明佢要MOve On 又話係時候結婚生仔 其實咁已經當你係生仔機器啦 到時照係岀面偷食 你諗清楚 人哋都唔係攞個心出嚟愛你啦已經 唔好自殘啊sis

註冊日期: 2019-8-2

發表於 2019-8-2 17:26 來自手機 | 顯示全部樓層
其實你好清晰應該要點做咖 只要你跟住你第一個諗法去做 就ok了

註冊日期: 2017-10-10

發表於 2019-8-2 17:43 | 顯示全部樓層
同你講唔應該繼續,你會唔繼續咩?
人呢⋯係要仆一鑊甘ge至會清醒⋯
老實講,你男友真係唔係咩好人⋯出面個女仔有男友都攪人,我諗你話佢地有關係,即係個女仔收埋你男友做sp啦?
攪到個關係咁複雜,你又要差返隻腳落去,四角關係⋯你覺得結得成婚咩?

註冊日期: 2016-5-9

發表於 2019-8-2 17:54 | 顯示全部樓層
分手啦, 個心都無你, 我無辦法接受到男友個心有第二個

註冊日期: 2019-7-15

發表於 2019-8-2 18:05 | 顯示全部樓層
唔好再作賤自己啦,時間會令你愛佢嘅強烈感覺會慢慢變成人生中既小小遺憾

註冊日期: 2019-8-2

 樓主| 發表於 2019-8-2 18:16 來自手機 | 顯示全部樓層
如果當初呢個女仔應承佢 就唔會應承同番我一齊?
咁個女仔唔應承佢 佢點解仲唔放棄
同番我一齊即係放棄咗?

註冊日期: 2017-10-10

發表於 2019-8-2 19:21 | 顯示全部樓層
我諗你要清晰一下自已先⋯
你諗返你愛一個人時會點對佢,你就會知如別人真心愛你係咩表現⋯

愛一個人係眼中只有佢,從一而終,認定佢就係唯一,有其他花草埋身都會表明自己已有伴侶,絕唔會同他人曖昧,在自己的未來計劃中有對方,甚至做一d 重大決定時會先諗對方及和對方的將來⋯

有時當局者迷,好多好基本的原則就會一時忘記,如你在局中,就更加要時刻跳出去回望段感情發生緊咩事,唔好虛度光陰,浪費時間在錯的人身上⋯

註冊日期: 2017-10-10

發表於 2019-8-2 19:30 | 顯示全部樓層
「如果當初呢個女仔應承佢 就唔會應承同番我一齊?」

當然啦,唔好忘記當初係佢借小事來飛你,當時佢的離心大到飛左你,再專心去溝女/搶人條女⋯
咁當然a)唔太愛你而決絕同你分手,同b)有另一女神先飛你再去追女神,兩者你都唔好太執著先後次序了,總之如對方係愛你,當初就唔會放棄你⋯
放棄得你一次,就一定會有第二次,你在佢心目中係次選,係大後備,唯一的優點係你愛佢,佢對你唔好你都痴埋去⋯

註冊日期: 2017-10-10

發表於 2019-8-2 19:41 | 顯示全部樓層
「咁個女仔唔應承佢 佢點解仲唔放棄
同番我一齊即係放棄左?」

因為人係犯賤ge, 條女唔同正印男友分手,但又同你男友有關係,我諗就算冇上床,都做晒普通情侶果d 拖錫攬ga la...
你男友可能係想搵機會成虛而入,但目前不得要領咁解啫⋯如條女某日同正印分左手,你估你男友會點? 咪又係好似當初分手咁,頭也不回咁踢開你⋯

同返你一起唔代表佢放棄左,佢可以做人第三者,keep 住攪人條女,又keep住你呢個大後備,等自己唔好咁寂莫,一旦條女結婚,佢都仲有你呢個死心塌地的水泡丫麻⋯

呢種人道德觀念咁低,就算唔係有果條女,日後都會有千千萬萬個女神⋯就算結到婚又點? 你唔會擔驚受怕佢幾時又愛上另一個女神咩?

佢愛唔愛你? 唔好意思,我覺得佢愛ge係自己⋯當你係後備/水泡⋯ 總之你就唔係佢女神啦⋯

註冊日期: 2017-10-10

發表於 2019-8-2 19:46 | 顯示全部樓層
我想你清醒,所以得罪都要講多句⋯
點解佢會接受返你?你以為佢係仲愛你呀? 人地係貪你就手炸⋯送上門唔係唔食下麻?

註冊日期: 2019-8-2

 樓主| 發表於 2019-8-2 20:57 來自手機 | 顯示全部樓層
其實個女仔都冇揀到佢 所以佢都選擇番同我一齊 係咪代表佢對我仲有感情.......

註冊日期: 2018-5-27

發表於 2019-8-2 21:28 來自手機 | 顯示全部樓層
treetreebb 發表於 2019-8-2 20:57
其實個女仔都冇揀到佢 所以佢都選擇番同我一齊 係咪代表佢對我仲有感情....... ...

你只是一個備胎
同埋男人很怕女人死纏爛打
有 d 但求就手既男人會選擇妥協
其他的 盡在不言中 我也不廢話了

註冊日期: 2019-8-2

 樓主| 發表於 2019-8-2 21:33 來自手機 | 顯示全部樓層
但佢依家對我唔差 打風會來接我收工 會陪我出席朋友聚會 訓覺山會攬住我訓 難道呢啲都唔係佢對我仲有感情的證據嗎

註冊日期: 2015-8-22

發表於 2019-8-2 21:38 | 顯示全部樓層
你係水泡

註冊日期: 2017-10-10

發表於 2019-8-2 22:33 | 顯示全部樓層
打左咁多野比你,你都係選擇性唔明⋯冇人會幫到你⋯叫不醒裝睡的人⋯

其實你覺得佢係對你有感情咪得lo, 仲洗咩開Po 問呢?

算啦,你呢類人都係唔到絕境你都唔清醒⋯等佢有下個女神,又再踢開你時,你再上來問啦下⋯隨時歡迎!

註冊日期: 2015-4-9

發表於 2019-8-2 22:39 | 顯示全部樓層
milktea913 發表於 2019-8-2 17:43
同你講唔應該繼續,你會唔繼續咩?
人呢⋯係要仆一鑊甘ge至會清醒⋯
老實講,你男友真係唔係咩好人⋯出面 ...

又要「黑心MODE」了嗎??
對其他人而言,或者係,不過都冇所謂,也不打算正名返用「殘酷真相」~~
如果真係咁介意人點睇,車車就真的不用出黎轆了

以樓主現時狀態,仆死都唔會醒的~~

至於點令佢仆少D甚至唔會仆,就算有咁既能力都唔想拎出來用

註冊日期: 2015-12-3

發表於 2019-8-3 01:08 | 顯示全部樓層
樓上既sis都講得咁白仲幫個賤男辯駁真係大家都冇乜好講 其實你心裡好清楚咁樣係唔啱的
裝睡的人叫唔醒 你要自尋煩惱通唔俾你咩????????‍♀️

註冊日期: 2015-11-5

發表於 2019-8-3 03:13 | 顯示全部樓層
得不到的永遠是最好
佢一日得唔到個女仔,個女仔喺佢心目中永遠係最好果個。
相反,你送上門,佢唔會覺得係執到寶,只會覺得係做善事。

您需要登錄後才可以回帖 登錄 | 註冊

News
Feature
Blog
Load more
 
NOTIFICATION