{ FORUM - LOVE }
Search
Title / Tags Author

查看: 37490|回覆: 79

男朋友好錫我,但又窮又不思進取,點算?

[複製鏈接]

註冊日期: 2018-11-12

發表於 2019-8-26 04:44 來自手機 | 顯示全部樓層 |閱讀模式
背景: 我29,大學畢業,有一份穩定的工作,有樓自住,月入40K左右
我男朋友 25,中學畢業,炒散,父母拿綜援住劏房,月入15K左右

我男朋友好錫我好就我,從來不會發我脾氣,佢好緊張我,出親街都會送我返屋企, 宜家時局咁亂,但佢幾夜都會送我回家 (我們之間車程要一個鐘),我病了佢會好細心照顧我,我唔開心佢一定飛撲過黎安慰我,幾夜我wtsapp佢佢都一定秒回,是個100分的好男友。

但問題是他真是好窮,我不是那種要男生送包包送名牌的女生,平日出街睇戲食飯的支出已經大部分是我付了,我知道佢家境唔好,所以也不介意,但當男朋友在特別日子(例如我生日),連吃一餐500蚊左右的晚飯都要儲好耐錢才能請你吃,想去鄰近的東南亞國家旅個行都無錢時,我真係好心灰!

佢一方面經常說覺得自己委屈了我,給不了我好的生活,但另一方面,佢從來不會去想想怎樣改變現況,放工回家日日就無所事事,不是聽歌就是睇電視或者等我電話,我有建議過他不如去讀下書或者學番一門手藝啦,但佢永遠都說“再睇下先啦” 然後就不了了之......

我有時都會諗,甘既男仔是否真的可以給我幸福? 但佢又真係對我好好,我都唔知可以點抉擇!

(請不要放上fb????)
回覆
+ Favorite

舉報

註冊日期: 2016-7-12

發表於 2019-8-26 09:26 | 顯示全部樓層
拍咗幾耐拖?當初點解會開始?

註冊日期: 2017-10-10

發表於 2019-8-26 10:58 | 顯示全部樓層
第一,當初揀個細4 歲的男仔,你諗唔到賺錢能力的差距?
第二,佢家境差,學歷唔好,你唔係一早知咩? 你人工係佢1倍有多,唔係應該預左你養佢咩?
第三,又話中意佢隨傳隨到,幾點都送你返屋企,幾夜搵佢都即覆你,咁佢唔係炒散咁清閒,佢又如何做到以上隨傳隨到呢?

有好多野都係相對ge, 有優點就會有相對ge缺點,咩可以享受到佢優點之餘,仲改造到佢成為心目中上進有錢的男人咩?

冇咩點算ga 其實,一係你搵過個,一係你疊埋心水養埋佢⋯

註冊日期: 2019-8-25

發表於 2019-8-26 11:07 | 顯示全部樓層
其實你一開始同佢一齊都知道佢經濟狀況,既然互相投入咗感情,佢又對你咁好,試下再傾下點幫到佢,或者一齊set個目標!
佢對你咁體貼,咁愛你真係好難得,個人認為總好過bf有錢,但唔夠愛自己

註冊日期: 2019-3-10

發表於 2019-8-26 11:51 | 顯示全部樓層
有得必有失,有失必有得。

註冊日期: 2014-10-22

發表於 2019-8-26 11:53 來自手機 | 顯示全部樓層
平日出街睇戲食飯的支出已經大部分是我付了,我知道佢家境唔好,所以也不介意,但當男朋友在特別日子(例如我生日),連吃一餐500蚊左右的晚飯都要儲好耐錢才能請你吃……………………
佢從來不會去想想怎樣改變現況,放工回家日日就無所事事,不是聽歌就是睇電視或者等我電話……………………

唔好玩啦,男朋友?擺明係PTBF啦!
如果去旅行係你出$,佢日日同你環遊世界都得!
你唔好諗禁多,佢塭到老細,你又揾到鮮肉,努力掙錢養佢啦!

註冊日期: 2015-4-9

發表於 2019-8-26 12:33 來自手機 | 顯示全部樓層
上進心終究都是收入多寡,明白晒!

註冊日期: 2010-12-5

發表於 2019-8-26 13:32 | 顯示全部樓層
月入15k雖然唔多, 但未至於窮到咁誇張掛.....

註冊日期: 2017-10-10

發表於 2019-8-26 14:28 | 顯示全部樓層
樓上sis,如佢形容

註冊日期: 2017-10-10

發表於 2019-8-26 14:30 | 顯示全部樓層
樓上sis,如樓主形容男友住劏房,父母拿綜援,我諗就算搵萬五,可能都好大部分做左家用。

註冊日期: 2018-11-12

 樓主| 發表於 2019-8-26 15:57 來自手機 | 顯示全部樓層
milktea913 發表於 2019-8-26 14:30
樓上sis,如樓主形容男友住劏房,父母拿綜援,我諗就算搵萬五,可能都好大部分做左家用。

Exactly!!

註冊日期: 2018-9-25

發表於 2019-8-26 16:52 來自手機 | 顯示全部樓層
你做人真係好唔知足

註冊日期: 2018-9-25

發表於 2019-8-26 16:53 來自手機 | 顯示全部樓層
如果樣樣都好,會唔會揀你……自己諗下

註冊日期: 2017-11-20

發表於 2019-8-26 17:00 | 顯示全部樓層
絕望男幾時出黎又一雞的證明

註冊日期: 2015-7-17

發表於 2019-8-26 17:32 | 顯示全部樓層
我同情樓主呀~完全明白, 講真個男唔係咁嘅條件又點做到隨傳隨到呀~如果條件差仲要大支嘢你一早都飛咗佢啦係咪~

先唔好講搵錢能力, 你同佢背景都差太遠, 學識見識都比佢廣, 大家都難搵共同話題, 佢雖然係好, 但滿足唔到你心靈, 唔係要搵個好有錢嘅人呀, 只想搵個同自己差唔多, 起碼溝通都同步到, 而且將來生活都唔會太擔心~

你趁仲係29歲, 我覺得算啦, 真係好難行落去, 佢對你好冇用架, 佢唔對你好點留住你呢? 而家係佢需要你多D, 放手, 我唔認為你港女, 你絕對值得更好, 再拖落去盞更唔捨得更殘忍, 而且你只會越來越嫌棄佢, 因為你會進步而佢只會停滯不前, 放手等大家搵個合適嘅人啦

註冊日期: 2017-10-10

發表於 2019-8-26 18:13 | 顯示全部樓層
其實我有朋友case同你好似,我朋友教書,當時男友因ive都畢唔到業所以半工讀炒住散先,當初又係同我呻個男仔出街樣樣計住,想食好d 都唔得,同埋大部分佢比錢⋯
到個男仔畢到業,又去搵埋d hea工,我朋友叫佢考紀律部隊(非警察),佢又懶練體能⋯就好似樓主男友咁,唔覺得要搵份穩定工作,閒時打下機仲開心⋯

拍左2-3 年我朋友想結婚,但個男人戶口得4 位數,我朋友開始迫佢儲錢,每個月儲,但其實儲左係唔會拿佢來用,因為結婚擺酒筆錢我朋友係打算自已出晒,住屋方面又係住佢物業⋯
基本上個男人係咩錢都唔洗出,但都算聽話叫佢儲錢就儲,婚後叫佢轉工都肯轉⋯
宜家依然係女搵得多過男,家庭開支都係我朋友出多⋯

其實好睇樓主過唔過到自已果關,我朋友就過到,都咁多年習慣左自已搵錢比埋個男人享用⋯而當年係女人都覺得好重要的求婚戒指,我朋友都完全唔洗個男人買⋯佢都係開心相處,組織家庭,其實係睇你用咩心態去面對啫⋯

註冊日期: 2018-11-12

 樓主| 發表於 2019-8-26 18:57 來自手機 | 顯示全部樓層
milktea913 發表於 2019-8-26 18:13
其實我有朋友case同你好似,我朋友教書,當時男友因ive都畢唔到業所以半工讀炒住散先,當初又係同我呻個男仔出街樣樣計住,想食好d 都唔得,同埋大部分佢比錢⋯
到個男仔畢到業,又去搵埋d hea工,我朋友叫佢考紀律部隊(非警察),佢又懶練體能⋯就好似樓主男友咁,唔覺得要搵份穩定工作,閒時打下機仲開心⋯

拍左2-3 年我朋友想結婚,但個男人戶口得4 位數,我朋友開始迫佢儲錢,每個月儲,但其實儲左係唔會拿佢來用,因為結婚擺酒筆錢我朋友係打算自已出晒,住屋方面又係住佢物業⋯
基本上個男人係咩錢都唔洗出,但都算聽話叫佢儲錢就儲,婚後叫佢轉工都肯轉⋯
宜家依然係女搵得多過男,家庭開支都係我朋友出多⋯

其實好睇樓主過唔過到自已果關,我朋友就過到,都咁多年習慣左自已搵錢比埋個男人享用⋯而當年係女人都覺得好重要的求婚戒指,我朋友都完全唔洗個男人買⋯佢都係開心相處,組織家庭,其實係睇你用咩心態去面對啫⋯

你朋友厲害! 我自問做唔到! 如果結婚擺酒都全是我出錢,那麼是我嫁他還是他入贅?
我唔係要佢養我,但都無理由要我養番佢,將來還可能要養埋佢屋企人! 這不是我夠唔夠愛佢的問題,是我過不了心理關口
Anyway, 謝謝你的個案分享,我諗我知應該點做

註冊日期: 2018-11-12

 樓主| 發表於 2019-8-26 18:59 來自手機 | 顯示全部樓層
Cat lady 發表於 2019-8-26 17:32
我同情樓主呀~完全明白, 講真個男唔係咁嘅條件又點做到隨傳隨到呀~如果條件差仲要大支嘢你一早都飛咗佢啦係咪~

先唔好講搵錢能力, 你同佢背景都差太遠, 學識見識都比佢廣, 大家都難搵共同話題, 佢雖然係好, 但滿足唔到你心靈, 唔係要搵個好有錢嘅人呀, 只想搵個同自己差唔多, 起碼溝通都同步到, 而且將來生活都唔會太擔心~

你趁仲係29歲, 我覺得算啦, 真係好難行落去, 佢對你好冇用架, 佢唔對你好點留住你呢? 而家係佢需要你多D, 放手, 我唔認為你港女, 你絕對值得更好, 再拖落去盞更唔捨得更殘忍, 而且你只會越來越嫌棄佢, 因為你會進步而佢只會停滯不前, 放手等大家搵個合適嘅人啦

你真係完全講中晒我心聲......
謝謝你

註冊日期: 2016-7-12

發表於 2019-8-26 19:22 | 顯示全部樓層
本帖最後由 YYYYU 於 2019-8-26 19:25 編輯

樓主,個男仔的學識/背景/工作呢D嘢,你唔係了解咗先開始拍拖嘅咩?依家先話 只想搵個同自己差唔多, 起碼溝通都同步到?你個人都好自相矛盾喎。

你既然依家意識到自己接受唔到,就唔好浪費大家時間,搵下個對象時要諗清楚了,唔好又開始咗拍拖,先响到怨一D一早已經知道嘅嘢。

註冊日期: 2017-10-10

發表於 2019-8-26 19:39 | 顯示全部樓層
其實拍左幾耐? 當初係點識? 照計差距咁大,冇可能在朋友圈子識到⋯
您需要登錄後才可以回帖 登錄 | 註冊

News
Feature
Blog
Load more
 
NOTIFICATION