{ FORUM - LOVE }
Search
Title / Tags Author

查看: 5624|回覆: 49

坦誠與出軌 (長文)

[複製鏈接]

註冊日期: 2019-8-27

發表於 2019-8-27 14:55 | 顯示全部樓層 |閱讀模式
希望BE唔好share係facebook-感激。
-
-
-

我27同男朋友29 (下稱A)一齊咗十個月左右,
我同佢喺兩年前朋友既婚禮做兄弟姊妹認識。
婚禮當時有傾過幾句,但ig無特別交換。
(當時大家都有另一半,婚禮之後無再聯絡。)

後來我同前男友分開,
有時ig打既野會比較情緒化少少。
當時其中一個兄弟係有follow我ig,
佢有DM我安慰過我,傾咗幾句之後,
大家諗住約返班兄弟姊妹出黎食飯,
就開咗個wtsapp group,
但因為時間難就關係最後無食到飯...

有次,A私下whatsapp我,
初初係傾下無聊野,都係開解下佢份工。
我對A係得閒就應,而A反而每日都主動whatsapp我,什至秒回...
咁我問返當時結婚果兩公婆,問A係咪單身?
原因我係對話之中覺得A感覺都好正氣,
收入穩定,講野都規規矩矩...

朋友兩公婆就話A本身有個女朋友,
但分咗手好似...
咁我追問返A,
A話本身有個拍咗好多年拖既女朋友,
但唔知會唔會再一齊返,
只係話佢地個階段係影咗pre-wedding但發生咗啲事所以分開咗...
之後我亦無再追問落去。

傾咗一段時間,我同A有單獨出握食飯,
亦有見過佢啲朋友,個個都有穩定女朋友。
我地一個星期都見到2-3次,
扣埋佢返工休息時間,
基本上佢whatsapp都依然係秒回我,
有時whatsapp都會傾到凌晨...

兩個月之後,我地一齊咗。

但唔夠一個星期,佢ex係ig DM我,
話我搶咗人地男朋友,
話我明知人地有女朋友都要撩人地。
然後我screen cap比A睇,我問A我係咪第三者,
佢話我唔係,話佢地本身關係已經有問題,
咁岩我既出現令到我背上咗呢個罪名...
當時結婚果位女仔朋友都比人鬧埋一份,
話佢做媒。

我當時係覺得好無奈,
因為我當時有勸A話,
如果真係愛就好好追返人。
只係我以為A咁多時間陪到我係因為佢同佢果位前度已經無彎轉...
同時,我都好驚他朝君體也相同,
因為唔知邊個講緊大話。
而我果位女性朋友亦安慰我話: 既然佢揀咗你,你就相信佢喇...

因為呢件事,A對我好似突然冷淡咗,
我有諗過佢係咪唔識面對我...
同時,我發現佢ig 互相follow咗啲唔應該出現係佢身邊既異性,
基本上佢身邊係極少異性,不論返工既同事抑或係朋友圈子。
咁我就dl tinder,開咗個假ac嘗試消除自己既疑慮。
結果,搵到A。

我問A,佢話以前玩過但del咗好耐。
我只好一邊叫佢remove哂啲人無謂人,令我安心。
同一時間我係tinder淨係like咗佢,然後較咗當有新msg先響。
第二日,個app響咗,我收到既msg係 "would you like to be sp?"
當時我手都震哂,但我真係好想確定我無屈錯人,
我tinder叫佢比ig我望下個樣,結果係A個ig。
我當時無add佢ig亦無交換電話/wechat,繼續係tinder同佢傾。
只係我無諗過我係tinder叫佢而家出黎飲野,佢覆完我「好」,
轉個頭竟然同whatsapp既我講「返工好攰,今晚我想早啲訓」
我好嬲但我知我要真相就要冷靜,所以我覆佢:「好喇,早啲抖! 我都訓」

當晚最後係:
我同A係對視咗,而我無講過半句就轉身離開咗。
佢whatsapp同我解釋,話當初係佢ex出軌在先,佢出於報復心...
而我,唔想再相信自己直覺。

隔咗一個星期都無,佢whatsapp我想我原諒佢,
可能一齊時間好短,對佢無愛,我好似之前咁好冷淡覆佢...
然後呢,我睇過佢同佢ex分手之前既對話,的確女方出軌在先。
我心軟想比機會佢,但大前提要開Find my friends比我,佢commit咗。

半年之後(5月中),我地嘗試同居。
去到最近發生咗件事,我對佢無哂希望...

6月尾,佢同我講話返工撞到污糟野,
然後話佢話屋企人會重新拜神,我地會重新擇日子(大概一個整月)返去訓。
可能我屋企本身都有拜開神既關係,我相信佢。

呢段時間,我同佢都有見面,收工會一齊食飯,whatsapp都係無間斷。
只係有日,我發現佢修咗條眉,令我起咗疑心。
(無話男人唔修得眉,只係我曾經幫佢修過,佢係答我: 唔好搞我條眉,我條眉用黎擋剎。)
我什至講笑話: 「邊個女人幫你修眉啊? 你條頸有達紅色野既?」
佢好大反應,話 「修條眉都要比你質疑?」

之後我慢慢觀察,發現佢無剪手指甲,
我係覺得一個連手指甲都懶得去剪既人,
點會自己去修眉? 點會突然姿整? 仲要一直以黎都無呢個習慣
我愈諗愈奇怪,結果我偷偷地返去我同佢既屋企,
發現: 有枝用過既牙刷,
一包開咗但唔屬於我既M巾,
洗衣機開機洗過衫但唯獨我既衫無晾...
我追問,佢既回答係咁:
「我真係無返黎過夜,牙刷係有晚有班朋友打邊爐,其中一個朋友問我拎,
m巾係我啊妹,其實我屋企人都有鎖匙架,洗唔洗問我屋企人幾時返過黎?」

之後我用咗一個星期說服自己,
因為我眼見find my friends佢一直係自己屋企,
再者佢同佢朋友對話,佢同佢妹既通話記錄...

我一直都好想知,佢到幾時返過黎。
我摷哂成間屋睇下仲有無線索,
結果我搵到有張凍肉店收據,
我問佢「你同邊個打邊爐,點解我唔知你果日返過黎? 」
佢比咗張合照我睇,係攝於同日,
佢同佢班同事打邊爐,
然後補多句「我只係想要返少少私人空間...」

(之前,曾經因為佢同啲朋友飲酒飲到顛,
醉到要將第二日安排好既節目都要取消。)

其實我諗緊都唔明,點解咁都要講大話。
然後,我check佢張八達通出入紀錄,
係幾乎成個月都有返過去。
但我知,唔代表啲咩...
上星期,我係佢個backpack暗隔搵到一塊黑色硬膠板,
硬膠板後面收埋咗一部ipad同一部舊電話。
當面對質,係話部電話用黎放wifi好耐都無用,而ipad係用黎打機用。

呢段時間,我同身邊既朋友都有傾過呢件事,
有啲人覺得我太多疑,有啲人話無可能咁多巧合,
亦有啲人同我講「十個男人九個滾」。

如果撇除呢件事,我同A相處係幾輕鬆,
初初之所以會選擇佢,
係因為佢可以令我成日開懷大笑,
佢係會肯去遷就,會抽時間陪我,
係果種一切簡單,細水流長既感覺。

去到呢件事發生,我對佢已經無咗信任,
佢承認當初既事令我地信任基礎打得唔穩,
令到今次既考驗好大。
我好想放棄,而佢好想重新開始。
因為好似多證據擺在眼前...

其實有無出軌,得佢先知。
只係坦誠唔到,好難再相信落去。
回覆
+ Favorite

舉報

註冊日期: 2017-10-10

發表於 2019-8-27 15:15 | 顯示全部樓層
長到⋯⋯好似打左你一生經歷咁⋯睇到知有冇1/3, 你捉到佢約sp,仲要兜口兜面當晚試到⋯你都仲要同居?

註冊日期: 2018-5-27

發表於 2019-8-27 15:17 來自手機 | 顯示全部樓層
先讚下樓主能控制自己情緒
也能理性去睇清一個人
但坦白講  
由你去做一些行為 check 呢個人時
你對佢已經由心底裡失去信任
咁樣既關係
已經失去左感情既初衷同意義了

註冊日期: 2014-11-2

發表於 2019-8-27 15:21 | 顯示全部樓層
我睇曬,我明白你心情,都明白你而家好無助....你可以PM WhatsApp我 我都有啲辦法hack 電話(可能你已經試過) 不過多一個人同你一齊傾 我覺得會好d

註冊日期: 2017-10-10

發表於 2019-8-27 15:25 | 顯示全部樓層
睇晒,其實你都做左好多野去check 佢⋯睇見都辛苦⋯

佢又對前女友出軌,未完關係就同你拍拖,又隨時出去搵sp, 尤其佢對前女友出軌,咩關邊個先後事ga 咩? 就算報復,都要佢個人道德底線有問題至做得出⋯你咁都揀?
對你又咁多大話,唔只係個頭開得唔好,跟本係佢成個人都差⋯咩十個男人九個滾啫?佢滾還佢滾,唔好講到全世界都冇道德一樣⋯

註冊日期: 2018-2-9

發表於 2019-8-27 15:27 | 顯示全部樓層
女人直覺佢有出軌

註冊日期: 2017-10-10

發表於 2019-8-27 15:32 | 顯示全部樓層
單係你check 佢手機location 在佢父母家,但8 達通record 係返去同居間屋,就擺明係駛開你一個月,同第二條女晚晚訓啦,唔好話我話丫,分分鐘係佢ex, 即係婚紗相都影埋果個,知佢同你同居緊,但想搶返個未婚夫⋯
其實兩個女人爭咩啫,跟本就係個爛橙,送都唔要啦⋯

註冊日期: 2017-10-10

發表於 2019-8-27 15:34 | 顯示全部樓層
唔洗直覺,樓主果d 證據都好明顯,d 朋友仲話你多疑⋯其實係咪真朋友?

註冊日期: 2016-7-12

發表於 2019-8-27 15:43 | 顯示全部樓層
同你一齊都仲玩app搵SP,只係呢樣已經要分手啦。

註冊日期: 2017-10-10

發表於 2019-8-27 15:50 | 顯示全部樓層
丫,剛剛諗到一樣野,佢同佢妹通話紀錄⋯個名set 係佢妹啫,我夠可以set 屋企電話做美國太空總署啦!

註冊日期: 2016-5-9

發表於 2019-8-27 16:55 | 顯示全部樓層
好哋哋佢屋企人輪住上去你哋屋企做咩? 當係party room呀? 好明顯就講大話, 同埋有sis講得啱, location喺佢父母屋企,但八達通record係返去你哋間屋, 已經知有鬼啦, 你男友無講錯呀, 佢真係撞到污糟嘢呀

根本你踢穿佢搵sp嗰時大家感情唔深就好應該止蝕離場啦

註冊日期: 2019-7-16

發表於 2019-8-27 17:23 | 顯示全部樓層
狗公 散得

註冊日期: 2016-10-5

發表於 2019-8-27 17:49 | 顯示全部樓層
呢D男人你仲信佢, 一次又一次傷害你

註冊日期: 2019-7-16

發表於 2019-8-27 18:27 | 顯示全部樓層
其實A 應該都係成日9痕 所以散得

註冊日期: 2019-8-27

 樓主| 發表於 2019-8-27 20:49 | 顯示全部樓層
milktea913 發表於 2019-8-27 03:15
長到⋯⋯好似打左你一生經歷咁⋯睇到知有冇1/3, 你捉到佢約sp,仲要兜口兜面當晚試到⋯你都仲要同居?

唔好意思,故仔有啲長,
純粹想交帶清楚個前因後果。

註冊日期: 2019-8-27

 樓主| 發表於 2019-8-27 20:53 | 顯示全部樓層
忘記 發表於 2019-8-27 03:17
先讚下樓主能控制自己情緒
也能理性去睇清一個人
但坦白講  
由你去做一些行為 check 呢個人時
你對佢已經由心底裡失去信任
咁樣既關係
已經失去左感情既初衷同意義了

或者之前既事,本身對佢既信任都唔夠。
而今次一次又一次既蛛絲螞跡,
一次又一次既失望,足夠令我心死。

註冊日期: 2014-10-22

發表於 2019-8-27 21:37 來自手機 | 顯示全部樓層
其實你寫咁多野,好簡單~佢想享齊人之福……你係第三者,雖然喺哩不知情嘅情況之下發生,但你都係第三者……嗰男人好賤格……唔要得……你將來會遇上第四者第五者…………你只不過係其中一個成員…………

註冊日期: 2019-1-20

發表於 2019-8-27 21:37 | 顯示全部樓層
算數啦 你心都知答應 就放手

註冊日期: 2016-7-12

發表於 2019-8-27 21:41 | 顯示全部樓層
miss_sad 發表於 2019-8-27 20:53
或者之前既事,本身對佢既信任都唔夠。
而今次一次又一次既蛛絲螞跡,
一次又一次既失望,足夠令我心死。 ...

心死係好事,好過繼續拖落去。

註冊日期: 2019-8-27

 樓主| 發表於 2019-8-27 21:59 | 顯示全部樓層
milktea913 發表於 2019-8-27 03:25
先讚下樓主能控制自己情緒
也能理性去睇清一個人
但坦白講  
由你去做一些行為 check 呢個人時
你對佢已經由心底裡失去信任
咁樣既關係
已經失去左感情既初衷同意義了

其實我覺得好攰
拍拖原意應該係開心
要拍到個人咁多疑 擔驚受怕
什至要去搵證據去證明自己無錯
覺得好辛苦 亦同本質好大出入

本以為佢簡單 但原來最複雜既係佢...

因為佢最後仲叫我搵證據
而我都唔知牙刷m巾算係咩
屈返我轉頭
您需要登錄後才可以回帖 登錄 | 註冊

News
Feature
Blog
Load more
 
NOTIFICATION