{ FORUM - LOVE }
Search
Title / Tags Author

查看: 2751|回覆: 13

男友唔記得自己生日連生日快樂都冇句...好唔開心!

[複製鏈接]

註冊日期: 2019-9-19

發表於 2019-10-22 03:15 | 顯示全部樓層 |閱讀模式
我今年30,佢細我兩年28,一齊住,同佢拍左拖差唔多兩年,可謂因了解而分開,每年生日前一個月都係我提佢話我生日想book呢間餐廳慶祝,其實我唔介意自己book餐廳同自己慶祝生日,但男友連前一個月都唔會問我一句想食咩啊揀左咩餐廳啊咁,諗住佢下年會有轉變,每年都係差唔多到我生日諗住佢會開口,但始終都係咁,所以我作為女友知會性格都會提佢,而佢淨係會負責賣單唔會有生日禮物同生日蛋糕,但佢平時係對我唔錯所以都ok,但每年都冇同我講生日快樂,如事者我生日已經過左3日其實扮作冇事但真係好唔開心忍唔住同佢講自己唔開心,宜佢都係嬉皮笑臉講左對唔住同埋應承每年都會記得講,但我心諗我講到出口好似每年都逼佢講,有咩意思?好似連句生日快樂都係要乞求返嚟,仲要同我講自己唔介意自己生日,問我點解咁介意?問我想佢點?話已經咩都順哂我,我話去邊就去邊,我答佢你估我想連自己人生日book餐廳?我就係知你性格係咁,所以我自己book,邊個女仔唔想有驚喜?佢話等時有錢日日都係生日?我一聽完仲心up,我係咁膚淺既人咩?我係想個男友重視我,咁樣咁唔重視我一齊嚟有咩意思!

然後就第二日就出發旅行之前一早買哂機票,前一晚突然同我講唔去叫我自己一個人去,我咪答佢我自己一個我咪一個去囉,個旅行我book左間餐廳食飯,我同佢講呢餐我既,其實係俾機會佢同我補祝生日,但佢話冇喇喇話唔去,我其實已經好嬲,隔3分鐘後同我講講笑,我問佢做咩拎嚟講笑,仲話講笑咪講笑,講笑同認真都唔識分,但我聽完仲嬲,所以有爭執,而佢冇喇喇講五字真言加臭x,我好討厭人講臭x,佢自己都知,事後問返佢點解話佢係鬧個衣櫃唔係鬧我,但我話個衣櫃都冇生殖器官好明顯係話我,同埋佢平時都冇聽過佢講呢句粗口,自己覺得好無辱,當時問佢可以咁對女朋友既咩,佢答我你宜家唔係我女朋友,我話唔係女朋友都唔係咁話人嘛,佢氣沖沖就出左門口,我係門口問過佢有冇得傾?佢話冇係我逼成佢咁!我心諗自己唔開心同你傾,我又有錯?
因為就嚟上機加我自己住酒店怕黑的關係我都wts問佢會唔會上機?問佢需唔需要等佢冷靜完幫佢改機票遲d嚟?打左3通電話冇聽,佢冇即時覆我,到第二日我臨上機傳來wts話唔洗同埋話我地玩完,我當然食緊麵流左幾滴眼淚後冇覆佢,因為已經唔想覆,到達後第二日問我機票可唔可以改,我答佢可以不過要補錢,佢話想聽日嚟見我,我心諗你要嚟自己買過張機票啦,仲要我幫你買?我當刻覆佢我地已經分開左,我唔會怪會唔嚟,叫佢唔洗嚟啦!我問佢其實你唔識自己買張機票?佢話自己份人係咁,已經問左我洗唔洗嚟係我話唔洗!聽完真係好嬲唔想同佢講野,我話我好唔開心...佢答我同我拍拖攰,我都答佢我好攰唔想好似湊仔咁同意分手!

但同佢傾下以前既佢唔係咁應兩句之後話要去瞓覺,話我成日唔適當既時候講d唔適當既野,本身都想追返我但宜家一d都唔想,話自己好多野煩,我心諗當我第一次拍拖咩,有心對你既男人會係咁既咩,唔愛你就N咁多個藉口,個女人仲肯同你講野即刻仲未討厭到唔想見你,以前追我隨傳隨到,成日聽我講心事,有咩事即刻覆同出現,如果唔係我真係接受唔到姊弟戀,宜家心情係真係想呻下,突然分手有d唔慣,但我自己都想分,但又好似有d唔開心冇想像中咁平靜,點樣先可能快d回復?
回覆
+ Favorite

舉報

註冊日期: 2009-8-20

發表於 2019-10-24 09:37 | 顯示全部樓層
搵啲興趣班讀下,甚至返多份part-time都得,塞滿晒啲時間就自然好快唔記得~(順便識多啲朋友)

不過我實在不能認同你果種接近「跪低」嘅拍拖方式,例如佢講粗口,大家嗌交,佢要走咪由佢,做咩仲喺門口問佢有無得傾姐?

上飛機又係,佢話唔去你咪直接決定自己一個想唔想去,做咩上機前又走去問佢姐?做到好似你求佢咁⋯

你唔止個心放唔低,連行動都拖拖拉拉;點解會繼續去旅行,唔係因為怕浪費錢,係因為你根本心存僥倖,諗緊「可能佢會肯黎呢」⋯⋯我相信即使你而家叫佢唔好黎,你個心都仲盼望緊佢過黎,只要佢過黎,你又會同返佢一齊!

以我睇,佢根本愛自己,並唔係愛你!否則點會記一日生日都記唔住?!生日咋喎,一日咋喎!(又唔係啲咩拍拖紀念日)唔慶祝都至少識講句生日快樂掛⋯

淨係生日呢一點,加上你平時咁拖拉嘅個性,我相信你所謂「佢平時對你唔錯」,應該同普通朋友差不多⋯或者,連佢啲普通朋友都不如,因為佢可能仲會同朋友講生日快樂~

將自己個身位放高啲啦!要求放高啲啦!一個連生日都唔記得嘅男人,要黎把鬼呀?未上床未追到就梗係乜都氹你架啦!成日記住呢啲時刻係無用!到佢追到喇上左床你都唔好俾佢咁hea你!要佢知道唔做啲野氹你就無下次,咁佢先會做野架嘛!

呢個男人無得救架喇,你開錯左個頭,將自己放得太低,你預左佢以後都係唔放你上心;想有男朋友錫就搵過個啦!下一個就唔好太依賴喇,要獨立啲,俾佢覺得係佢無左你唔得,而唔係你無左佢唔得,咁佢自然會對你好!

註冊日期: 2015-4-28

發表於 2019-10-24 12:57 來自手機 | 顯示全部樓層
可能我好衰,但我真係真心恭喜你,你可以搵個更加錫你嘅男人。你個ex唔好講愛唔愛你(我睇完你講嘅我唔覺佢愛你)佢連做人要有嘅專重都無。佢鍾意做咩就做咩,完全無諗人感受,講句對唔住都要笑笑口講。你個ex就係個自私,小氣,唔衰得嘅人......你嘅決定好正確,加油呀,難過的都會過

註冊日期: 2017-10-10

發表於 2019-10-24 16:15 | 顯示全部樓層
我都恭喜你甩左個軟皮蛇,以後唔洗幫人教仔及湊仔⋯
其實生日冇禮物唔緊要,唔識book 餐廳慶祝都可原諒,但年年都冇講生日快樂就極品d...一句生日快樂,第一唔洗錢,第二唔洗心力去講,點解會年年都唔講? 即係佢冇心lo, 唔記得講⋯拍左兩年都冇心,第時佢發左達9 成都唔會有心⋯
連去旅行都話唔去就唔去(佢有冇比返錢你呀?),幼稚到講出來都尷尬⋯28 歲仔仲細咩? 大把人婚都結埋,仔都生左個⋯

雖然我同意男人係幾多歲都會幼稚,但在一d 關鍵位,例如比晒錢去旅行,好心咪玩啦⋯得罪講句on99 咁⋯
勸樓主唔好食回頭草,你前男友真心on9, 唔係扮!

註冊日期: 2018-2-10

發表於 2019-10-24 16:20 來自手機 | 顯示全部樓層
樓主吾洗吾開心,一段關係不論是因為嘈交而衝口而出用粗口去對話,這是人品同尊重問題,其他野可以遷就同容忍,但對於我我自己不能接受另一半這樣,你會有一個愛你懂想感受既人出現,加油呀!

註冊日期: 2019-6-11

發表於 2019-10-25 09:52 | 顯示全部樓層
分左仲好啦,佢都唔愛你,愛不是咁的

註冊日期: 2016-11-13

發表於 2019-10-25 13:55 | 顯示全部樓層
我男友同你前度好相似,我都keep住經歷佢唔上心,對我冷漠,對我可有可無咁既日子足7年,我都認為佢私下對私唔錯但實情明眼人都睇到,樓上巴打講得岩,佢最愛自己,唔會理人地感受,而我同你就只會遷就到一個點就唔會頂得順,雖然得到依家都仲同緊佢一齊,但其實會委屈,因為大家年紀唔細我仲抱有佢會改變既心態繼續一齊

註冊日期: 2019-9-16

發表於 2019-10-25 17:13 | 顯示全部樓層
呢種男人唔要都把  樓主正常樣 就大把人要啦

註冊日期: 2019-5-20

發表於 2019-10-25 18:40 | 顯示全部樓層
佢係對你可有可冇果款

註冊日期: 2019-9-19

 樓主| 發表於 2019-11-2 17:21 | 顯示全部樓層
睇哂你地d留言,覺得你地講得岩,我都覺得佢愛自己多過愛我,以前為左追我百搬遷就同關心,宜家病既時候都會講你成日都病架啦!

我都唔知點解臨上機會打俾佢,可能真係本身plan好哂旅行買哂機票唔想浪費,點知變嚟佢仲高高在上,隔左一日佢問我可唔可以改機票嚟,我答左佢同意佢分手了,自己喊左幾日,睇完你地恭喜我,我自己更明確要向前行,宜家開始習慣了,多謝你地!

註冊日期: 2017-1-14

發表於 2019-11-3 11:06 | 顯示全部樓層
我平時好少回po,但睇完都即刻想講句恭喜樓主甩難!

其實連一句生日快樂都唔講,而你已經出到聲都仲係嬉皮笑臉咁,咁既男人本身態度已經好有問題。

加上你話佢鬧完你又唔認,講完唔去旅行轉個頭又話去既情況,睇得到佢真係幼稚到極點⋯連分手都唔可以好好講既人,將來有大事又點處理到?

如果想早日放低,其實可以好似樓上咁講,去上下興趣班、識下新朋友、諗唔通時搵朋友呻下,好快好返架喇!加油呀!

註冊日期: 2018-8-8

發表於 2019-11-4 13:37 來自手機 | 顯示全部樓層
joeywanwan2004 發表於 2019-11-2 17:21
睇哂你地d留言,覺得你地講得岩,我都覺得佢愛自己多過愛我,以前為左追我百搬遷就同關心,宜家病既時候都會講你成日都病架啦!

我都唔知點解臨上機會打俾佢,可能真係本身plan好哂旅行買哂機票唔想浪費,點知變嚟佢仲高高在上,隔左一日佢問我可唔可以改機票嚟,我答左佢同意佢分手了,自己喊左幾日,睇完你地恭喜我,我自己更明確要向前行,宜家開始習慣了,多謝你地!

為一個唔愛你的人喊唔值得
雖然分手過程好辛苦
但過了一段日子就會慢慢習慣
好多人都會有失戀經歷
希望你好好地愛自己活下去

註冊日期: 2016-10-5

發表於 2019-11-5 12:13 | 顯示全部樓層
你太就佢,搞到佢唔識珍惜!! 你生日都咁冇心,係我一早嬲左

註冊日期: 2016-7-12

發表於 2019-11-5 12:24 | 顯示全部樓層
真心恭喜樓主,呢個男人要唻都冇用。
愛一個上一課,你要响呢一課學識嘅係,唔好委屈自己有怨氣地做D自己唔係心甘情願做嘅事(e.g. book餐廳同自己慶祝生日),你扮無事,對方只會take it for granted而唔會改。
您需要登錄後才可以回帖 登錄 | 註冊

News
Feature
Blog
Load more
 
NOTIFICATION