{ FORUM - LOVE }
Search
Title / Tags Author

查看: 5636|回覆: 11

夢想與愛情,會點揀?

[複製鏈接]

註冊日期: 2013-11-8

發表於 2019-10-22 23:24 來自手機 | 顯示全部樓層 |閱讀模式
想請教下大家

早幾日收到Paris 果邊嘅1個offer,個offer係我1年前apply去Paris 其中一間公司(其實我已經唔記得咗),問我仲有冇興趣去果邊做嘢,簽約2-3年,apply時我同男友分開咗,唔開心先打算遠走,依家已經同男友喺返一齊,long d半年,雖然係long d,但男友2-3星期會飛過嚟見面,每晚都會face time,所以都可以成日見,但如果去Paris嘅話,半年都唔知有冇機會見1次,仲有時差問題,夾face time 嘅時間都好難

1. 去Paris - 人工少依家一半有多,一萬頭,預咗去做阿四,但可以去見識下,係做我呢行嘅人 嘅夢想

2. 留日本 - 保持現狀,加埋海外津貼人工2萬尾,無咩朋友又無娛樂,可以儲到好多錢

3. 返香港 - 原本打算下年回流,人工2萬頭,份工係有機會去Paris出trip

另外有件事要考慮嘅,8月時男友個妹問我打算幾時結婚,因為長輩唔想佢爬我哋頭,我話未有打算,佢同我講我哋2年前嘅酒席已到期,男友唔想撻訂,最後係加大個訂金延期,男友無提過我都無問,但如果我去Paris有可能又會撻訂

唔去Paris覺得有d可惜,但去又覺得自己有d自私,你哋會考慮d咩因數呢?
回覆
+ Favorite

舉報

註冊日期: 2015-4-9

發表於 2019-10-23 10:57 來自手機 | 顯示全部樓層
其實你揀左第三樣了
那是$$

註冊日期: 2016-7-12

發表於 2019-10-23 12:22 | 顯示全部樓層
同你男朋友商量下先。

註冊日期: 2017-10-10

發表於 2019-10-23 14:42 | 顯示全部樓層
我比較小女人,揀3 返香港,計劃結婚⋯
雖然你冇話日本份工做左幾耐,但我諗都起碼一年? 個人覺得在日本都算見識夠,cv又有野寫,所以在日本算足夠⋯
其次去巴黎的確會影響關係,雖然一直見你話男友好好,但我個人係絕對唔會考驗自己段感情,所以一有大影響的我都唔會選擇⋯

最後,如你兩年前都決定嫁佢,見你講過因一d 誤會而分手,咁到呢刻誤會都解決左,雖然我唔會理酒席過期問題,都唔會理姑仔怨我攪到佢冇得爬頭的問題,但我會選擇快快成家同自已愛的人組織家庭⋯
而且香港份工都有前景,可以出trip 巴黎⋯

我會覺得對自己人生拿個平衡重要d,任何偏向一方我都會怕失去另一d 重要野,所以中庸就係最好⋯

以上純個人代入意見。

註冊日期: 2013-11-8

 樓主| 發表於 2019-10-23 22:45 來自手機 | 顯示全部樓層
milktea913 發表於 2019-10-23 14:42
我比較小女人,揀3 返香港,計劃結婚⋯
雖然你冇話日本份工做左幾耐,但我諗都起碼一年? 個人覺得在日本都 ...

好多謝你嘅意見

我自己都唔想影響到段感情,所以先15 16,我都明白係需要取捨,人工唔係我考慮範圍,我想揀份鍾意嘅工作,又可以維持段感情嘅方案,暫時唔可以同男友商量,又怕自己做錯決定,先上嚟傾下

你嘅選擇同我幾個fd 一樣,都係叫我返香港結婚,之前無諗,依家會諗諗佢...

註冊日期: 2016-7-12

發表於 2019-10-23 23:57 | 顯示全部樓層
其實單憑你講幾句,真係好難明白去Paris有幾咁係你嘅夢想,你講到只係因為當時同男朋友唔開心先apply,又話其實已經唔記得咗,咁呢個option有幾係你嘅夢想呢?

註冊日期: 2009-8-20

發表於 2019-10-24 10:13 | 顯示全部樓層
直接問男友結婚打算,既然件事都關乎佢個妹,你直接問根本無問題,唔會話咩「迫婚」~咁你再諗下一步都唔遲~
男友話無打算咁快結,我係你就會叫佢自己同個妹交代,同佢屋企人自己傾(而家係佢屋企人唔想個妹爬頭,咪叫佢地自己一家人傾掂佢)~之後你咪諗自己條路想點行~我自己就肯定會去paris嘅,唔襯後生去,唔通仔都生埋先去呀?
如果男友話會好快結,咁我相信你一定係揀回流返香港~

註冊日期: 2017-10-10

發表於 2019-10-24 12:11 | 顯示全部樓層
我中學時有個師姐被星探發現叫佢會考完入娛樂圈,之後佢真係紅過下,但宜家在大陸搵真銀,我記得佢話間公司d 人同佢講,書就幾時都可以讀,但機會就唔係時時有,公司就係要搵你呢個年紀的人⋯

當時覺得都好似幾有道理,宜家諗返更覺係明言,因為果水星探發現後,隔冇耐就冇呢支哥仔唱,一個二個要除衫整容做口靚毛,都未必做到自己想做ge野⋯(曝露年紀系列)

套用落平凡人的人生,我覺得要搵到個相愛的人真係唔易,各樣條件加埋結到婚ge就更難⋯所以我好珍惜同另一半的所有野,甚至家庭生活行先,可能我事業心唔重,所以對我來講會易揀d!

註冊日期: 2015-4-28

發表於 2019-10-24 12:27 來自手機 | 顯示全部樓層
其實你選擇3已經有你想要嘅嘢,結婚,有機會去Paris。其實係香港有好多公司都會出國做嘢呀,仲要唔止去Paris。所以你好好考慮啦.....搵份自己鐘意嘅工好難,搵個自己鍾意嘅男人結婚就難上加難。

註冊日期: 2013-11-8

 樓主| 發表於 2019-10-24 13:25 來自手機 | 顯示全部樓層
YYYYU 發表於 2019-10-23 23:57
其實單憑你講幾句,真係好難明白去Paris有幾咁係你嘅夢想,你講到只係因為當時同男朋友唔開心先apply,又話 ...

係高form 已經打算入行,讀我嗰科嘅同學,基本上個個都夢想去日本or Paris,係香港公司去過1次,更加想留係嗰邊

我承認當時apply係衝動,唔知自己想點,嗰幾間公司都係自己自廌跟本無話請人,所以無上心,估唔到1年後有feedback

註冊日期: 2013-11-8

 樓主| 發表於 2019-10-24 13:44 來自手機 | 顯示全部樓層
~bubo~ 發表於 2019-10-24 10:13
直接問男友結婚打算,既然件事都關乎佢個妹,你直接問根本無問題,唔會話咩「迫婚」~咁你再諗下一步都唔遲 ...

我唔會同佢提結婚呢part住,除非佢自己講,去留問題會遲啲同佢商量

註冊日期: 2016-7-12

發表於 2019-10-24 14:02 | 顯示全部樓層
嗡嗡 發表於 2019-10-24 13:25
係高form 已經打算入行,讀我嗰科嘅同學,基本上個個都夢想去日本or Paris,係香港公司去過1次,更加想留 ...

如果真係咁難得,我支持去咗Paris先啦,試一至兩年再返唻。
您需要登錄後才可以回帖 登錄 | 註冊

News
Feature
Blog
Load more
 
NOTIFICATION