{ FORUM - LOVE }
Search
Title / Tags Author

查看: 28784|回覆: 19

又有女仔出現男友身邊

[複製鏈接]

註冊日期: 2013-11-8

發表於 2019-12-16 18:02 來自手機 | 顯示全部樓層 |閱讀模式
係11月頭我返過嚟香港,咁啱男友啲兄弟約食飯,就同埋我一齊去,想話佢哋知我哋喺返埋一齊,佢班兄弟我早幾年已識,離開香港後就無再聯絡,其中一pair我識得,其餘兄弟嘅女友我就唔識

兄弟A嗰女友係第一次見,佢同個女仔fd (B小姐)一齊嚟,但2人全程黑面,食完飯佢哋話去飲嘢,男友就話我哋唔去喇走先,A女友就開始爆
A女友:(問我男友)點解拖個小三出嚟激B小姐
男友:反應好大話一早講咗有女友,我同B小姐無任何關係
A女友:咁你又拖佢成年?
男友:只係成班人食過幾次飯,無單獨出街同傾電話,點拖佢呀
男友:(打開個whatsapp )你自己睇我連whatsapp 都無覆佢,唔好屈我,我同女友已經識咗5年,唔係咩小三

返到屋企我先問清楚發生咩事,男友話B小姐約過佢幾次,但無理佢,係佢哋2個諗多咗,如果有嘢今日唔會帶你出去啦,我就係想俾全世界知有你存在

正常件事應該完,但聽返嚟嘅消息,佢哋知我多數時間唔係香港,A女友同B小姐覺得仲有機,打算繼續纏我男友,男友講咗12-1月唔係香港避開佢哋,但其他時間好難避免佢哋搵我男友

可能有啲sis會記得我之前講過去Paris 做嘢,我無接受之前個offer,因要簽約3年,但新年後會過去進修+實習大半年,男友講過想同我一齊去,我就勸佢留港工作,佢就好任性同daddy請咗一年假,依家呢個情況,係咪一齊走比較好?

補充少少:我哋1月會註冊,因B小姐嘅出現,當晚無同兄弟講,男友話遲啲改係兄弟group交代,因上一次結婚唔成嘅陰影,男友想成事先話俾人知


回覆
+ Favorite

舉報

註冊日期: 2016-7-12

發表於 2019-12-16 18:46 | 顯示全部樓層
佢既然可以同daddy請假陪你,咁咪一齊去囉。

註冊日期: 2017-10-10

發表於 2019-12-16 19:48 | 顯示全部樓層
咁佢假都請埋,點解唔去?

佢身邊d 人咁多事ge? 咩朋友來ga? 連朋友的女友都可以走來罵佢⋯咁唔該佢就戴眼識人啦⋯好話唔好聽,佢之前又比人迷暈過,都仲夠膽friend 搭friend 咁識人ge...?
其實佢咁搶手,結左婚都唔代表安全,你睇緊d 啦⋯

註冊日期: 2019-9-2

發表於 2019-12-16 21:18 | 顯示全部樓層
個男人都願意跟你走,仲諗咩?

註冊日期: 2019-11-1

發表於 2019-12-17 01:32 來自手機 | 顯示全部樓層
佢肯同你一齊去你當然比佢一齊跟你去啦,唔好咁傻留佢係香港

註冊日期: 2013-11-8

 樓主| 發表於 2019-12-17 10:53 來自手機 | 顯示全部樓層
YYYYU 發表於 2019-12-16 18:46
佢既然可以同daddy請假陪你,咁咪一齊去囉。

我當然想男友一齊去啦,但daddy係想佢接手公司,我帶走佢咁做唔會太自私咩?

註冊日期: 2016-7-12

發表於 2019-12-17 11:00 | 顯示全部樓層
嗡嗡 發表於 2019-12-17 10:53
我當然想男友一齊去啦,但daddy係想佢接手公司,我帶走佢咁做唔會太自私咩? ...

依家係佢要跟你去,唔係你要帶走佢,你唔通唔畀佢去咩?
你都係去大半年遮,唔通去咗大半年佢daddy就唔會畀佢接手公司?
你既然有疑慮,佢又想跟你去,咁你就咪再扮大方啦!
你要係咁無私嘅,一早唔會走咗去咁耐啦!

註冊日期: 2013-11-8

 樓主| 發表於 2019-12-17 11:16 來自手機 | 顯示全部樓層
milktea913 發表於 2019-12-16 19:48
咁佢假都請埋,點解唔去?

佢身邊d 人咁多事ge? 咩朋友來ga? 連朋友的女友都可以走來罵佢⋯咁唔該佢就戴 ...

佢啲fd 其實都ok嘅,係A女友想B小姐溶入佢哋,兄弟A有阻止女友,叫佢唔好咁多事,叫佢收聲,佢聽到[收聲]仲癲,其實有另一個fd係單身,佢哋又唔揀,個電話都唔係男友俾佢,男友先可以扮唔識唔覆,佢哋同我講都無約B小姐,次次都係男友出去A女友就call佢出嚟

我都知結咗婚唔一定安全,我一直都係用放養方式相處,唔會點管佢,一齊係好開心同舒服嘅,只係耐唔耐又出現個女仔,真係好攰

註冊日期: 2013-11-8

 樓主| 發表於 2019-12-17 11:27 來自手機 | 顯示全部樓層
YYYYU 發表於 2019-12-17 11:00
依家係佢要跟你去,唔係你要帶走佢,你唔通唔畀佢去咩?
你都係去大半年遮,唔通去咗大半年佢daddy就唔會 ...

啱嘅,感情事真係唔應該扮大方,倒頭來只會傷到自己,咁我決定同佢一齊去

註冊日期: 2013-11-8

 樓主| 發表於 2019-12-17 11:34 來自手機 | 顯示全部樓層
milktea913 發表於 2019-12-16 19:48
咁佢假都請埋,點解唔去?

佢身邊d 人咁多事ge? 咩朋友來ga? 連朋友的女友都可以走來罵佢⋯咁唔該佢就戴 ...

想請教一下,婚後點樣可以睇緊啲,但又唔會管得對方太緊相處舒服呢?

註冊日期: 2016-5-9

發表於 2019-12-17 11:45 | 顯示全部樓層
嗡嗡 發表於 2019-12-17 11:16
佢啲fd 其實都ok嘅,係A女友想B小姐溶入佢哋,兄弟A有阻止女友,叫佢唔好咁多事,叫佢收聲,佢聽到[收聲 ...

想B小姐溶入佢哋? 咁一定要纏住你男友咩? 佢根本就係想搶你男友啦

慶幸你男友咁有分吋, 無同嗰兩個痴線女人纏上, 另外你話帶你男友離開香港大半年好自私:-
一) 係佢自己想同你一齊去, 唔係你帶走
二) 都只係去大半年, 好快啲過, 又唔係以後唔返
三) 覺得自己自私個point係咩? 接手唔到佢daddy嘅生意? 都只係講緊離開大半年啫, 最後都一樣可以接手架

睇完你呢個post, 覺得你嘅思維好似之前一個女仔, 諗住搵返個post俾你睇, 先發現原來都係你嚟

註冊日期: 2017-10-10

發表於 2019-12-17 14:55 | 顯示全部樓層
婚後點樣睇緊d...我唔可以話教你d咩野,因為我都冇實際要防d咩,純粹就係婚後我轉左份唔需要去香港以外工作的工,都唔係為左睇實個老公,只係自己唔想咁忙啫⋯
第二,其實就好睇個男人本身,我老公婚前己係公司中高層,朋友方面就冇你地咁複雜,都係一班男人約下打波,好少有女友跟埋打波,但公司都間中有d 妹妹仔,佢平日唔係惡果類上司,男下屬笑下佢佢都冇咩野,咁可能令d 妹妹仔以為佢好易接近,會有d 其他舉動,例如叫佢請食晚飯(單獨),又或者叫請食甜品,咁佢就會好絕咁話要等女友FaceTime, 想食就自己買,等等⋯
但佢又好串咁會搵日萬歲叫人去買第二間的cake 返來,話呢間好食好多⋯即係話佢唔係唔請,係唔會淨係請你一個...但佢會同男同事單獨食飯⋯呢類咁Lo!

婚後都好少約埋朋友一齊玩,多數都係有人入伙housewarming 時會約下,始終大家有家庭,會忙好多,你諗下自己一頭家要打理,兩公婆又有自己父母的家,過時過節真係好忙好忙⋯好似12 月呢d 日子咁,又做冬,又要買定野過年(今年早過年),單係做冬都要預兩個日子,仲未計約父母食聖誕餐呢? 又要買野比小朋友⋯邊度仲有咁多時間比朋友?

我諗你就真係疊埋心水結左婚先,婚後其實都會隨著日子愈來愈忙,咁果類唔熟又有目的ge所謂朋友,就自然會減少,同埋你話男友係幫家人打工,第時都係老闆,咁仲易啦,你老闆娘來ga ma, 間中上下公司比d 同事見下,咁就相對少左d 女痴埋佢身,當然你唔會防到晒所有女人,因為有女人係專攪人夫,但如果你識左佢某d同事後,就總會有人正義感上身,幫你睇實有咩女埋老闆身⋯不過始終好多野都係睇個男人咩態度,佢態度正確就少好多麻煩⋯

註冊日期: 2017-10-10

發表於 2019-12-17 15:10 | 顯示全部樓層
其實就咁睇你幾個po, 你男友比我感覺就係識d 朋友好雜,即係friend 搭friend 再搭fd 女友的朋友⋯都可以經常一齊玩⋯
而你第一個po果單野仲誇張到比人迷暈左(雖然好慘),咁亦係代表個男人毫無警覺性,同埋佢身邊果d 真朋友呢? 點解咁似豬朋狗友ge? 就算今次單野,都可以咁多事比個女友帶多個朋友出來,仲要破口大罵,好似你男友攪完人唔負責任咁⋯邊有人咁唔知醜ga...咁mk都可以一齊玩ge?
可能你男友真係要篩選下班朋友,真係朋友至約出來見面傾計,見朋友係relax ga ma, 唔係用d 寶貴時間來製造是非⋯

註冊日期: 2014-11-7

發表於 2019-12-18 09:47 | 顯示全部樓層
難得佢都肯跟你走,就一齊走啦!唔通留佢係香港,俾人乘虛而入跟住你再後悔莫及?

註冊日期: 2014-11-7

發表於 2019-12-18 09:49 | 顯示全部樓層
佢都肯跟你走,咪一齊走囉!唔通留佢喺香港,俾人乘虛而入,到時你先後悔莫及咩?

註冊日期: 2013-11-8

 樓主| 發表於 2019-12-18 12:52 來自手機 | 顯示全部樓層
milktea913 發表於 2019-12-17 15:10
其實就咁睇你幾個po, 你男友比我感覺就係識d 朋友好雜,即係friend 搭friend 再搭fd 女友的朋友⋯都可以經 ...

其實我男友算痴家,又無女性fd ,最多都係約fd 去打波同做gym,以前喺健身室啲人係複雜啲,依家交俾人打理好少返去,不過人哋女友真係管唔到,今次件事就無傷到我哋感情,反而兄弟A覺得女友好似潑婦咁好無面,吵大鑊

Anyway 我會再提下男友小心啲,經過上次其實佢自己都驚,佢成日話女人好恐怖,亦多謝你打咁大篇嘢俾我

註冊日期: 2014-11-12

發表於 2019-12-18 15:57 | 顯示全部樓層
照你咁講,你又暫時唔洗太擔心,都係B 女一廂情願啫,(題外話A 女友真係好難頂)
正如樓上講,都係避免分隔兩地(一係就佢跟你去外地,咪由佢跟,完全唔洗罪惡感,一係你就盡量避免要出trip 的工),結左婚响老公公司現下身,呢d 都好自然。
你男友咁樣表現都好明顯個心係向住你,先帶你出嚟宣示主權,有時男人好簡單,佢同你一齊開心嘅,佢自然向住你,所以都係回歸基本步,最緊要維繫雙方面關係都開心舒服

註冊日期: 2009之前

發表於 2019-12-18 16:53 | 顯示全部樓層
提示: 作者被禁止或刪除 內容自動屏蔽

註冊日期: 2019-10-23

發表於 2019-12-18 17:16 | 顯示全部樓層
咁咪俾你男朋友同你一齊去

註冊日期: 2019-7-8

發表於 2019-12-19 19:16 來自手機 | 顯示全部樓層
YYYYU 發表於 2019-12-16 18:46
佢既然可以同daddy請假陪你,咁咪一齊去囉。

我都係咁話
您需要登錄後才可以回帖 登錄 | 註冊

News
Feature
Blog
Load more
 
NOTIFICATION