{ FORUM - LOVE }
Search
Title / Tags Author

查看: 81630|回覆: 43

男友性格變,我覺得好攰

[複製鏈接]

註冊日期: 2020-2-20

發表於 2020-2-20 05:00 | 顯示全部樓層 |閱讀模式
我同我bf一齊左半年
係佢追我
一開始對我算係好好,果時我地分開住,佢隔日就會搵我陪我,會買禮物俾驚喜我
上年年底我屋企出左事,有人入左廠,我果段時間心情好低落,佢都陪住我安慰我
果時開始我就視佢為結婚對象

而我本人自問亦都思想尚算成熟,知道珍惜身邊人,我自己屋企發生咩事都唔會對佢有脾氣

今年1月佢提出同居,跟住我就搬左入佢屋企

我地之間就開始出現好多問題:

1. 有次俾我發現佢同ex傾計,佢ex好想同返佢一齊,佢無正面拒絕,只係轉話題。ex 有咩叫佢幫手佢都會好熱心去幫。我當時無發老脾,我係問佢自己覺得應該點做?佢自己提出del左ex個電話號碼同whatsapp,件事算係解決左。

2. 有時如果佢收工仲同女客戶傾計,我唔開心,佢就會話我唔信任佢。但如果我收左工仲同男客戶txt message,佢就會發老脾鬧爆我。

3. 有時我只係攰,入房唔出聲,佢就會鬧我,話我黑口黑面。繼而仲會講分手,第一次講分手嘅時候我好愕然,接受吾到一個咁愛我嘅人會突然因為咁小事講分手。頭三次都係我讓步,同佢講「唔好啦,有咩唔啱咪講到啱咯,唔好分啦」,跟住佢講一輪大道理,然後就一齊返。

4. 第三次佢講分手係夜晚11點幾,我當時有d頂唔順,因為覺得都唔係自己錯。我就好嬲咁話「分咪分咯,我依家執嘢走」。佢望住我執行李都無d反應,最後我拖住個gip企係大廈門口,先諗到自己無地方可以去。跟住我死死地氣上返去,入門口問佢係咪真係想分,佢就話唔係,不過我一定要改變下我d性格。之後就無分到手。

5. 有次我話想買對鞋,佢話買俾我,就轉左錢入我戶口。之後我諗真d又唔係幾鍾意對鞋,就無買到。佢後來發現我羅左d錢但無買到就好嬲。亦都開始變到好小心翼翼,有時唔見左張$20都會問我係咪羅左。

6. 但係佢果段時間每日都會車我返工放工

7. 情人節之前一個禮拜,佢問我想要咩禮物,我就講左最想要咩,個價位同佢聖誕送俾我件禮物差唔多。佢就突然之間鬧我,話我逼佢買貴嘢,我話我只係提出下,並無逼過佢,佢就話「你把口無,你個心有」。我覺得好委屈,最近成日俾佢分手同鬧已經積埋積埋好多唔開心,我就同佢嗌左場交。之後大家冷戰左三日,佢三日都仲有車我,有問我買唔買嘢俾我食。最後我問佢究竟想點,佢就道歉and話以後都唔會再冷戰。仲主動提出買份情人節禮物俾我。

8. 情人節當日佢無花無禮物,我up左兩句「點解你咩表示都無嘅?」佢就話「無時間」,我話「我都會買定份禮物俾你啦,你以前都會搞下小驚喜唔係咩?」佢就話「你果件算咩禮物?我洗幾百蚊求其揀件垃圾俾你好唔好?」我覺得好唔開心,件衫的確唔係好貴但都一番心意。佢講完仲要玩手機,我嬲起上黎就搶左佢電話錠左落地(有地氈),佢就好惡死咁登大對眼指住我話「我警告你!唔好再碰我d嘢!」跟住我問佢係咪想分手,佢話係

9. 之後第二日,起身佢已經唔見人,我覺得自己好似有d過分左,就主動say左句sorry。過左陣佢買左札花返黎同我道歉,話覺得自己都有錯。

10. 爆發點! 過完情人節兩日,我地原本行緊街,行完街我問佢想去邊,佢話唔知,我就話咁算啦返屋企。點知返到屋企佢嬲左,我主動氹佢佢都唔理我。但夜晚佢煮飯俾我食,我食完見攰攰地就入房,佢突然問我嬲乜,我話我無,佢就唔睬我出廳打機。我已經知瀨嘢(憑以往經驗),果然,第二日起身佢唔見人,夜晚返屋企唔同我講野。第三日,唔見人,第四日都唔見人。我地就係咁又開始冷戰。
咁啱依幾日我屋企人又出左事,我幾日都要去醫院,我每一日都覺得好唔開心,就黎抑鬱,返到屋企對住果個只會冷戰,打機,出街,一句安慰都無。而且根本我都唔知我做錯d乜?根本唔覺得有個人錫自己。

琴日,我地原本約好同班frd一齊出去玩。我就txt佢「你仲去唔去?」佢話「都得」我問佢「你想唔想去」佢過左半日都無復我,當其事我係醫院,我已經好辛苦,就講左句晦氣說話「我諗你都唔想去架啦」跟住佢就話「哦咁你自己去」。我有d嬲,就話「咁不如我下個月搬走」佢話「好」。我忍唔住問佢「其實點解成日都可以因為一d小事冷戰?知道咩?你話送情人節禮物又唔送,我都唔覺得你愛我嘅?」佢就話「咁我依家送咯」,跟住佢轉左d錢俾我。

但係我好唔開心,有時我都只係想見到佢重視一下我,件禮物又唔係重點,更何況係佢應承左先,點解可以無左件事,到最後仲要好似我貪左佢d錢咁?係佢唔夠愛我?定係我用錯方式?

今日,我問佢嬲完未?佢話無嬲。我話咁你唔好唔出聲,佢話「你都決定左搬走啦」我話咁你想唔想我搬走?佢話「無所謂」我話「你依家係咪想分手?」佢話「反正我行唔落去」。

跟住佢出左門口

我其實唔捨得佢嘅,但同時又覺得好無助,我send左句message俾佢,係向佢道歉,希望佢唔好走之類。佢依家都無復我,佢覆返我我會update大家。

其實我係咪做得唔好?我好亂,好抑鬱,好唔知點算?
我以為自己已經事事做到多一事不如少一事,我無嬲過佢超過兩個鐘,佢say sorry我次次都會即刻俾台階佢落,從來唔會為難佢。自問亦算珍惜份感情,點解都係落得如此地步?


回覆
+ Favorite

舉報

註冊日期: 2015-4-9

發表於 2020-2-20 05:49 | 顯示全部樓層
其實睇到第三點已經冇心機睇落去......
因為佢真係唔識點樣拍拖
開始時十二分能力發揮,到同你同居咪變返平時咁囉(即係你覺得對你淡左果下)

如果硬要說你錯的話,咁你錯在唔識睇人,如果你拍拖超過五次都仲係咁,咁車車實在冇計了

你有野想問的,響度寫啦
PM的話都會答,不過會屌完老母先答咁解囉

註冊日期: 2020-2-20

 樓主| 發表於 2020-2-20 06:14 | 顯示全部樓層
非法改裝嬰兒車 發表於 2020-2-19 04:49
其實睇到第三點已經冇心機睇落去......
因為佢真係唔識點樣拍拖
開始時十二分能力發揮,到同你同居咪變返平時咁囉(即係你覺得對你淡左果下)

如果硬要說你錯的話,咁你錯在唔識睇人,如果你拍拖超過五次都仲係咁,咁車車實在冇計了

你有野想問的,響度寫啦
PM的話都會答,不過會屌完老母先答咁解囉

多謝你
我依幾日都係咁係度問我究竟做錯d咩

直到頭先佢txt返我,話成日營住營住我貪佢d錢,覺得我會係同佢ex一樣一種人(佢ex從來都無買過禮物俾佢,當佢提款機),我話我唔係,我只係想以後大家唔好嗌交唔好冷戰開開心心過日子。佢竟然話「就連你依家講依d,我都覺得你係為左繼續免費住係我度」

再睇埋你嘅comment,我先知道
原來我錯在睇錯人

註冊日期: 2015-4-9

發表於 2020-2-20 07:01 | 顯示全部樓層
車車上次睇錯人都已經係N年前
只不過冇任何實際損失姐

如果你要學的是睇人,車車只能把你交給旗下的暴力教官團了XDDDD

註冊日期: 2016-7-12

發表於 2020-2-20 09:34 | 顯示全部樓層
講真,樓主你有好多情況都處理得好差,令情況變得更殭,或令自己處於下風,但重點都真係個男仔性格有問題多啲,分手係最好的選擇。

註冊日期: 2017-4-24

發表於 2020-2-20 11:18 | 顯示全部樓層
你個case同我同男朋友好似,不過一齊耐左,知道大家都係仲愛大家,根本分唔到,維有大家慢慢包容多d,改變下自己性格,即使唔好成日發脾氣,同埋唔好成日問個男人係昧想分手,咁樣只會對大家感情都唔好,其實睇落你男朋友都幾好,起碼都會識買花氹你,證明距都在乎你,好好把握,平心靜氣d溝通

註冊日期: 2020-2-20

 樓主| 發表於 2020-2-20 11:22 | 顯示全部樓層
YYYYU 發表於 2020-2-19 08:33
非法改裝嬰兒車 發表於 2020-2-19 04:49
其實睇到第三點已經冇心機睇落去......
因為佢真係唔識點樣拍拖
開始時十二分能力發揮,到同你同居咪變返平時咁囉(即係你覺得對你淡左果下)

如果硬要說你錯的話,咁你錯在唔識睇人,如果你拍拖超過五次都仲係咁,咁車車實在冇計了

你有野想問的,響度寫啦
PM的話都會答,不過會屌完老母先答咁解囉
多謝你
我依幾日都係咁係度問我究竟做錯d咩

直到頭先佢txt返我,話成日營住營住我貪佢d錢,覺得我會係同佢ex一樣一種人(佢ex從來都無買過禮物俾佢,當佢提款機),我話我唔係,我只係想以後大家唔好嗌交唔好冷戰開開心心過日子。佢竟然話「就連你依家講依d,我都覺得你係為左繼續免費住係我度」

再睇埋你嘅comment,我先知道
原來我錯在睇錯人

邊d情況處理得唔好?願聽意見

註冊日期: 2016-10-5

發表於 2020-2-20 11:35 | 顯示全部樓層
相見好同住難既例子, 一定要互相包容, 基本上三觀不合都分得手

註冊日期: 2016-7-12

發表於 2020-2-20 12:30 | 顯示全部樓層
本帖最後由 YYYYU 於 2020-2-20 12:48 編輯
AhBooo 發表於 2020-2-20 11:22
邊d情況處理得唔好?願聽意見

2. 收工仲同女客戶傾計,有咩值得唔開心?唔知佢做咩行業,但有時同客要keep良好關係係要咁,你咁就不滿,唔止煩,仲畀位佢响你同男客戶txt message時可以大條道理鬧爆你。

4. 明明唔想分手,又答人「分咪分咯,我依家執嘢走」,仲要無地方去死死地氣返去,蝕哂章。如果根本唔想分手,千奇唔好提唔好應。

8. 情人節無花無禮物,你已經表達咗不滿,如果對方唔改,其實嘈落去冇意思。佢冇送禮物係佢唔啱,但你竟然搶左佢電話錠左落地,咁就由佢冇禮物唔啱變成你郁手唔啱,又係蝕章。之後又提分手,但你自己明明唔想分,而且你講分手已經無哂阻嚇力,因為次次提都唔係真係分。

10. 你txt佢「你仲去唔去?」,既然佢已經答你「都得」,咁你做咩要問佢「你想唔想去」,仲要講晦氣說話「我諗你都唔想去架啦」?佢答咗得,而如果佢最後唔去或態度差,就係佢問題;但佢話去,你卻質疑佢唔想去,就係你無事生非。然後仲講「咁不如我下個月搬走」?除非你肯定自己會搬,否則你提呢D只係吊高唻賣,而個結果好大機會係賣唔出。賣唔出又撩返人話咁你想唔想我搬走,再加多句「你依家係咪想分手?」

你根本徹底失敗,只係識用"搬"同"分手"威脅對方,但根本冇阻嚇力,因為你次次都得個講字,已被對方看穿。

不過,正如我上面說,重點都真係個男仔性格有問題多啲:
- 佢又係成日提分手
- 無啦啦會鬧人黑口黑面,喜歡發動冷戰
- 永遠覺得自己啱,唔會首先認錯
- 成日覺得人謀佢啲$

結論:分手啦。

註冊日期: 2010-12-5

發表於 2020-2-20 14:51 | 顯示全部樓層
YYYYU 發表於 2020-2-20 12:30
2. 收工仲同女客戶傾計,有咩值得唔開心?唔知佢做咩行業,但有時同客要keep良好關係係要咁,你咁就不滿, ...

講得好好, 一路睇都覺得樓主有d位真係做得好錯, 由其個男人知樓主冇地方可以去, 樓主拖左gip走又返轉頭真係露晒底, 加上次次話分手又唔分, 轉個頭仲要認低威....

另外想問樓主自己冇屋企? 你1月先同佢同居, 咁你之前住邊?


註冊日期: 2015-5-23

發表於 2020-2-20 15:22 | 顯示全部樓層
你既情況好似我以前咁 你咁既時候當然唔好再同佢講sorry啦 你愈求佢只會覺得你cheap唔會珍惜

註冊日期: 2020-2-20

 樓主| 發表於 2020-2-21 03:47 | 顯示全部樓層
YYYYU 發表於 2020-2-19 11:30
YYYYU 發表於 2020-2-19 08:33
非法改裝嬰兒車 發表於 2020-2-19 04:49
其實睇到第三點已經冇心機睇落去......
因為佢真係唔識點樣拍拖
開始時十二分能力發揮,到同你同居咪變返平時咁囉(即係你覺得對你淡左果下)

如果硬要說你錯的話,咁你錯在唔識睇人,如果你拍拖超過五次都仲係咁,咁車車實在冇計了

你有野想問的,響度寫啦
PM的話都會答,不過會屌完老母先答咁解囉
多謝你
我依幾日都係咁係度問我究竟做錯d咩

直到頭先佢txt返我,話成日營住營住我貪佢d錢,覺得我會係同佢ex一樣一種人(佢ex從來都無買過禮物俾佢,當佢提款機),我話我唔係,我只係想以後大家唔好嗌交唔好冷戰開開心心過日子。佢竟然話「就連你依家講依d,我都覺得你係為左繼續免費住係我度」

再睇埋你嘅comment,我先知道
原來我錯在睇錯人
邊d情況處理得唔好?願聽意見

嘩你寫咁多好有heart
我明啦
希望遇到下一個更好嘅人我會處理事情更加成熟

註冊日期: 2020-2-20

 樓主| 發表於 2020-2-21 03:53 | 顯示全部樓層
我屋企好遠,之前幾年都係自己一個租屋住嘅。
果次拖住個gip走返轉頭係因為覺得住酒店唔係好make sense,第二日要返工無可能拖埋個gip返工。又唔想夜媽媽1點幾返到自己屋企令屋企人擔心,以為我發生咩事。
其實好多次嗌交我選擇認錯係覺得多一事不如少一事,自己都知道搬黎搬去好辛苦,其實都只係好想盡自己能力維護一段感情。

註冊日期: 2019-12-18

發表於 2020-2-21 08:47 來自手機 | 顯示全部樓層
咁多問题,不要一齊了

註冊日期: 2019-12-18

發表於 2020-2-21 08:49 來自手機 | 顯示全部樓層
你同佢相處好辛苦

註冊日期: 2012-6-10

發表於 2020-2-21 08:53 | 顯示全部樓層
我諗我到”入房唔岀聲,佢就會鬧我”果段,已經直接罵佢痴撚線再分手

註冊日期: 2010-12-25

發表於 2020-2-21 09:15 | 顯示全部樓層
傻人,你同佢一齊太辛苦
當然,我好同意樓上講,一開始你自己蝕晒章先,依家都無乜得再補救到,蝕開有條路
同埋,呢個人唔岩你,佢明知你無地方去,成日都嗌分手,小學雞~
兩個小學雞住埋一齊無好處~~
分開喇,搬返屋企,或者自己出去搵屋搬喇~
你值得搵一個更好~

註冊日期: 2010-11-5

發表於 2020-2-21 09:17 來自手機 | 顯示全部樓層
樓主你自己都檢討下,喺你角度你乜都好無辜。如你喺返你男友角度諗,佢可能真係唔知點解你成日都粒聲唔出就入房、收左錢無買禮物又唔同佢講返、話愛佢但成段嘢都係著重於禮物。
感覺你都係無乜溝通,同重於物質多過佢。
你keep住哩d性格下一個都會係咁

註冊日期: 2015-5-26

發表於 2020-2-21 09:18 來自手機 | 顯示全部樓層
只係有小小on9,點解呢?因為你唔係珍惜,係將你面子變到泥咁,明知佢唔care你同佢分手同搬走,仲成日問埋啲注定會傷心既野。第一次你已經做錯哂,執哂野仲返入去,係我就租酒店住,由個刻開始你已經令自己無面,同埋你無屋企架咩?咩叫無地方去?同埋唔係變左,係佢以前收得埋姐。加上人地都話行唔到落去,仲唔走?等咩,比返啲面自己,無左佢唔會死,只係傷心一排,無左佢,下個你就知搵咩男人。仲有,禮物變過數,而家包二奶咩?帶佢一齊去買佢比錢都得?‍♀️

註冊日期: 2009之前

發表於 2020-2-21 09:26 | 顯示全部樓層
我睇你寫的野 都覺得你係為左有得繼續住喺佢度而認低威。
如果唔係 第一次你走左啦~
同埋鬧交之下 佢擺明不滿地過錢比你,但你照收。 買鞋果次又係咁 無買到 又唔主動提議比返錢佢⋯
加上連租2晚酒店錢都唔捨得,有無心走 心照喇, 我唸佢都係咁睇你~
您需要登錄後才可以回帖 登錄 | 註冊

News
Feature
Blog
Load more
 
NOTIFICATION