{ FORUM - LOVE }
Search
Title / Tags Author

查看: 74860|回覆: 45

男友叫我呢個時候賣樓⋯⋯

[複製鏈接]

註冊日期: 2020-3-5

發表於 2020-3-5 07:57 來自手機 | 顯示全部樓層 |閱讀模式
同男友拍左拖1年,以結婚為前提交往,一直感情穏定,亦見過家長。我識佢之前已經買左樓,自己俾首期自己供的。當初見大家感情穩定,男方嘅人品ok,就冇打算隱暪自己太多野,俾佢知道左我有物業,本來佢都冇乜野意見,但後來俾男友老豆知道左,佢老豆就有日同我講:「你買的單位又細又貴冇升值潛力,只會扁值!你最好現在蝕少少賣左佢啦⋯⋯」當時我只當佢俾意見我,聽下就算。

   個單位我上年先收樓仲出租左,根本冇打算咁快賣。前幾日,我男友又勸我賣樓,話供三十年D利息好貴,而且未來D樓價會一直跌,到時我個單位會蝕百幾萬,叫我快D平幾十萬都要放左佢。我好無奈,我同佢講我暫時唔會賣住,之後佢仲繼續勸我,我就冇回覆佢。過左兩日都冇再搵我,我同佢講野又唔理我,應該係嬲左我。我有同身邊的朋友和家人傾過,都話唔好呢個時候賣。

大家覺得我應該點做好?要搵返佢同佢講清楚我的想法嗎?我地嘅關係仲有冇彎轉?



p.s. 我男友本身冇物業,但收入同家境ok,有樓收租的。
回覆
+ Favorite

舉報

註冊日期: 2015-10-18

發表於 2020-3-5 08:19 | 顯示全部樓層
On99,層樓係你 賣唔賣你自己話事 拍考1年咋喎 唔應該比佢影響到 加上佢有冇資格因為你唔賣而嬲

註冊日期: 2020-1-9

發表於 2020-3-5 08:39 | 顯示全部樓層
層樓係你既... 關佢同佢老豆咩事,  你自己老豆講野都未必聽, 駛咩理佢, 另外講到咁細間, 又話會蝕幾百萬, 你自己理性諗下你買返黎咩價, 如果真係好細間, 蝕三百萬既話會剩返幾多? 而家樓價都仲咁高, 香港仲咁多人冇地方住, 仲有咁多大陸人落黎, 真係會蝕?

另外, 如作為你另一半, 你有樓唔係仲好咩? 可以一齊住或收租... 點解仲要成日叫你賣?


你買既野, 對自己負責就得啦, 佢有咩權嬲你?

註冊日期: 2016-7-12

發表於 2020-3-5 09:48 | 顯示全部樓層
呢個男人都唔知咩居心,由得佢嬲囉,如果咁就要分手冇彎轉,就當睇清個人,唔駛恨。

註冊日期: 2016-10-5

發表於 2020-3-5 11:08 | 顯示全部樓層
根本唔洗理佢, 棟樓係你既, 你話事

註冊日期: 2017-11-20

發表於 2020-3-5 12:29 | 顯示全部樓層
層樓係你既
俾咁多意見你做咩
而且俾意見本身唔洗責任唔洗錢
第時樓價大跌
當初俾意見叫你唔好賣既
又唔會話認錯夾份補返d 差額俾你
相反如果樓價大升
你又唔會多謝兼分返份俾佢地

註冊日期: 2017-10-10

發表於 2020-3-5 12:49 | 顯示全部樓層
嘩⋯拍拖一年就喉住你層樓⋯佢更係想你賣,賣左就去睇樓,你夾大份,佢份少少,就聯名買樓,輕鬆擁有一半業權⋯
不如你試下佢,同佢講諗諗下都係想賣,但唔知點計劃將來好,問佢有咩意見,睇下佢點講⋯

註冊日期: 2019-5-24

發表於 2020-3-5 22:17 | 顯示全部樓層
咩叫做「男友本身冇物業」,但又有樓收租?

註冊日期: 2015-8-22

發表於 2020-3-5 23:46 | 顯示全部樓層
你小心,佢都唔知有咩居心。

註冊日期: 2017-10-10

發表於 2020-3-6 00:38 | 顯示全部樓層
其實會唔會係佢屋企欠債,所以想哄你賣左層樓有現金在手,再叫你幫手還呀?

註冊日期: 2020-3-5

發表於 2020-3-6 01:06 來自手機 | 顯示全部樓層
只係你男朋友而唔係老公就逼你,真係好有問題,結婚都話可以商量,但都唔會去到逼。可能個男既全家都騙財。

註冊日期: 2020-1-31

發表於 2020-3-6 06:46 | 顯示全部樓層
gogomango 發表於 2020-3-5 08:19
On99,層樓係你 賣唔賣你自己話事 拍考1年咋喎 唔應該比佢影響到 加上佢有冇資格因為你唔賣而嬲 ...

咪係!賣唔賣關佢咩事呀!

註冊日期: 2020-1-31

發表於 2020-3-6 06:47 | 顯示全部樓層
YYYYU 發表於 2020-3-5 09:48
呢個男人都唔知咩居心,由得佢嬲囉,如果咁就要分手冇彎轉,就當睇清個人,唔駛恨。 ...

男友想女友同他一齊供樓

註冊日期: 2020-1-31

發表於 2020-3-6 06:47 | 顯示全部樓層
214214 發表於 2020-3-5 11:08
根本唔洗理佢, 棟樓係你既, 你話事

你喜歡點就點, 唔洗就佢

註冊日期: 2020-1-31

發表於 2020-3-6 06:49 | 顯示全部樓層
樓你都自己買左, 一定要堅持相信自己

註冊日期: 2019-5-24

發表於 2020-3-6 08:43 | 顯示全部樓層
對將來樓價走勢大家都係斷估架啫,好多人覺得會一路跌因為環球經濟好差;但也有人認為會有滯賬,即係經濟差得來各央行係咁放水,通帳加劇樓價咪反而升囉。

樓主的物業如果係納米樓,以高溢價買的新樓,以及地區上過多供應,咁妳男友的老豆意見係中肯的。

但是物業的交易成本好高,而且這是妳個人的投資決定,咁快就俾人管住?坦白講,就算結咗婚,呢啲都可以係獨立自主架喎⋯

註冊日期: 2016-5-9

發表於 2020-3-6 10:41 | 顯示全部樓層
未夠三年就轉手要俾額外印花稅, 係咪佢俾? 仲有, 而家吹就吹緊樓市跌, 但係咪真係跌咁多? 我最近搵租盤想搬屋, 租金咪仲係咁貴

佢叫你平幾十萬放咗佢? 係咪佢想接貨呀? 氹你平幾十萬放層樓俾佢

註冊日期: 2018-6-12

發表於 2020-3-6 14:54 | 顯示全部樓層
樓係自己既,依家賣左就好難買返,買得樓就梗係等佢升先放啦,你又唔等錢用,做咩要放, 仲有如果個男人愛你係會專重你,而唔係迫你做你唔鍾意做既野,自己諗清楚

註冊日期: 2017-10-10

發表於 2020-3-6 15:13 | 顯示全部樓層
叫女友賣樓再跟手接貨,好好笑! 但都可能係真XD

好鬼lo!層樓係人地ge, 至識左一年就想控制人賣樓,憑咩? 冇居心都冇人信,好天仙局feel。

註冊日期: 2019-12-5

發表於 2020-3-8 19:47 來自手機 | 顯示全部樓層
本帖最後由 jw111 於 2020-3-8 20:09 編輯

幾個層面去睇件事
(一)樓價未來跌唔跌,暫時無人知,因為托緊市,跌都係10至20%,唔同以前個年代,手持5至10年,升值差不多兩倍。
(二)層樓係你架,應該你自己決定。
(三)如果你宜家唔賣,佢覺得你唔信佢,跌佢會話一早同你講左架啦!或者分手機會好大。
(四)賣左係有筆實錢,或者可以換樓,抽居屋,但新樓持名人可能係你男友,因為首次置業稅額,你用左,到時,你地倆個一齊供,但變相,男賺左,但你就蝕本。

一開始就唔好俾人知你咁有米啦!
你有無見過有啲女醫生,護士,商人 (人財兩失)。今次當拎過經驗啦!

拍拖易,結婚難,因為拍拖戀愛都係一兩個人事但結婚好複雜?

唔講,係因為感情未算穩定,所以選擇唔講住。
你依家點做都好難拎對方滿意。
您需要登錄後才可以回帖 登錄 | 註冊

News
Feature
Blog
Load more
 
NOTIFICATION