{ FORUM - LOVE }
Search
Title / Tags Author

查看: 23613|回覆: 28

覺得自己拍拖好失敗、好衰咁⋯

[複製鏈接]

註冊日期: 2019-7-24

發表於 2020-4-3 21:54 | 顯示全部樓層 |閱讀模式
女,16歲開始拍拖,到宜事19,拍過兩次。

第一次嘅時候揼哂成副心機,差啲連書都冇得讀,結果對方一邊對我好好,一邊又俾左冇數頂帽我戴。果下真係崩潰,點解男人可以咁雙面,可以咁性同愛分咁開?果下我真係醒哂,同時又覺得自己好失敗,連個唔係高質嘅男人都守唔住;兼輸俾個差唔多大我10歲嘅女人⋯

上年年中開始拍第二次,今次對象條件好左、性格成熟左、表面睇都老實啲。但係我又勁心慌,佢身邊有啲close 啲啲嘅女性朋友我都介意。同埋我又好鬼在意點解佢成日都唔肯同我出街,一個月出唔到一次,我要發脾氣佢先好似交功課咁同我行一下⋯真心咁樣係正常嗎?我知好多人會話出街又煙又病毒咁,出黎做咩。但係我唔想每次所謂拍拖就係我上去佢屋企,陪佢媽食飯,然後陪佢媽睇Netflix ,然後夜晚又陪佢扑野訓教。第一,我覺得我地拍到好似結左婚十幾年(半年in fact),所有都例行公事,有個程序係度;第二,我覺得自己好似送上門咁,我明性對情侶嘅關係同感情好重要,但我唔想淨係得佢/重點係佢,唔想自己做到好似sp/雞咁;第三,佢對我好冇心思,Xmas,Vday都冇計劃冇驚喜冇禮物冇氣氛,連句說話都冇。結果嘈完到宜家都未好番。

究竟係我港女、要求多,定係佢地問題?已經試過兩個都係咁,我唔想再咁樣係咁試落去,拍拖真係好難好難⋯呢篇野一黎俾我呻下,二黎想問下意見咁。肯睇到呢度真係好感謝,得閒嘅希望你留下言,安慰又好,踩我又好,建議就更好,想聽下百家之言咁。thx
回覆
+ Favorite

舉報

註冊日期: 2017-8-29

發表於 2020-4-3 22:22 | 顯示全部樓層
下...好明顯人地當你SP咋,你真係覺得佢愛你/同你拍緊拖?

註冊日期: 2017-8-29

發表於 2020-4-3 22:24 | 顯示全部樓層
男既街都唔肯出你仲中個頭埋去自動送上門⋯

註冊日期: 2018-6-20

發表於 2020-4-3 23:10 | 顯示全部樓層
其實我見之前既POST都有好多人留言想鬧醒樓主, 不過似乎就唔成功了
樓主你仲細, 大把機會

註冊日期: 2010-12-5

發表於 2020-4-3 23:45 | 顯示全部樓層
樓主似乎係d唔係好識思考既人, 人地講既野唔夠直接就聽唔明, 又或者左耳入右耳出,
直接d講就係樓主唔聰明, 搵唔到自己定位又自卑, 人地只係比你醒dd就比人食住,
唔識運用自己既籌碼, 不過你仲細當買經驗, 好好諗下自己既優勢係邊同應該點用,
如果唔係真係冇運行

註冊日期: 2017-10-10

發表於 2020-4-4 00:29 | 顯示全部樓層
當你sp 或雞⋯會比你見阿媽?

佢的性格只係木獨冇心思,你同一個人拍拖都要了解其性格,佢擺明係唔中意出街的人,唔好話宜家中國病毒啦,上年都日日成街催淚煙,其實真係好難出街,加上佢咁木獨,你唔plan好晒去邊玩咩,佢咪淨係識叫你上去過夜lo⋯

又講句公道說話,你又肯賣大包去人屋企過夜,係你自願ga wo, 點解掉返掉頭話佢當你雞?

你要明白一樣野,你要塑造自己唔係一個隨便的人,你就咪上人屋企過夜啦,你同意得第一次,人地就自然約你第n 次,仲點會花心思約你出街睇戲食飯玩樂呢? 仲點會當你係11點有門禁的大家閨秀咁追呢?

註冊日期: 2017-10-10

發表於 2020-4-4 00:32 | 顯示全部樓層
點解你拍拖會失敗,拍到好衰咁,因為你腦筍都未生埋就拍拖lo⋯又隨便,隨便完又話人當你雞,你都好矛盾下⋯
真心建議你讀多幾年書先啦,知識改變腦袋呀!

註冊日期: 2017-10-10

發表於 2020-4-4 00:34 | 顯示全部樓層
樓上有sis話樓主「唔聰明」⋯真係好好人,講得好厚道⋯
我直頭話你蠢啦樓主⋯唉⋯

註冊日期: 2015-8-22

發表於 2020-4-4 02:38 | 顯示全部樓層
因為你只係一隻免費雞

註冊日期: 2017-8-23

發表於 2020-4-4 14:21 | 顯示全部樓層
知識改變腦袋 !哈哈! 真係講得好好
唔好唔記得 樓主dse 連全2都無 。書都讀唔好,就學人拍拖,根本越級挑戰!
俾人呃,俾人利用都傻下傻下! 真心增值下自己先!

註冊日期: 2010-12-5

發表於 2020-4-5 01:21 | 顯示全部樓層
我覺得只要識搵比上一任好已經唔算蠢, 樓主仲後生有時間慢慢學

另外我唔認同樓上講話樓主書讀唔好學人拍拖係越級挑戰,
讀唔成書就唔可以拍拖? 讀書叻既人感情上就唔會比人呃?
兩者根本完全冇關係, 唔知點解可以拉埋一齊講

註冊日期: 2017-8-23

發表於 2020-4-5 11:01 | 顯示全部樓層
搵到比上一個拍拖對象更好,當然係有進步,但其實兩個都係爛橙,好應該丟咗去,再搵一個靚嘅(搵到的話,搵唔到時就寧缺勿濫)
其實大家都睇到,樓主今次呢個男朋友唔好得去邊,睇埋樓主之前同今次嘅post, 大家都勸過佢好多次,講過好多嘢,但樓主仍執住個爛橙,如果今次唔係同男朋友嘈節日無驚喜無禮物無氣氛,搞到出post 時仲未和好,樓主應該都仲係過緊唔出街,上男友屋企,陪男友媽/陪男友訓嘅日子炸。

人生要行得順利,不論係工作、同人相處交往,要思考能力同分析能力,無嘅就應該睇多啲文章、有個知識底,亦可以向身體嘅人問經取經驗嘅。相信有得揀都希望能早啲掌控竅門,避開生活上嘅陷阱,唔想自己撞到遍體鱗傷後先領悟當中嘅道理吧?

註冊日期: 2017-7-10

發表於 2020-4-5 13:40 | 顯示全部樓層
第一次拍拖,點可能鬥蠃姐姐⋯
而家個男朋友擺明唔鐘意你,鐘意你嘅人唔會係咁,你問返你自己,你會唔會好似佢對你咁對佢咪知囉!拍拖都係想兩個人一齊開心姐,而家都唔開心

註冊日期: 2013-12-6

發表於 2020-4-5 14:04 來自手機 | 顯示全部樓層
真心求奇搵男人,唔識愛自己,用男人定位自己既後果

註冊日期: 2013-12-6

發表於 2020-4-5 14:06 來自手機 | 顯示全部樓層
真心,樓主呢種咪就係有書唔好好讀,覺得有男人就夠,唔識愛自己錫自己,搵男人定義自己,然後覺得自己失敗既好例子。

註冊日期: 2010-12-5

發表於 2020-4-5 14:09 | 顯示全部樓層
莉莉_ 發表於 2020-4-5 11:01
搵到比上一個拍拖對象更好,當然係有進步,但其實兩個都係爛橙,好應該丟咗去,再搵一個靚嘅(搵到的話,搵 ...

所以同dse冇全2有咩關係? 同書讀唔好就學人拍拖係越級挑戰有咩關係?不如你講下dse考幾多分, 讀書讀到咩程度感情會順利d?
拍拖唔係紙上談兵, 睇幾多文章問幾多人到自己拍拖時係咪真係適用?

註冊日期: 2017-8-23

發表於 2020-4-5 14:54 | 顯示全部樓層
des 全2 即係全部科目合格,呢個係一樣標準,理應所有適齡學生都達到的水平,不合格有兩個原因,一,智力真的較低、二,無投放時間係讀書上。

之前已經講咗,思考能力同分析能力,係生活必需,而學業成績要高分,亦包含呢兩個元素(當然仲有其他,例如記憶力等)所以有一定反映。讀書高分唔代表情場上一定唔會俾人呃同好順利,情場仲講社交能力、同理心等。

如樓主願意思考一下,認清事情:會知道一個人愛另一個人,一定會想同對方生活上有更多交雜同交流,會明白和嘗試滿足對方嘅期望,例如樓主想係特別節目得到驚喜嘅心情,而唔係唔做之餘,到樓主生氣時仲懶理同hea 做 。

其實留言中,好幾個都請樓主好好讀書,然後再拍拖,我都係咁話

註冊日期: 2015-5-26

發表於 2020-4-5 16:56 來自手機 | 顯示全部樓層
拜託,後生女好好地比心機讀書啦!書都未讀好就掛住拍拖,人生唔係淨係談情說愛,你有責任去養活自己,照顧父母,思考究竟你嘅未來,而唔係係度無病呻吟!

註冊日期: 2010-12-5

發表於 2020-4-5 17:00 | 顯示全部樓層
成績同情場同樣包含左思考同分析能力呢2個元素,
同時你都舉出左要成績好同情場順利需要既其他因素,  
但因為中間有2項因素重疊就得出成績唔好就唔應該拍拖呢個結論會唔會太有趣?
你話樓主如果肯思考一下就會知愛一個人會點點點,
樓主出post咪就係因為佢覺得有問題囉, 如果唔係就唔會出post啦,
佢唔係唔知, 只係唔做, 你可以話佢感情用事唔夠理智, 但呢點就已經同學業無關

註冊日期: 2015-5-26

發表於 2020-4-5 17:00 來自手機 | 顯示全部樓層
無錯讀書唔係一切,但你連讀書都未做好學乜人去拍拖?你有咁嘅智力同心力去同唔同人相處周旋?坦白講拍拖係關係到你嘅未來,唔係話一齊就一齊,你連人心險惡都唔識分,不如正經讀好書揾到份好工,識多d人有人生經驗先再學人拍拖,你連自己想點都未知,費事你將來後悔啊
您需要登錄後才可以回帖 登錄 | 註冊

News
Feature
Blog
Load more
 
NOTIFICATION