{ FORUM - LOVE }
Search
Title / Tags Author

查看: 94106|回覆: 20

男友可能有個私生子...

[複製鏈接]

註冊日期: 2020-5-10

發表於 2020-5-10 11:15 | 顯示全部樓層 |閱讀模式
我今年30歲 男友同年 我地一齊左接近一年…
件事有D復雜,我真係好迷惘… 一路我男友都用一張bb相做電話wallpaper… 我一路以為果個係佢家姐個仔(我冇見過佢家姐個仔),冇諗過果個有可能係佢個仔…
事源係我早排同男友有D誤會, 因為果個誤會(個誤會唔關事既)所以我偷偷地走去check佢電話 …(我已經知衰亦好後悔 希望大家唔好focus on插我)
點知發現我男友同佢上一條女既一d對話(當時我未識佢) 對話唔算好完整,因為中間我男友試過同條女幾次分手、block佢、條女又搵新電話text佢… 雖然對話唔算好完整,但睇完都大概知發生咩事:條女同我男友一齊既時候已經結左婚有一個小朋友但佢一路瞞住我男友,我男友MONG盛盛做左第三者半年先知… 佢知左後有同條女分手但一來條女勁講埋曬D我同我老公已經冇感情同埋我會離婚同你一齊果D野 而我男友又係好易氹果D (我同佢鬧交都好易氹返佢) 再加上佢好感情用事 一投入一段感情就好難抽身,所以我男友比條女氹返一路等佢離婚
去到有個位條女同我男友講想同佢生仔(我唔知我男友果時點回應因為D對話唔係好完整)  我問返我男友佢話果時佢say no 佢話結左婚先諗生仔… 之後大約3個月後條女有左,當然條女一定會話個bb係我男友ga la… 而我男友又信… 我男友一開頭以為條女會離婚然後佢地會組織一個家庭,但再過一排發現條女跟本就冇意離婚,基本上條女唔想放棄原本既家庭,老公,個仔,屋仲有錢 等等… 佢唔想離婚但想繼續同我男友一齊因為佢聲稱個bb係佢既,但我男友就決定分手因為冇將來,我男友同條女講話如果個bb真係佢既咁就落左佢啦大家各行各路,但條女唔肯,最後都係分左手但bb照keep (當然條女老公唔知BB可能唔係佢既)
佢地冇聯絡左幾個月(其實條女一路都有keep住搵我男友 但我男友冇理) 去到條女生左之後,唔知係邊個聯絡邊個先,佢地就開始返聯絡… 條女有帶個bb比我男友見幾次(當然佢繼續話個bb係我男友既) 而條女亦都仲係仲想同我男友一齊,之後我男友比公司派左去某國家工幹2年 條女先至好似死心
我岩岩quit左自己份工去左搵我男友 所以發現左lee件事…
而果時(BB出世之後)我已經同我男友一齊左,即係話我同我男友岩岩拍拖果時我男友仲有見條女同個bb… 佢就同我講話佢果時只係care個bb唔care條女
我同男友對質佢一開頭講到個bb就爆喊 話好掛住個b… 我問佢你點個bb係你既 有冇驗過? 其實有冇諗過個bb有可能唔係你ga wor 佢話冇驗過… 佢話 “我都知其實好大可能唔係我既… 但我同過個BB相處過一段時間我真係放唔開… 就算唔係我既我好想攞返個bb… 我成日睇返電話d BB相都想喊” again, 佢真係好感情用事
之後我話 一來就算bb係你既但去到法庭個官通常都係判比個媽咪既
而如果你真係打算攞返個bb 對唔住 我接受唔到 我地分手啦
之後佢勁求我唔好分手… 去到某個位佢又突然可以放開個bb… delete曬所有相 block曬所有條女既contact… 佢話係我幫佢move on 跟住又應承我唔會再聯絡佢地… 佢亦唔再care人地個bb 亦唔會比任何人傷害佢未來既家庭
而家佢對我好好 但我對lee件事始終放唔開,我成日都會諗
1.     我男友之前愛條女愛到一個地步甘心做第三者一段時間lee樣野本身就難接受
2.     不過最難接受既都係佢有可能有個私生子呢件事… 而家基本上冇方法知到底個bb係咪佢既… 除非佢走去搵條女話要驗DNA… 不過我當然唔想咁,萬一驗左真係我男友既咁點算…
我又成日諗d電視情節 可能第時佢人到晚年想認返個仔(個bb係仔) 又或者條女同佢老公有D問題 要我男友照顧返個小朋友…又或者我男友第時想要個仔 但我地只有女 (雖然佢同佢屋企都唔係重男輕女)…
再加上我覺得某程度上條女肯放手係因為我男友要去第二度工幹,但黎緊佢會返返香港因為搵到新工,我驚條女如果知佢返香港又會糾纏OR我男友會想見個bb
雖然佢而家對我好好 但我真係好難唔諗好難唔擔心… 而我因為自己成日諗已經發左佢好多次脾氣佢都硬食好多次… 我知我唔可以咁,我知如果我接受唔到既就應該分手,唔分手既就要努力去接受…
分手我又覺得好sad加上自己年紀唔細又要搵新一個… 唔分手又會擔心將來d電視情節會唔會發生O係我身上…好苦惱

回覆
+ Favorite

舉報

註冊日期: 2019-7-24

發表於 2020-5-10 13:02 | 顯示全部樓層
好似驗清楚個b係咪你男友先好啲,如果係嘅就強硬分手啦,你擔心嘅好有可能成真。唔係先再慢慢考慮俾唔俾機會佢

註冊日期: 2020-5-10

 樓主| 發表於 2020-5-10 14:15 來自手機 | 顯示全部樓層
好多謝你既意見... 我真係好迷惘
我好明白你既睇法
但要驗既話就代表要聯絡條女而我男友唔想再聯絡,佢寧願就咁各行各路
而我其實都唔係好想佢驗(有d逃避心態)
我驚驗左真係佢既我男友好難可以放得開,而條女更加可能會咬住唔放

註冊日期: 2016-7-12

發表於 2020-5-10 14:47 | 顯示全部樓層
驗咗係佢個仔就堅決分手,如果唔係驗唻都冇用。

註冊日期: 2015-4-9

發表於 2020-5-11 01:14 來自手機 | 顯示全部樓層
一個感情用事的男人,只是個廢柴,樓主再不閃人,只會被他們的問題煩死

但車車仲想有花生食,仲想情場低能奇觀有野可以寫呀,你地唔好分手呀XDDDD

註冊日期: 2020-5-10

 樓主| 發表於 2020-5-11 12:31 來自手機 | 顯示全部樓層
唉我自己都覺得好似d狗血電視劇??‍♀️
我男友唔肯驗,因為佢話一來唔想再聯絡條女,二來就算驗左係佢既又點,都唔會改變d咩而佢亦唔會相認果d...
但我走去search條女同條女個老公既Facebook... 發現個bb條眉好似我男友... 唔似條女or條女老公條眉... 唉

註冊日期: 2016-7-12

發表於 2020-5-11 12:35 | 顯示全部樓層
be12345 發表於 2020-5-11 12:31
唉我自己都覺得好似d狗血電視劇??‍♀️
我男友唔肯驗,因為佢話一來唔想再聯絡條女,二來就算驗左係佢既又 ...

唔相認咁佢點解用張bb相做電話wallpaper?

註冊日期: 2020-5-10

 樓主| 發表於 2020-5-12 06:30 來自手機 | 顯示全部樓層
佢過果個係過去既佢
而家既佢只focus on將來建立自己既家庭,唔會相認wor @[email protected]

註冊日期: 2017-3-20

發表於 2020-5-14 00:29 | 顯示全部樓層
本帖最後由 靈靈@hk 於 2020-5-14 00:32 編輯

我絕對支持驗一次DNA,因為樓主你立場已經講得好清楚,如果你男友想接個B番身邊,你接受不到。如果個B真係你男友的,他有好大機會真係會去爭一爭。

別忘了個B的身分早已是定局,你驗不驗個事實都不會變。但你男友的想法卻是隨時可變,一日唔驗,他永遠都會吊住條癮,而他的決定是你絕對無法控制的。與其留個你無法掌握的定時炸彈在身邊,不如趁早找出真相,你自己也有機會思考到底要接受定止蝕走人。

否則將來婚都結埋他先同你講就算同對方死過都要接番個B...你仲衰。千萬不要低估一個人認定了某種親人的力量。

註冊日期: 2020-5-10

 樓主| 發表於 2020-5-15 12:03 來自手機 | 顯示全部樓層
多謝大家既意見。
我男友已經block左同del左條女既電話, 所以唯有unblock左條女既Facebook send message比佢同佢講想驗... 但過左2日都冇覆...

註冊日期: 2015-5-21

發表於 2020-5-15 17:01 | 顯示全部樓層
如果你覺得未來想繼續同呢個男人一齊,最好可以約個女人,你地3個人面對面傾,以現任女朋友姿態,大方咁出現。
1.令你男朋友覺得你好好,願意接受佢ge過去,你系唯一真心愛佢ge人。佢會釋懷自己,重獲新生,更愛你。
2.俾個下馬威佢前度,了結呢個孽戀
3.同樣可以放過自己,吾需要每日好大壓力,擔驚受怕。

你要加油,其實冷靜諗,情況都吾系真係咁壞。

註冊日期: 2019-11-20

發表於 2020-5-15 17:35 | 顯示全部樓層
B係米自己經手都會知 再唔係睇個b個樣似唔似佢定似條女老公

註冊日期: 2020-5-10

 樓主| 發表於 2020-5-18 22:40 來自手機 | 顯示全部樓層
多謝大家既意見...
已經試過去搵條女,但佢潛左水... 所以唔知點好
我男友堅持佢有做保護操施 所以佢覺得好大可能個bb唔係佢既 只係條女唔想分手先呃佢(當然我都明有可能有意外)
我都有起條女底睇下個b似邊個但暫時睇唔出... 因為覺得個b似條女...

註冊日期: 2017-11-6

發表於 2020-5-19 17:16 | 顯示全部樓層
其實分手嘅理由從來都唔可以因為自己年紀大怕冇人要已綁死自己...

註冊日期: 2020-5-18

發表於 2020-5-20 05:43 | 顯示全部樓層
依家知咪好, 好在未結婚

註冊日期: 2020-5-18

發表於 2020-5-20 05:47 | 顯示全部樓層
しずく 發表於 2020-5-19 17:16
其實分手嘅理由從來都唔可以因為自己年紀大怕冇人要已綁死自己...

呢樣係最豬, 就這原因把一生的幸福斷送, 呢D都係人地隨口up

註冊日期: 2020-5-21

發表於 2020-5-22 07:00 | 顯示全部樓層
Winnie7k 發表於 2020-5-20 05:43
依家知咪好, 好在未結婚

應該慶幸你早知

註冊日期: 2015-6-28

發表於 2020-5-25 10:54 | 顯示全部樓層
可能你男朋友根本放低唔到佢,所以仲存有希望?
搵你做水泡....可能係激前任

註冊日期: 2019-7-6

發表於 2020-5-28 08:01 | 顯示全部樓層
遲早問題都要解決 萬一以後驗咗真係咁點算? 係就快啦

註冊日期: 2020-5-10

 樓主| 發表於 2020-6-26 08:09 | 顯示全部樓層
多謝大家
我決定分手了

其實上次偷睇佢手機除左發現疑似私生子之外仲發現佢同d女flirt
不過佢誓神X願話同d女冇野濟flirt同埋又誓神X願話唔會再flirt我先算佢

過去lee個月本來想試下努力下

點知岩岩發現佢又同女flirt 佢聲稱係最近因為我地前一晚一齊睇睇外國真人show 見到d人互flirt佢覺得好玩所以玩
雖然佢有同條女講"我係因為睇左電視覺得好玩先同你flirt" (我睇到佢真係有咁講)
但我真係接受唔到佢咁樣flirt 仲要係上一次之後我已經好明確咁同佢講左100次我連flirt都接受唔到

所以 決定要分手了......
您需要登錄後才可以回帖 登錄 | 註冊

News
Feature
Blog
Load more
 
NOTIFICATION