{ FORUM - LOVE }
Search
Title / Tags Author

查看: 42963|回覆: 45

救命

[複製鏈接]

註冊日期: 2020-6-21

發表於 2020-6-21 02:36 | 顯示全部樓層 |閱讀模式
我地拍拖有十年 ,久唔久都有鬧交。成日話結婚。一年半前結咗婚之後有咗,跟住BB出咗世。BB身體有啲毛病需要食藥,我同我老公就開始鬧交因為BB成日都要食奶,冇得解夜奶。之後問題就開始出現,我本身有做嘢,交俾我媽咪湊BB,之後媽咪頂唔順,叫我唔好做自己湊番。跟住我媽打俾99,話左99幾句。跟住之後屋企就六國大風上,我又辭職自己湊BB,我同我老公就開始鬧交,因為上次我媽咪話我99,跟住佢打去鬧我媽咪,其實我覺得佢哋輩分嘈交都係佢哋嘅事,我老公唔應該打鬧我媽。基於我媽咪仲幫手湊緊bb。其實我同我老公因為BB食奶問題都鬧過好多次交,加上佢鬧我媽咪。我心?好大條翅。大家覺得應唔應該同我媽咪道歉
回覆
+ Favorite

舉報

註冊日期: 2018-3-12

發表於 2020-6-21 13:28 | 顯示全部樓層
為左食奶嘈d咩?
你媽咪唔應該打去罵你99
如果你老公打去罵你媽有錯 要佢道歉
敢你同你99都要道歉

註冊日期: 2020-6-21

 樓主| 發表於 2020-6-21 14:18 | 顯示全部樓層
我有同我奶奶道歉,因為我嫁左過黎就2年,佢晚晚都唔煮飯。我大肚又無整過野我食。
成日掛住返工搵錢。
佢覺得我媽咪踩中咗佢條底線,就係話佢媽咪。佢話佢死都唔會道歉

註冊日期: 2014-3-30

發表於 2020-6-21 14:53 | 顯示全部樓層
成日掛住番工搵錢 ??????咁佢有能力搵錢 又唔係一定要幫你湊BB ga

註冊日期: 2020-1-27

發表於 2020-6-21 15:02 | 顯示全部樓層
其實你諗使唔使道歉
不如諗下點解決湊BB問題
冇左呢個問題
你家人就唔會嘈交啦

註冊日期: 2010-12-5

發表於 2020-6-21 15:52 | 顯示全部樓層
Kylie-88 發表於 2020-6-21 14:18
我有同我奶奶道歉,因為我嫁左過黎就2年,佢晚晚都唔煮飯。我大肚又無整過野我食。
成日掛住返工搵錢。
佢 ...

如果你奶奶有返工, 冇理由叫佢唔好返工幫你湊b, 你自己出去返工架喎,
同埋你奶奶都有返工, 點解要佢煮野比你食, 你煮比佢食唔得咩?
生bb係你同你老公既決定, 生完點照顧bb都係你2個既責任,
不論你阿媽定奶奶幫手湊係人情, 唔幫亦都冇得怪佢地,
唔明點解樓主會話奶奶成日掛住返工搵錢, 講到奶奶返工有錯咁

註冊日期: 2017-3-20

發表於 2020-6-21 16:56 | 顯示全部樓層
本帖最後由 靈靈@hk 於 2020-6-21 16:58 編輯

你的問題在於你將別人的付出看得太理所當然。世界上無任何人有義務幫你顧仔,幫你煮飯,照顧你,除左你老公

養育小朋友的責任由始至終都在你和老公身上,是因為你們兩個自己顧唔掂,先要阿媽奶奶幫忙,先會衍生後面所有問題。阿媽和奶奶肯幫你,你都要唔該前唔該後啦,如果仲覺得人地做得唔足,只能說你地夫婦仲未有做父母的覺悟

個B咁細就緊係會食夜奶,如果連呢類必然會發生的事都不能夠好好溝通,將來有排嘈

btw, 你媽打電話去鬧親家這行為真心豬隊友,典型幫不到忙仲令件事更worse。你老公去鬧番你媽,完全是維護家人的行為,你嬲可以理解,但其實你無資格嬲。呢d唔關輩份事,你媽俾後輩鬧你會心痛,人地阿媽被平輩鬧就要啞忍?

註冊日期: 2015-8-22

發表於 2020-6-21 17:08 | 顯示全部樓層
煑飯同整野你食唔係老馮,要生BB就應該自己兩公婆解決,而唔係指意自己阿媽同奶奶幫。

註冊日期: 2020-6-21

 樓主| 發表於 2020-6-21 18:36 | 顯示全部樓層
我明。我媽咪唔係鬧,係話佢放假都唔煮餐食。搞到成日食外賣。

我老公就係覺得我生得 就要湊。完全唔會幫我,叫佢餵一餐,就覺得佢搵錢大曬。
bb本身係因為一d野。所以唔介得夜奶。咁我覺得99比人話2句。反到黎大做文長。之後講到幾可憐。都算,咁我老公,唔洗句句粗口咁飛埋我媽到。

註冊日期: 2020-6-21

 樓主| 發表於 2020-6-21 18:45 | 顯示全部樓層
我明。但我老公覺得生左。我係老母就要湊,佢就可以打機,出去玩。

我無話99煮唔煮飯係好大問題。問題係佢成日食飯都揀我餵奶個鐘數去食。
之前我就食餸頭餸尾。 我媽幫手湊,佢又話我媽湊得唔好,又點點點,咁呀99係佢心目中就一百分!

註冊日期: 2020-1-27

發表於 2020-6-21 19:39 | 顯示全部樓層
BB出世後嘅問題同埋婆媳糾紛都係周圍會發生嘅問題
好平常

但你母親打去鬧你奶奶呢下就真係唔理解囉,唔抵幫!

註冊日期: 2017-3-20

發表於 2020-6-21 23:25 | 顯示全部樓層
Kylie-88 發表於 2020-6-21 18:45
我明。但我老公覺得生左。我係老母就要湊,佢就可以打機,出去玩。

我無話99煮唔煮飯係好大問題。問題係佢 ...

如果你講到話老公覺得湊仔完全是女人的責任,你照顧緊個B他連留起飯餸俾你都唔識,咁呢d已經係你揀男人層面的問題了,外人俾唔到意見的

註冊日期: 2015-8-22

發表於 2020-6-21 23:51 | 顯示全部樓層
你覺得奶奶咁大問題咪搬出去住囉,照顧自己bb係你兩公婆責任,老公自私唔理亦冇得怨,係你自己揀。

註冊日期: 2015-4-9

發表於 2020-6-22 03:02 來自手機 | 顯示全部樓層
好耐冇睇過呢d六國大封相
最慘都係個小朋友,對住個咁既老母⋯⋯XDDDD

註冊日期: 2020-6-21

 樓主| 發表於 2020-6-22 03:31 | 顯示全部樓層
以前唔係咁架。自從有左小朋友就變。我以前ot到幾夜,有煮既都會留比我。

某程度上我覺得99過份偏心,佢啲阿哥家姐返嚟就大魚大肉,一定有好餸食。我明係佢d仔女。咁你唔煮無所謂,我一星期返娘家食一餐,又有說話比我聽,又話我成日返娘家唔好,咁佢個女日日返黎坐就無問題?我真係唔明,我應該點做。

註冊日期: 2020-6-21

 樓主| 發表於 2020-6-22 03:33 | 顯示全部樓層
Warwick999 發表於 2020-6-21 11:51
我明。但我老公覺得生左。我係老母就要湊,佢就可以打機,出去玩。

我無話99煮唔煮飯係好大問題。問題係佢成日食飯都揀我餵奶個鐘數去食。
之前我就食餸頭餸尾。 我媽幫手湊,佢又話我媽湊得唔好,又點點點,咁呀99係佢心目中就一百分!

結婚果時已經用曬所有錢,去裝修。
之前未結婚都好地地,一結左緍。全部原形畢露。我只可以話 ,佢地隱藏得好好!

註冊日期: 2020-6-21

發表於 2020-6-22 06:11 來自手機 | 顯示全部樓層
你直頭畀你老公恰到上心口

註冊日期: 2018-6-20

發表於 2020-6-22 06:56 來自手機 | 顯示全部樓層
你老公係豬隊友嚟喎

註冊日期: 2018-3-12

發表於 2020-6-22 09:32 | 顯示全部樓層
既然講到你99偏心係正常 敢你計較d咩?你阿媽打去罵你99 講真都係因為你同你媽講得太多你99壞話 其實最需要解決係你同你老公對於湊仔嘅問題 你老公願承擔 了解你 你怨氣都會少d啦

註冊日期: 2015-1-12

發表於 2020-6-22 10:36 | 顯示全部樓層
既然你覺得男家對你咁差,點解唔搬出去住/搬返外家? 老公已經揀錯左,接受唔到一係離婚。 其實上面已經有sis建議你搬出黎住,你又唔理人,仲問自己應該點做? 你講黎講去其實都主要係呻你奶奶,但你奶奶真係無責任去照顧你地的,唔好同自己媽媽比較完走去怪奶奶。

有問題就自己用行動去解決, 呻同埋怪人都無用的,人地唔會無啦啦為你改變,唔好咁自我中心得唔得?
您需要登錄後才可以回帖 登錄 | 註冊

News
Feature
Blog
Load more
 
NOTIFICATION