{ FORUM - LOVE }
Search
Title / Tags Author

查看: 1778|回覆: 9

[mimi] 婚外情 (長文...)

[複製鏈接]

註冊日期: 2020-7-3

發表於 2020-7-3 18:38 來自手機 | 顯示全部樓層 |閱讀模式
女 已婚第三年 老公好錫我 好痴身 但給予好大自由度

3個月前轉工 識左個男同事 大2年 已婚第二年 老婆視佢為生命全部 極度痴身

頭兩個月 因為大家唔同team 其實都無咩交流
到第三個月 開始發現自己唔多適合份工 諗緊襯試用期內遞信
機緣巧合下 同男同事展開左第一次傾計...
言談間 發現大家想法同理念都好相近 慢慢熟落 話題漸漸由工事變為私事
好快 自己喺試用期內就quit左 farewell果日 男同事送我返屋企

之後 大家都有keep住whatsapp同傾下電話
男同事有主動約我出去食飯同飲野 都係傾計多
唔知由幾時開始 大家對彼此好似多左一份感覺
之後 就展開左地下情...

最初 大家都對呢種咁特別嘅關係珍而重之 因為覺得彼此都好明白自己 (第一次明白心有靈犀係咩感覺...)
最神奇係 就算唔講 都知大家內心諗法 就係因為呢種感應令大家好珍惜對方

過左無耐 男同事屋企發生左d事 呢個時候 我陪伴左喺佢身邊
而佢 因為屋企嘅事 佢開始覺得老婆同自己完全唔同步 甚至唔知佢諗緊咩

而我 早兩日發生左d事 又係覺得老公唔明我諗法 令我萌生review呢段關係嘅念頭...

補充資料:
同男同事覺得好夾嘅原因 唔係單純覺得好夾 而係自己嘅想法好似比對方完全read到... 咁大個人 好似第一次有呢種感覺 最深刻嘅係 我地其實只係識左一個月
呢種感覺 係我同老公(拍拖連結婚5年半) 男同事同老婆(拍拖連結婚7年) 都未曾有過的心靈相通

早兩日 男同事老婆發現左我地嘅事 當晚同傾通宵 男同事堅稱只係朋友 言談間 男同事話 佢老婆有提過離婚 但係 佢果刻好冷靜...

今日 我地原本約左去飲野傾計 男同事話因為佢老婆發現左 要取消
而且 佢不斷問我 其實有無離開嘅念頭 我無正面答佢(其實有過...) 而又其實 就算我唔講 佢係sense到 要嘅只係我confirmation
而且 只要我confirm 佢會即刻行動 然後帶走我...

到左呢刻 不斷喺度諗
老公對自己好好 好到咩都就晒自己 甚至將自己視為生命中心點
老公要的好簡單 見到我開心 佢就會開心
問題係 佢好多時都唔知自己諗緊乜 有時覺得 一齊咁多年都唔了解 其實好無奈...

而男同事 相處時間好短 但係比我自己嘅感覺 係前所未有 好獨特
問題係 時間太短 其實係咪真係了解大家 相見同相處 始終係兩回事...

一個對自己好 但唔了解自己諗法
一個明白自己 但時間尚短

其實 我應該點......
回覆
+ Favorite

舉報

註冊日期: 2019-12-30

發表於 2020-7-3 19:04 | 顯示全部樓層
感情其實係無對錯,你問自己老咗,仲係身邊既會係邊個,你就知點揀。
外面世界當然好吸引,但理性咁諗,男同事條件上係咪值得你離開你老公呢?
同埋你係咪已經唔再鍾意你老公呢?如果已經唔鍾意,我係支持你放生佢既~~

註冊日期: 2015-8-22

發表於 2020-7-3 19:08 | 顯示全部樓層
應該决定同邊個一齊,一脚踏两船係賤人

註冊日期: 2020-5-5

發表於 2020-7-3 21:34 | 顯示全部樓層
唔好為咗一時新鮮感而放棄多年感情。
如果你地選擇一齊,係破壞咗兩個大好家庭。

註冊日期: 2016-7-12

發表於 2020-7-4 00:09 | 顯示全部樓層
值唔值得賭呢一舖真係你自己先能夠決定,總之揀邊條路有咩後果就自己承擔返啦。

註冊日期: 2017-3-20

發表於 2020-7-4 01:11 | 顯示全部樓層
你現在最大的問題是,你對婚外的男人根本唔係無左他會死的那種深愛,你純粹覺得他好過你老公又有新鮮感。但如果同你講你揀呢個男人的話,你100%會在所有認識的人當中身敗名裂、從此眾叛親離,前夫對你恨之入骨,你咩都無曬就只得番呢個男同事,你換不換?可能你直覺會是no way

所以其實你只不過是在賭一個可能性,
賭你們雙方離婚一切順利低調又無咩人知情,
賭男同事老婆不會最後一刻覺得仲係好愛她老公唔想離婚,
賭男同事對結婚多年的老婆完全不會心軟,
賭他老婆父母不會為左個女豁出去要求男同事父母俾個交代,
賭他嗰邊唔會搞到人盡皆知,
賭他不會承受唔住世俗眼光臨尾一刻同你講不如算啦,而你嗰邊已經離左婚或者一早爆左煲番唔到轉頭,
賭他只會講大話欺騙他老婆而不會用同樣手段欺騙你

又或者,你賭的是你好老公會愛你愛到甘願放手俾你去追求"真愛",而又不會因為你的背叛痛苦到有一刻看不開做傻事?萬一發生,你有無自信可以帶住呢個慘劇當無事繼續開心拍拖?

又或者,你老公跪曬喊曬求你唔好走,你心大心細,但男同事已經離左婚威脅你如果唔離就大家攬炒,到時點解決你諗過未?

兩個都有家庭的人要各自離婚再一齊,中間可以有N咁多種變數。人做選擇不能只考慮如果成功會得到d咩,也要停下來想想萬一失敗會失去的東西,值不值得換你現在手上擁有的一切

註冊日期: 2018-3-12

發表於 2020-7-4 07:47 | 顯示全部樓層
我覺得你應該要求自己同個男同事完全唔聯絡一段時間先 睇吓自己對老公嘅感覺究竟係點 同埋 最後如果你捨得你老公傷心的話 敢已經決定左
講真 我信男女之間係有純友誼 知己嗰種 可能係因為我都有 但我唔會因為個男性朋友仲好傾過老公 同佢理念、政治、價值觀更相近而去中意左男性朋友
你要認清究竟對佢係咪真係要中意到要離開你老公

註冊日期: 2018-9-6

發表於 2020-7-4 08:42 來自手機 | 顯示全部樓層
剃人頭者人必剃其頭,世上會有第三甚至第四個更好的男人,你離得幾多次婚?(-。-;

註冊日期: 2016-5-3

發表於 2020-7-4 17:14 來自手機 | 顯示全部樓層
睇完第一行字覺得好悲哀,對你好反過來傷害返佢自己,好同意樓上所講老左邊個仲會係身邊,試諗返佢對你屋企人咁耐所做嘅事,而家唔淨只你兩個人嘅事,係關乎兩個家庭所建立嘅關係,交流係相向,成世人流流長可以慢慢引導,就算對方比較遲鈍都唔應該係背棄對方嘅理由

註冊日期: 2016-5-3

發表於 2020-7-4 17:22 來自手機 | 顯示全部樓層
分享個例子,我有舊同學同前夫都係獨生,當初情況跟樓主差唔多最後選擇背棄前夫,但前夫一樣對待外父外母係自己屋企人,有病搵埋醫生又陪埋出入醫院,呢種關係就算親生都未必會有,結果舊同學同新歡相識年半結婚,兩年後再離婚
您需要登錄後才可以回帖 登錄 | 註冊

News
Feature
Blog
Load more
 
NOTIFICATION