{ FORUM - LOVE }
Search
Title / Tags Author

查看: 7713|回覆: 9

男朋友想揼邪骨!(長文慎入,no fb)

[複製鏈接]

註冊日期: 2020-8-31

發表於 2020-8-31 02:01 | 顯示全部樓層 |閱讀模式
同男朋友一齊左差唔多兩年半,尋日無意間起隱藏信息發現佢一年前WhatsApp 想約個女仔揼邪骨,但時間唔岩最後約唔成。

我問佢,佢一開頭話唔記得,唔係我諗咁,之後諗左好耐話記起個女仔係整DIY手鏈,想整比我,所以冇同我講。佢話佢咬牙切齒話自己冇講大話,叫我信佢,肯發誓,我個刻真係信左。但諗下諗下,理由好牽強,所有證據根本都冇可能。一值問左佢好耐,佢先肯認,佢話佢個日好攰,上網search 想揼骨,就見到依d野,一時諗歪左,但佢話佢最後都冇去到,亦從來冇去過。

好心痛,我一諗起就好想喊,唔敢同屋企人朋友講,男朋友起屋企人同朋友嘅形象都係好專一,對我好。我識左佢咁耐,以我認識佢嘅為人佢係唔會做依d野,我突然覺得依個人好陌生。佢一值都好包容我,有時明明係我錯,我發脾氣佢都會主動氹番我。佢對我屋企人好好,每次上嚟我屋企都會買野食上去,有時去邊又會車出車入。

佢不停同我講對唔住,跪起度求我叫我唔好離開佢,話好驚冇左我,冇左我唔得,叫我原諒佢。話佢同我一齊左咁耐,淨係做錯依樣野,平時都好少同異性聯絡。我唔知應該點呀,我係愛佢架,我都知佢好愛我。但我以後都會記得依件事,同我對佢嘅信任已經大減。我唔知我應唔應該原諒佢繼續同佢一齊?sis你地會點決擇?
回覆
+ Favorite

舉報

註冊日期: 2020-8-31

發表於 2020-8-31 03:42 | 顯示全部樓層
最主要睇你過唔過到自己個關,一段感情總會遇到一些考驗,如果你原諒佢就要選擇相信,大家一齊努力面對,件事過左咁耐好難搵到證據,就算搵到最受傷嗰個都係你自己,唔好急於做決定,俾啲時間自己諗清楚。

註冊日期: 2017-3-20

發表於 2020-8-31 09:00 | 顯示全部樓層
本帖最後由 靈靈@hk 於 2020-8-31 09:02 編輯

我覺得你將件事諗得嚴重左。
每個人心裡都會有歪念和黑暗面,包括你自己,只是視乎有無遇著個契機令你覺得疑似有機會實踐。

即係當你某日發現一大箱現金,唔係新鈔又無任何標記的,你望下四周一粒人都無,亦肯定不可能有cam。我諗大部分人都會有一下閃過的念頭好想將其據為己有。而好人同壞人的分別,就在於好人在幻想過後會知道自己的道德底線,知道咩係唔可以做;而壞人會無視掉心裡告訴自己不可以的聲音,不計算後果地滿足自己的歪念。

形象專一好愛你,充其量也只是個好男人,不足以令他變聖人。
男友同自己認知的有分別,當然會有d shocked,但你要記住一點,他無去就係無去,呢個先係唯一的事實。除非你真鐵了心要分手,否則你再道德審判他完全無意思。
(如果你無打算分手,卻去考慮同屋企人講就更加...)

記得切勿將人性幻想得太完美,否則你對大部分人類都會失望。

註冊日期: 2020-8-31

 樓主| 發表於 2020-8-31 21:22 | 顯示全部樓層
靈靈@hk 發表於 2020-8-31 08:59
本帖最後由 靈靈@hk 於 2020-8-31 09:02 編輯

我覺得你將件事諗得嚴重左。
每個人心裡都會有歪念和黑暗面,包括你自己,只是視乎有無遇著個契機令你覺得疑似有機會實踐。

即係當你某日發現一大箱現金,唔係新鈔又無任何標記的,你望下四周一粒人都無,亦肯定不可能有cam。我諗大部分人都會有一下閃過的念頭好想將其據為己有。而好人同壞人的分別,就在於好人在幻想過後會知道自己的道德底線,知道咩係唔可以做;而壞人會無視掉心裡告訴自己不可以的聲音,不計算後果地滿足自己的歪念。

形象專一好愛你,充其量也只是個好男人,不足以令他變聖人。
男友同自己認知的有分別,當然會有d shocked,但你要記住一點,他無去就係無去,呢個先係唯一的事實。除非你真鐵了心要分手,否則你再道德審判他完全無意思。
(如果你無打算分手,卻去考慮同屋企人講就更加...)

記得切勿將人性幻想得太完美,否則你對大部分人類都會失望。

但我唔知佢係唔係真係冇去過呀,睇佢地WhatsApp 對話好似好熟咁,一問就問個女仔今日有冇時間?約唔成我男朋友仲話咁下次啊。同埋d咁危險嘅message 點解唔即時del左佢,仲要留低證據。除非想方便再有下一次

註冊日期: 2017-3-20

發表於 2020-9-1 00:14 | 顯示全部樓層
yanyannas 發表於 2020-8-31 21:22
但我唔知佢係唔係真係冇去過呀,睇佢地WhatsApp 對話好似好熟咁,一問就問個女仔今日有冇時間?約唔成我 ...

我們只能根據你提供的info分析,如果你覺得其實有更多你未挖到的真相,或者有d蛛絲馬跡令你相信其實出軌已經發生,咁就要重新研究。

不過,你現在起碼已經知道呢個人不是完全是你以前印象中咁,咁你不如在發現最底那層之前先問下自己,如果真係有出軌你有咩打算?
咩程度你會原諒?咩程度你會放手?定係無論點只要他認錯其實你都仲有機會可以俾?
事先諗好自己的底線,一定好過真相殺到埋黎時企響度得個shocked字

註冊日期: 2020-9-3

發表於 2020-9-3 23:35 來自手機 | 顯示全部樓層
仲愛既話,就要坦誠溝通,但要係你自己可以平心靜氣下傾
我覺得樓主要搞清楚你男友本身性喜好同性幻想係點
可能有啲嘢佢唔方便開口要求你,唯有一路靠出面(你懷疑佢搵開同一個)
我係你,就當佢做咗咁去諗
好好了解下先
仍然愛,佢講多啲心底話
可能係令關係更好都唔定

註冊日期: 2009-8-20

發表於 2020-9-4 02:37 | 顯示全部樓層
每個人都總有啲位你係覺得「接受唔到」,問題在於你係咪可以妥協咁解⋯
我其實試過你嘅感受,因為我老公又係俾人好老實嘅感覺,又係對我好遷就;然後有日知道佢呃我嘅時候,真係覺得呢個人好陌生;佢好鍾意順口開河講大話,雖然都係啲小事(真係好小事,可以完全同異性無關,有時可能只係佢單拖落街食飯,但就呃我話佢留喺屋企無出街),但我真係接受唔到,覺得你無事無幹都講大話,有咩大事我咪俾人呃到透?同佢嘈過好多次,嘈到我會為呢啲事喊,佢次次話改,但過一排就又發生;係近年生咗個仔,佢先真係戒左,唔會亂講野(相信係佢都唔想個仔覺得佢講大話)⋯
我自己係俾左條底線自己,至少我真係無證據佢出軌,佢又證明到佢之後講嘅「真話」都係「真話」,所以一直都係容忍,容忍到結埋婚,生埋小朋友⋯
你可以試吓俾啲時間睇清楚佢,如果佢無再接觸,無再同呢個女性來往(我係你我會要求佢del左呢位異性朋友,唔會容許佢哋再來往),我覺得咁件事就真係算過去式,咁你就當佢一時諗歪啦,人總會錯,佢肯面對同為你而改,我覺得已經好好!
畢竟要遇到個錫自己、包容自己小任性嘅人,真係唔容易⋯
(最緊要真係唔可以出軌!呢樣野唔可以包容!)

註冊日期: 2020-11-16

發表於 2020-11-16 16:43 | 顯示全部樓層
睇你接唔接受到佢曾經做過呢件事啦

註冊日期: 2017-9-29

發表於 2020-11-17 13:32 | 顯示全部樓層
條刺永遠係心到, 有日佢忽然出左去, 聽唔到你電話or覆遲左你message, 可能佢真係一時聽唔到電話, 但你個腦就會不停loop返呢件事。我係過來人, 最後畀你捱得到一年...兩年...三年...始終都係會分開。
如果你選擇繼續一齊就真係要畀心理準備自己, 頭一段時間會好難捱, 要堅持到先得

註冊日期: 2020-8-31

 樓主| 發表於 2020-11-23 00:03 | 顯示全部樓層
兩個月後,發現男朋友仲有野呃我。原來佢係起Twitter 開左個account 專係睇鹹嘢,睇完之後仲會撩啲女仔傾偈,讚佢地你好正呀,睇你條片睇到硬曬......唔止一次,好多次,仲會比錢買素人d咸片。經過左上次大鬧之後,都有繼續做。
我真係唔知點,仲應該原諒佢嗎?定係分手?
您需要登錄後才可以回帖 登錄 | 註冊

News
Feature
Blog
Load more
 
NOTIFICATION