{ LIFESTYLE }
17 Feb 2020
《怪奇物語4》先導預告曝光 Hopper警長再次現身成劇情關鍵?!

超人氣劇集《怪奇物語》即將開拍第四季,上回劇情講到主角eleven已失去超能力,連警長Hopper都生死未卜,唔少人都猜疑警長究竟係「詐死」定真係犧牲自己,今次最新預告竟然揭開謎底?!



係Netflix最新先導預告中,鏡頭聚焦係冰天雪地嘅小鎮,鎮上有多名工人埋頭工作,其中一個「工人」除低帽子時,竟然發現佢就係上集壯烈犧牲嘅Hopper!唯一唔同嘅係,預告中嘅Hopper剃成光頭,望落仲消瘦咗一個碼,未知佢嘅出現會對第四季劇情有咩影響,不過可以見到警長「翻生」,已經令「怪奇」粉絲超級興奮!




雖然預告只有短短幾秒,未能知道第四季故事精要。不過據外媒報導,最新一季中會講述更多關於俄羅斯,蘇聯實驗室等故事。承接翻上季伏筆,怪物嘅來源,詳細資料等謎底,今季有機會逐一解答。除此之外,小隊中嘅成員係上集各散東西,包括戀人Nancy同Johnathan,呢對小情侶究竟經唔經得起遠距離變愛?Hopper嘅愛情又有無機會開花結果?,一切都要耐心等待劇集出爐先有結論!



News
Feature
Blog
Load more
 
NOTIFICATION