{ LIFESTYLE }
20 Feb 2020
【偷食三年】東出昌大潛水一個月終露面 坦認後悔「我應該什麼都沒了」

東出昌大早前被爆偷食唐田英里佳,兩人足足出軌近三年,事件令渡邊杏相當受傷,更將東出踢出住所,獨力照顧三個仔女。事件令原本處於事業高峰嘅東出,失去所有廣告同工作,更要賠償高達5億違約金。事件發生接近一個月後,東出終於肯面對媒體,並向所有人深深致歉。


日媒《週刊文春》早前突擊捕捉東出昌大,被問到偷食事件時,東出坦言自己非常後悔:「我真的做了很抱歉的事。」除咗對唔住太太之外,形象插水嘅佢,將要面臨退出娛樂圈嘅危機:「至於工作…我應該什麼都沒了。作為演員,今後的工作也不是我想做,便可以做得成的。」 ​​​​


現時東出昌大可以話係接近被封殺,原本同長澤正美嘅合作電影《信用詐欺師JP 公主篇》都受影響,片商正考慮將東出戲份全刪掉,生怕票房受佢拖累。經過今次醜聞後,相信東出昌大亦難以翻身,連同唐田英里佳下場一樣,無法再係呢行立足。

News
Feature
Blog
Load more
 
NOTIFICATION