{ LIFESTYLE }
12 Nov 2019
【愛的迫降】玄彬逃唔過中年發福命運?!網友笑新髮型同姜虎東超似!

要數到年尾最矚目韓劇,由韓國型男男神玄彬同緋聞女友孫藝珍嘅新劇《愛的迫降》一定係其中之一啦!劇集將於下月14日首播,而製作組最近亦開始發佈有關嘅海報同幕後花絮,日前二人更為韓國高考學生拍片打氣,不過玄彬嘅面型就發福不少,但網友直言肥咗依然咁靚仔!




出道十五年,今年已經37歲嘅玄彬,似乎逃唔過中年發福嘅命運。係短片中佢就穿上啡色外套,面型上比過往肥咗少少,但魅力十足。不過髮型就被網友笑言,同國民MC姜虎東100%相似!

不過無論玄彬係咩髮型或面型,相信粉絲依然咁支持佢。今次同緋聞女友孫藝珍合拍新劇,有不少粉絲相當期待!

 

因為今年年初二人被傳媒影到一齊同遊美國,雖然未有承認戀情,但粉絲們都認為玄彬同孫藝珍年紀相若,而外型亦好登對,紛紛表示話好支持佢地拍拖。




News
Feature
Blog
Load more
 
NOTIFICATION