{ LIFESTYLE }
18 Oct 2019
金秀賢有望出演tvN新劇 下週一現身上海見粉絲!

7月初退伍嘅韓國男神金秀賢,好多粉絲都好期待快啲睇到oppa嘅「退伍回歸作」。之後金秀賢為咗支持好友IU嘅新劇《德魯納酒店》,更係大結局最後一幕客串一角,雖然只露面短短10秒,但足以成功刺激劇集收視。日前就傳出金秀賢將參演《雖然是精神病患者但沒關係》,令不少粉絲相當引頸而待!






《雖然是精神病患者但沒關係》劇情講述一名專心照顧患精神病哥哥的男子,跟另一名具有反社會人格障礙嘅兒童文學女作家之間,擦出愛火嘅浪漫愛情故事。「退伍回歸作」消息傳出後,引起不少媒體關注,不過金秀賢所屬經理人公司就回應的確收到好多劇集作品邀請:「不過《雖然是精神病但沒關係》只是討論中的一部。」





雖然未知幾時先可以睇到oppa嘅新作品,但早前金秀賢已密密搵真銀,為護膚品牌拍攝代言照!另外佢更會係下個星期一到上海出席活動,相信到時必定吸引各地粉絲到場目睹oppa一面!





News
Feature
Blog
Load more
 
NOTIFICATION