{ LIFESTYLE }
23 Oct 2019
具惠善現身大呻離婚好冤枉 安宰賢心累刪光IG斷捨離

具惠善同安宰賢離婚事件持續發酵,社交網絡從未停止過控訴對方。最近具惠善亦一改退娛樂圈口風,仲大方接受媒體專訪,公開談論離婚一事,借機控訴安宰賢係負心漢。

「某一天,安宰賢跟我說他變得不心動了」具惠善係專訪中平淡陳述離婚主因,就係安宰賢變咗心。「安宰賢為了練習演技搬去公寓後,就很少跟我聯絡,漸漸地,公寓成了我們分居的空間。」具惠善認為離婚係安宰賢單方面變心,自己絕對係無辜被拋棄嘅一方。

「離婚對我來說太冤枉了。」具惠善認為自己係好妻子,結婚三年都無同安宰賢嗌過大交,不甘接受被離婚嘅命運。後來因婚變一事互相指控後,安宰賢直頭同具惠善完全幾聯絡,唔覆電話同訊息,亦拒絕再見面。而且更刪光整個ig,似乎決心同過去講再見。

可惜具惠善一次又一次向媒體提起事情,令人覺得佢仲未捨得放手。具惠善亦改口收翻退出娛樂圈嘅話語,預告自己會復出,並且發出女強人宣言:「我學到不該相信愛情,而是要相信自己。」但根據佢說話反覆無常嘅前科,網友都只係信住先,並寄望佢真係可以放低 安宰賢,投入翻自己人生。

News
Feature
Blog
Load more
 
NOTIFICATION