{ LIFESTYLE }
28 Jan 2020
嚴選5大古裝奇葩髮型 筷子頭避雷針髻令人「出戲」

近年古裝劇成為唔少人嘅精神食糧,同時出現唔少極奇葩嘅古裝髮型,就算再高顏值都難以駕馭?!一齊睇下5大古裝奇葩髮型啦!

《鳳囚凰》關曉彤

關曉彤飾演山陰公主,原本應該華麗嘅公主髮型,慘被梳成又高又長嘅 「縫紉機」髮髻,更被觀眾恥笑「超奇葩」。


完全諗唔透設計呢個髮型嘅人當時諗緊咩。

後面睇完全令人出戲。

《美人製造》迪麗熱巴

《美人製造》中幾乎所有角色嘅髮型都「炒晒車」,全部都梳到避雷針咁高,連擁有傾城美貌嘅迪麗熱巴都表示「搞唔掂」。


呢個髮型有咩人會駕馭到?


呢套戲嘅造型師係咪好大怨氣?

造型師完全無放過劇中任何一個女演員。

《軒轅劍之天之痕》唐嫣

相信造型師對唐嫣嘅髮際線有一份執着,將額頭梳到有咁貼得咁貼,應該世界上無一個女人可以駕馭呢種髮型?


因咩事要搞到人禿頭咁先安落?

相信劇照絕對係唐嫣人生污點。
連遊戲都將唐嫣個額搞到咁。

總結:求唐媽心理陰影面積。

《王的女人》陳喬恩

佢嘅髮型令我不其然想到北韓某國家主席,呢個起角嘅髮型究竟係咪向呢位主席偷師?


所以係一定要90度角嘅概念?


兩個小圓圈係咩玩法?


難怪教主都眼濕濕。

《宮心計》謝雪心

呢個離奇水煲頭,既無美感又難打理,實在令人費解點解會有呢個造型。

唉,我無嘢講呀法官大人。

YOU MAY ALSO LIKE
News
Feature
Blog
Load more
 
NOTIFICATION