{ LIFESTYLE }
12 Dec 2019
孔劉《鬼怪》爆紅後停工兩年 坦白成名心情「有種被壓抑的感覺」

「最型大叔」孔劉自《鬼怪》同《屍殺列車》後人氣急升,無論國內定國外都多咗極多粉絲,事業直上高峰嘅佢,反而選擇停工,直到兩年後先參與《82年生的金智英》,成功再次製造話題。近日孔劉係《李棟旭想talk》上擔任嘉賓,向觀眾坦承自己爆紅經歷,原來並非常人想像咁美好。



孔劉自2016年爆紅後,廣告,劇集,宣傳接踵而嚟,當時嘅佢可以話係得到唔少藝人都夢寐以求嘅身分同地位,可惜孔劉反而感到異常壓抑同不安,「我可以擁有這麼多嗎?後來開始有點畏縮,要承受這一切有點吃力。」

孔劉一時之間承受唔到呢種轉變,坦言「我沒辦法享受每一瞬間,就有種被壓抑的感覺」,同時又開始變得害怕人群:「後來也變得畏畏縮縮的,因為不想讓大家看到這個樣子,所以就都沒出門,一直避開有人的地方。」

直到2019年,孔劉開始收拾心情,重拾翻工作,仲參與拍攝《82年生的金智英》,一套同社會議題關係密切嘅電影。孔劉希望可以參與多啲呢類題材嘅戲,憑自己演員嘅影響力,令更加多人可以留意到社會發生嘅事,發揮演員真正價值。

News
Feature
Blog
Load more
 
NOTIFICATION