{ LIFESTYLE }
19 Feb 2020
成龍曾志偉同警方開心gathering 內地網友都頂唔順:「呢個時候仲聚會」

武漢肺炎肆虐,政府早多次呼籲市民減少社交接觸,避免到人多的地方及社交聚會,不過睇黎明星足球隊包括有成龍同曾志偉以及譚詠麟與警方高層就無有怕,繼續一齊開心聚會,日前被影到係又一村俱樂部食飯。不少網友重複翻看短片,竟發現聚會中有人竟然違反政府禁演規例,公然在室內吸煙,仲列出多宗罪。




除了室內吸煙,當成龍同曾志偉以及譚詠麟一齊高歌嘅時候,共用一支咪高峰唱歌,似乎欠缺衛生意識。另外聚會中大部分人都無帶口罩,違反現時防疫指引,增加武漢病毒在社區傳播嘅風險。




Gathering短片火速係微博流傳,有不少內地網友就認為佢地膽識過人,係武漢肺炎肆虐情況下繼續聚會,紛紛留言,「現在真的不要再聚集了」、「我的天還聚會」等。

聚會短片流出後惹起網友爭議,不過有份出席嘅藝人好似歐陽震華同林國斌接受傳媒訪問時就認為網友小題大做,因為係普通飯局。至於「無份出席」嘅藝人包括馬蹄露同莊思明都力撐去飯局冇問題,當中馬蹄露仲強調有人大做文章,係別有用心!


News
Feature
Blog
Load more
 
NOTIFICATION