{ LIFESTYLE }
26 Aug 2015
❝ 編輯部Good Pick! ❞ 超浪漫!玫瑰英式下午茶



有無sis同小編一樣咁鍾意玫瑰花呢?一定要介紹呢個以玫瑰為主題嘅英式下午茶畀大家!以玫瑰花做主題嘅食品可能大家都有試過,但呢個下午茶仲可以一邊試食一邊試用三種玫瑰精華包括香薰油、花水及香水,大家可以完全沉醉喺玫瑰花嘅花香入面。

 











二人極致五感享受芳香玫瑰下午茶只需每人HK$298就可以享用到三層式下午茶,仲可以任食雪糕添!有柚子、豆腐同薑味雪糕,大家仲可以依個人喜好搭配唔同嘅果仁,味道清新,而且感覺更健康!





第一層有芝士、橄欖同分子黑松露香醋珍珠,再配以芝士同薰衣草英式鬆餅,加上法國純天然玫瑰果醬及奶油,用料好矜貴呀!第二層有用法國天然玫瑰精華製成嘅意大利DK Cuppa Tea芝士蛋糕同杯子蛋糕。頂層有加入有機玫瑰純露製成嘅心形北海道3.6牛乳布丁,最後以玫瑰花瓣點綴嘅石板街朱古力作結尾。睇見都開心!




飲品方面亦同呢個下午茶絕配,有玫瑰、伯爵薰衣草和檸檬薄荷三種味道。玫瑰花茶伴有即製嘅有機棉花糖,夢幻感大增!





鍾情香水嘅sis仲可以以HK$100嘅優惠價參加迷你香水工作坊,根據個人喜好製作自己心儀嘅香水(10毫升),各位玫瑰控千祈唔好錯過喇!








銷售點:

 

DK CUPPA TEA

 

上環新街市街19號地鋪

中環士丹頓街16A 號地鋪





YOU MAY ALSO LIKE
News
Feature
Blog
Load more
 
NOTIFICATION