{ LIFESTYLE }
24 Feb 2020
木村光希近日造型「連環炒車」 網民怒批造型師「唔好再玩佢」

17歲嘅木村光希一直熱衷於參加各個時尚活動,除咗外貌激似爸爸木材拓哉,光希仲遺傳媽媽嘅模特兒身材,唔少大牌子都爭相邀請佢參與各個國際時尚展,令佢年紀輕輕已經變身「時尚達人」,成為傳媒嘅焦點。不過近日光希嘅造型不停炒車,網友翻找佢係十日內嘅各種造型,全部無一倖免出晒事,令人不禁質疑造型師係咪有心「玩佢」?


清新造型充滿少女味。


成熟造型唔太襯佢。

2020 BVLGARI秋冬發表會造型

當日光希嘅中分大曲髮顯得相當老氣且厚重,失去日本妹子頭最着重嘅空氣感。而且眼影選用極難駕馭嘅天藍色,搞到激似「大x活」收銀阿姐,惹嚟唔少負評。





Coach紐約時裝週造型

黑色「狗毛曲」髮型一向難駕馭,佢亦完美示範「炒車」例子。原本配搭可愛簡潔嘅妝容,亦能搭配出俏麗可愛嘅復古感覺。可惜當日光希嘅妝容極其成熟,煙熏眼影加上極濃陰影,配搭復古紅長外套,令佢瞬間老十年。





 FENDI 時裝週造型

全身粉色加碎花造型,非常適合年紀尚輕嘅光希,只要配搭簡單淡妝,絕對可以穿出少女感覺。但當日光希個妝相當唔乾淨,額頭仲泛起油光,頭頂秀髮亦離奇扁塌,望落形象不夠清新。



對比其他人就會發現妝容出事。


近日光希都走復古風。

淡妝成個靚翻晒。

News
Feature
Blog
Load more
 
NOTIFICATION