{ LIFESTYLE }
24 Feb 2020
李英愛聲援武漢被批「不顧本地人」 秒捐5000萬網民轉態大誇「有善心」

「不老女神」李英愛一向熱心做善事,早前佢為咗向武漢醫護同市民打氣,仲現身拍片,親自出馬慰問一眾醫護人員,並表明會全力支持中國。最後仲連同駐韓國大使邢海明,一齊係鏡頭前高喊「武漢加油!中國加油!」,令唔少中國網友大受感動。不過估唔到拍片一事竟然惹怒部分韓國網民,批評佢忽略「自己人」?

打氣片段曝光後,中國網友一致對李英愛讚不絕口,甚至大呼「中韓友好」,「謝謝大長今」。不過韓國網友反而出嚟指責李英愛,狠批佢唔顧自己國家:「我們都自顧不暇了,還有空去管別人」,「先幫幫我們自己的國家吧」,點知李英愛及後竟無作任何回應,反而豪捐5000萬韓幣救救大邱疫情,直接令網友啞口無言。


自佢火速捐款後,原本批評佢嘅網友都無話可說,韓國網民亦轉態支持李英愛,讚佢係「人美心善」嘅良心藝人,「拍片風波」先告一段落。

News
Feature
Blog
Load more
 
NOTIFICATION