{ LIFESTYLE }
22 May 2019
林建明去韓國追星偶遇朴志訓 拍檔盧海鵬:「好似曾志偉咁,點會靚仔呢?」

相信有好多粉絲都好想可以近距離見到偶像,ViuTV嘅新節目《林盧去追星》昨日首播,盧海鵬同林建明(大姐明)一齊到韓國追星,琴晚播出嘅第一集就遇到韓國當紅組合Wanna One出身嘅朴志訓,搞到大姐明相當興奮,不過在旁嘅鵬哥就似乎唔多like!








其後節目組見到大姐明咁興奮,就上前問對方係咪認識朴志訓,大姐明就回答,「其實我對佢唔認識,我諗佢有佢嘅氣派,好多fans追住佢,都好靚仔呀!」鵬哥聞言後就直言呢啲根本係盲目追星,「點會靚仔呢?嗰條友(朴志訓)直頭戴住面罩,戴曬黑眼鏡,仲好似曾志偉咁高,點會靚仔呢?」





大家都明白鵬哥一向「有個句講個句」,相信粉絲咁大量寬洪大量一定唔會嬲嘅!而大姐明同鵬哥其後係當地仲會發揮「扮嘢」天份,模仿《來自星星的你》嘅都敏俊和千頌伊,同《大長今》嘅長今和閔大人,非常搞笑。




News
Feature
Blog
Load more
 
NOTIFICATION