{ LIFESTYLE }
11 Nov 2019
泫雅苦等E'Dawn年半主動告白「會等他」 男方當時竟然咁回應?!!

E’Dawn同「性感女神」泫雅已經一齊咗接近四年,兩人依然如漆似膠,IG經常放閃,甜蜜又穩定嘅戀情令人羨慕不已。最近兩人仲一同以情侶身份上綜藝節目《認識的哥哥》,泫雅仲爆出早係E'Dawn做緊練習生時已經愛上對方?!

 

泫雅在節目一開始帶著E'Dawn走進教室,現場已經一陣歡呼。泫雅大方公開兩人戀情嘅經過,原來泫雅係先對E'Dawn心動嘅一方,一直有向對方有意無意咁示好,可惜當時E'Dawn點都無諗過女神對自己有意,所以無反應。

 

而令泫雅鼓起勇氣告白,係因為有次泫雅傳咗燒酒同酒杯嘅相比E'Dawn,對方收到後秒回:「姊姊等一下,我也去買,因為姊姊酒量不好,(在等我的時候)要慢點喝才行。」呢句窩心說話令泫雅甜到入心,趁著酒意決定告白:「我喜歡你很久了,之 前我希望你能發現。畢竟不是我可以告白的情況」

 

礙於當時E'Dawn仲係練習生,泫雅當時無奢望E'Dawn回應心意,淨係話會等佢。點知E'Dawn竟然霸氣回應:「為什麼?不能現在開始交往嗎?」當時E'Dawn無諗太多,淨係想好好愛惜眼前嘅女人:「不想再拖延時間了,他說會等我,是因為我要出道了,想等我做好心理準備。但我當時整顆心,都已經被喜歡的心意佔滿了。」


News
Feature
Blog
Load more
 
NOTIFICATION