{ LIFESTYLE }
10 Oct 2019
BLACKPINK活動遲到碧咸苦等廿分鐘 被轟「不守時架子大」媒體離場抗議

噚日國際巨星碧咸出席韓國舉辦嘅adidas 70週年活動,退役多年嘅咸爺可以出現係韓國,絕對係韓國粉絲嘅一大光榮!而主辦方亦特意安排同樣知名國際嘅女團BLACKPINK撐場,仲估唔到BLACKPINK竟然遲到廿分鐘,要咸爺係台上乾等喎!

活動其實係一開始已經安排好晒行程,首先係開唱白,之後再邀請咸爺登場,幫咸爺改韓國名,然後再請BLACKPINK登場,同咸爺互動。一開始活動都順利進行,咸爺一直笑容滿面同媒體互動,仲得到「白珈藍」嘅韓國名。可惜到咗同BLACKPINK嘅互動時間,BLACKPINK竟然無現身,令台上氣氛變得尷尬。

不過咸爺依舊笑容滿面咁係台上耐心等候,終於廿分鐘後等到BLACKPINK現身,但現身後媒體被告知BLACKPINK取消原定演出,搞到成班媒過嬲爆,紛紛離開以示不滿。




事件令BLACKPINK受到唔少韓國網友批評,狠批工作唔守時又唔告知原因,仲要國際巨星碧咸乾等,都可以話係瘀到出國際。暫時BLACKPINK仲未回應事件,不過碧咸係活動就無黑面,反而熱情對待BLACKPINK,似乎就無將遲到一事放上心上。

News
Feature
Blog
Load more
 
NOTIFICATION