{ LIFESTYLE }
18 Feb 2020
羅鈞滿上傳CSI口罩自拍惹風波 網民質問:「轉咗行做公務員?」

武漢肺炎肆虐,全民搶口罩已成風氣,唯獨供衛生署、食環署,消防等政府部門,可以享用懲教署生產嘅CSI口罩。不過近日唔少人發現呢類理應公務員先有權享用嘅口罩,陸續出現係民間。就連前tvb藝人羅鈞滿都有份戴,令市民質疑佢地係點拎到呢類口罩!


近日羅鈞滿係微博發佈一張口罩自拍,照片中嘅佢現身機場,「機場都沒有甚麼人,要祝我一路順風啦。#如非必要請避免出門#但唔出門無錢買口罩#所以要出門搵口罩錢#出門 #機場 #香港#我百毒不侵因為我都好小心」原本只係一張普通自拍照,但有眼利嘅網民發現,羅鈞滿所戴嘅口罩印有CSI字樣,但明明坊間無得賣呢款口罩,究竟個口罩邊度得嚟?!


亦有人聯想身為明星足球隊嘅羅鈞滿,一向同警隊交情甚好,會唔會係靠關係得到口罩。同時有人留言質問:「轉咗行做公務員?」不過羅鈞滿對呢類質疑選擇避而不談,亦無現身交待事件,似乎想令事情慢慢淡化解決。


News
Feature
Blog
Load more
 
NOTIFICATION