{ LIFESTYLE }
09 Apr 2020
范冰冰求合作內地網紅慘食檸檬 對方曾說「范冰冰是自己偶像」

曾經係內地呼風喚雨,紅極一時嘅范冰冰,2018年因逃稅醜聞被全面封殺,事業直插谷底。事後范冰冰不斷做公益以及出席活動,希望能重回一線星路,可惜復出計劃一直不順。最近傳出范冰冰改變策略,從娛樂圈轉戰網路事業,更主動找內地網紅薇婭合作開直播,點知竟然慘食檸檬?!

 

范冰冰自逃稅風波後,頻頻出席公益活動,又高調飛往國外工作,可惜辛苦拍下嘅作品全被封殺,仲令唔少片商怕咗同佢合作。無奈之下范冰冰只好轉戰做美妝kol,力銷個人美妝品牌「FAN BEAUTY」,又係「小紅書」狂發美容心得,仲有意邀請淘寶第一主播薇婭合作開直播。當年薇婭曾經講過「范冰冰是自己偶像」,點知到今時今日范冰冰力邀合作,對方竟然改變態度,拒絕合作,令唔少網友都嘆氣:「虎落平陽被犬欺」

 

除咗復出之路不順外,范冰冰嘅美容事業亦出現危機。上年3月同造型師好友夾份開張嘅美容院,竟然唔夠一個月就低調結業。睇嚟范冰冰要東山再起,都有一定難度。

News
Feature
Blog
Load more
 
NOTIFICATION