{ LIFESTYLE }
13 Mar 2019
葉璇微博自爆遭富商逼飲酒 
唔飲被鬧足一粒鐘!

近年主要係內地發展嘅前TVB女藝人葉璇,外界一直大多數都係關注佢嘅感情狀況,日前佢就係微博自爆出席飯局期間,疑遭在場嘅富商逼飲酒,但因未有就範,被對方鬧足成粒鐘!有唔少網友睇到葉璇嘅遭遇後,紛紛話該名富商意圖不軌!

葉璇

葉璇


葉璇表示自己平時滴酒不沾,所以係食飯期間只係舉杯示意,而同場亦有一位任職警察嘅同學在場,同樣滴酒不沾,不過就無遭富豪
逼飲酒兼被對方鬧,葉璇大罵該富豪係因為自己係女生所以先受欺負!

葉璇

葉璇

有網友就留言指葉璇係咪出席一場有(收錢)嘅飯局,葉璇亦立即留言反擊對方,並指出無實力嘅人先會靠同富商飲酒爭取工作機會,並強調自己係有原則嘅人,仲話為咗利益而放棄原則嘅人,最終只會自食其果。

葉璇

葉璇

其實近年葉璇係內地是非多多,2015年佢公開同內地男友小默先生嘅戀情,二人一直愛得高調,但2017年年初就同男友嘅前女友呂梅鬧上法庭,最終法院判呂梅勝訴,並要求葉璇要以書面形式道歉及賠償9600元人民幣,但葉璇不服上訴。

葉璇

葉璇

不過佢一直未有履行法院判決,搞到最後出境時被攔截,執行法官命令葉璇當場刪除所有的有關呂梅嘅信息,日前親自到法院呈交道歉信及繳交罰款。

葉璇

葉璇


Source:微博
Text:Alina

KEYWORDS / 葉璇
YOU MAY ALSO LIKE
News
Feature
Blog
Load more
 
NOTIFICATION