{ LIFESTYLE }
14 Nov 2019
許廷鏗上載黑白照「何必趕盡殺絕」 大陸網民暴怒「滾回香港!」

同為歌手同牙醫身份嘅許廷鏗,早前「中文大學」風波發生後,Alfred隨即上載一張黑白相,並留下新歌《偽人》一串歌詞,兼發咗個限時動態,內容即時令網民聯想到示威學生,亦因此觸發內地網民玻璃心,瘋狂指罵Alfred係港獨份子?

Alfred早前上載黑白相,並留下新歌《偽人》歌詞「圍牆有耳,浮雲有眼。沿途有舌,而誰有力。若是暴露我的真,我擔心你轉身。若是暴露我的真,我擔心,冒犯眾生。」,同時限時動態留下「何必趕盡殺絕 心疼」文字圖,令網民聯想Alfred係心痛緊備受苦難嘅大學生,紛紛支持Alfred,,稱佢為「良心歌手」。

不過大陸網民就無咁易放過Alfred,開始擁入Alfred微博不斷留言,瘋狂指罵佢係港獨份子,利用歌詞撐暴徒,又叫佢「滾回香港」等。面對內地網民指責,Alfred完全不痛不癢,昨晚仲係IG繼續發文,「殘忍 離仁慈會有多遠?這距離如風箏 將斷未斷......」我行我素嘅性格令人敬佩!


News
Feature
Blog
Load more
 
NOTIFICATION