{ LIFESTYLE }
09 Dec 2019
陳喬恩認愛小9年艾倫被脫粉 堅守愛情:「沒強求支持我的戀愛 」

現年40歲嘅「教主」陳喬恩,早前在拍攝《女兒們的戀愛2》後成功尋覓真愛,與31歲馬來西亞富二代艾倫拍拖,仲係微博公開認愛,即時引起粉絲嘩然,隨即有關兩人嘅新聞即上熱搜,惹嚟網民熱論。


自兩人高調認愛後,艾倫開始被網友起底,被挖出唔少以往嘅花邊新聞,亦發現佢同唔少女網紅都關係密切,令人擔心陳喬恩被玩弄感情,因而紛紛換上黑頭像,反對兩人嘅戀情。



粉絲紛紛留下「祝你幸福,再見。」後脫粉,令喬恩被冠上「刀姐」稱號。面對脫粉風波,喬恩依然為愛情發聲,「我沒有強求去支持我的戀愛,接受和不接受,我覺得都可以,彼此尊重,這才是好的方式」堅持守護艾倫嘅佢,亦不忙反擊粉絲:「還有刀姐其實有點搞笑,這也不是我的意思,那希望我就此收刀,別再刀到了!」

不過呢段留言隔咗無耐,喬恩自己又刪走翻,未知係怕太串得罪粉絲定咩原因。不過現時粉絲嘅態度亦非常兩極化,有人堅持支持教主追尋自己真愛,亦有人勸喬恩「寧缺毋濫」,希望佢可以好好睇清艾倫再決定一唔一齊。

YOU MAY ALSO LIKE
News
Feature
Blog
Load more
 
NOTIFICATION