{ LIFESTYLE }
23 Oct 2019
雪莉曾決心提告惡評網友 得知對方大學生後心軟怕毀人前程

韓國藝人雪莉上星期於寓所輕生後,社會開始關注網絡欺凌嘅議題。年僅25歲嘅雪莉會自殺,無擬社交網站造成嘅惡評壓力係其中一個重要因素。雪莉一直飽受網民攻擊,連帶身邊朋友都受牽連,令雪莉一直非常自責。

惡評者除咗會係雪莉社交網站留言謾罵外,有時仲會係埋雪莉朋友嘅社交網站留言攻擊,「你為什麼要跟雪莉走那麼近?為什麼要跟大家都討厭的人當朋友?」,雪莉無法承受自己嘅朋友被謾罵,曾經係節目上透露事件令佢承受非常大壓力以及傷害。

而雪莉亦嘗試對抗惡評者,向不斷留惡評騷擾佢嘅網民提告。但當佢發現對方竟然係同自己年齡相近嘅大學生後,竟心軟為對方設想:「提告的話,對方會因為前科而找不到工作」,因而決定撤銷控訴。

可惜善良嘅雪莉並無得到網民體諒,謾罵依然從不間斷陪伴雪莉成長,鑲成最終悲劇收場。雪莉嘅死亡同時喚醒唔少網友反思自己行為,遇到惡評攻擊者係咪繼續由佢任意妄為?還是可以用行動反擊攻擊者?確實值得深思。

News
Feature
Blog
Load more
 
NOTIFICATION