{ LIFESTYLE }
21 Oct 2019
Jared Leto被爆曾施壓《小丑》開拍 企圖腰斬電影失敗

由導演Todd Phillips打造嘅《小丑》,成功獲得國際好評,上映一周已摘威尼斯金獅獎,Joaquin Phoenix更有機會憑「小丑」一角獲得影帝。而前任小丑Jared Leto被指一直為此事不憤,更有媒體爆料Jared Leto曾向華納施壓,意圖令《小丑》胎死腹中。

小丑小丑

Jared Leto雖然係非常敬業兼演技精湛嘅演員,可惜性格麻煩難搞,亦曾被外媒選為演員中嘅「難搞」之最。當年Jared Leto為咗投入小丑角色,曾經出現唔少古怪行為影響劇組,例如向Margot Robbie送活老鼠,無端端比子彈Will Smith,送死豬比劇組等,雖然係為塑造角色而咁做,但同時亦被冠上「麻煩演員」稱號。

小丑

結果辛辛苦苦揣摩角色拍完嘅戲份,被剪到得翻10分鐘,呢點已經令Jared Leto相當氣憤。後來比佢知道Todd Phillips想另外開拍《小丑》(但又無搵翻Jared做主角),Jared Leto被指為此事經常向經紀人抱怨,仲要求佢打比華納高層想腰斬《小丑》。

小丑

而當時華納都無諗過《小丑》會咁收得,唯有敷衍Todd Phillips,只係撥左7000萬美金比Todd Phillips拍。要知道連《自殺突擊隊》都用咗1.75億美金黎拍,相對上《小丑》得到嘅資金真係極少。可惜Todd Phillips並無因為咁知難而退,相反運用有限資金拍攝一套極高收益嘅電影,確實係令華納意想不到。

小丑
小丑

Jared Leto亦因為《小丑》順利開拍感到不滿,自己嘅獨立電影又不了了之,痛批公司無幫佢爭取獨立電影,雙方只有不歡而散,Jared Leto更索性跳槽尋找新發展機會。唔少網民其實都登Jared Leto感到可惜,理解佢為電影付出咁多,卻得到被刪淨10分鐘嘅結果,正常人都會感到心淡,希望佢離開公司後可以得到更多機會,並期待佢往後嘅演出。

News
Feature
Blog
Load more
 
NOTIFICATION