{ LIFESTYLE }
01 Apr 2020
東出昌大無法回答「喜歡杏還是唐田」 正印崩潰決定離婚

東出昌大早前被爆偷食唐田英里佳長達3年,當時老婆渡邊杏懷有身孕,仲要承受丈夫偷食嘅打擊。消息流出後東出「暖男」形象盡毀,正式淪為「全民公敵」。早前東出昌大係記者會被問到「杏和唐田你喜歡哪一個」時,竟沈默12秒無法回答,令杏傷害更深。據悉渡邊杏已找律師處理離婚事宜,決心離開東出昌大重新生活。

 

據日媒報導指出,渡邊杏本來對離婚一事尚有保留,生怕影響三個仔女嘅成長。但有傳係2月期間,渡邊杏回家時發現早已分居嘅東出昌大竟出現係家裏,兩人亦為此大吵一架,最後東出放低鑰匙離開。杏當下感受到自己無法再相信眼前呢個男人,決心離婚重新生活。

 

東出昌大令杏情緒處於失控崩潰,兩人無法再正常交談,所以杏己經搵律師代辦離婚事宜,避免再見東出昌大。早前東出係記者會上,被記者問到:「杏和唐田,你喜歡哪一個?」時,竟沉默12秒有多,最後亦無正面回應:「很抱歉,我沒有辦法回答。」公眾砲轟此舉造成杏嘅二次傷害,亦希望佢唔好再出現係公眾眼前,惹人生厭。

News
Feature
Blog
News
Feature
Blog
Load more
 
NOTIFICATION