每逢秋冬特別腫? 女中醫教路針穴位極速祛水腫!   04 Oct 2018

每逢秋冬特別腫?
女中醫教路針穴位極速祛水腫!

近日空氣變得乾爽,秋意越來越濃,終於可以換季啦!不過有冇發覺,近來覺得一早起身就眼腫腫,有時又好似夜晚開始小腿好腫好重!究竟點先減到肥,令哩種感覺消失?

步入秋冬,受氣候環境影響,人體新陳代謝會減慢,正常情況下,生理上會有秋收冬藏嘅現象。有現代醫學指出,天氣由熱轉冷,令全身血管收縮,血液運行減少,所以運送營養及運走廢物、毒素嘅過程減慢,容易使水分留滯,變成水腫,固此上述情況其實是水腫問題居多。

中醫分析水腫:

原因主要同肺、脾、腎有關,使肺調節身體津液不當、脾處理水液代謝失常,腎平衡水液代謝失衡等原因,導致體內水液留滯,浮上肌膚,最後可以令頭面、眼瞼、手腳、甚至全身出現浮腫,亦易被誤解為肥胖。

 

咁究竟點解有人朝早腫、有人夜晚腫?中醫將水腫基本分為兩大類:「陽水」和「陰水」

陽水:

多屬實證,以風邪、濕熱為主。發時多數由頭面開始延至全身,或以上半身為主。皮膚彈性大,按後快回復原狀口渴、成日想飲水、心煩、大便難等都喺常見嘅兼症。

陰水:

多屬於虛證,可由飲食傷脾胃、 反覆病太耐傷及腎臟等導致。初起腳部腫,慢慢向上發展,甚至全身,病程較陽水長。皮膚按後彈起較難較慢。易攰,冇精神、唔夠動力、怕凍、大便易散、黏廁所喺一般兼見症狀。

 


中醫處理方法:

水腫可以用針灸、埋線、開藥、拔罐等方法處理,每個人體質都有唔同,病情簡單嘅話或可以單一方法處理,相反病情複雜,就視乎情況增加治療次數或者強度,甚至要多管齊下,總結,治法一般要以祛風利水或是健脾腎、祛痰濕嘅方向處理根本問題。


都巿人生活忙碌,少做適量運動,易令水液停滯。中醫針對唔同部位、唔同時間發生嘅水腫,處理方法都有所不同。

預防水腫:大家可以多按足三里穴同陰陵泉穴。
足三里穴:位於外膝眼下面4橫指,脛骨外1橫指。

陰陵泉穴:位於小腿內側,脛骨內側突起後下方凹陷處。

 


每天或隔天按壓,適當施力令穴位有少少痠脹感覺便可。

另外,偶爾食用冬瓜、苡米、黑豆、紅豆、粟米鬚等食材,都可以避免水濕留滯體內,減輕水腫形成嘅機會!冇水腫,自然唔覺得身形腫脹啦!


想睇更多保健養生扮靚資訊,快啲FOLLOW林醫師IG同埋Facebook啦!

 

作者:林惠賢中醫師

林醫師畢業於香港浸會大學中醫學士及生物醫學(榮譽)理學士,曾進修香港大學臨床皮膚醫學證書,對各種皮膚病有更深入了解。林醫師曾跟隨恩師黃火文主任醫師於中山大學附屬腫瘤醫院診症,以中西醫並用治療腫瘤。曾修讀中醫學深造證書(腫瘤學)。對治療鼻咽癌、大腸癌及婦科癌症(乳癌、子宮頸癌、卵巢癌、子宮內膜癌等)甚有心得。
曾於不同報紙雜誌作專欄分享,並受邀到不同社區做中醫講座。
現於仁美專科中醫診所(油麻地)駐診。
--內科,婦科,中醫美容,體重管理,腫瘤科--
查詢及預約:21513277

Whatsapp: 55457455 (用BE app 閱讀的朋友請使用複製功能噢)

Facebook 專頁:仁美專科中醫診所
網站:http://renmehk.com



+ Favorite
NOTIFICATION
x